سامحوني

[سلطان الوثر]

كان ياما كان .. رحت , وكيف جبته
ظلِّي اللي راح في غفلة جفوني


ليه ياظلِّي طلع نجمي وهبته
كنَّك اللي خايف تصدِّق ظنوني


بس ياما .. (ذنبي اللي ما احتسبته
ذنب) , كنت اكتب ولا اقرا ياعيوني


لين ما ليل الهوى برَّأ رقبته
قلت : ذنبك! قال : لا .. لا تسهروني


آه يالجذع الذي (مازان نبته
لي) .. وعرقه يشرب من اقصى طعوني


طال عمره باليباس (ولا احتطبته
عن خضار يقول للظلمات : دُوني)


من زحامي والفضاء اللي ركبته
أجرح جناحي ولا آحسِّ بمتوني


واكتب اللي لاكبتِّه جار كبته
واكبت اللي لاكتبته تجهلوني


ودِّي احسب شي ما احسبني حسبته
ودّي انطق دون منطق .. غيِّبوني!


وسامحوني , لا دنا الحرف وكذبته
نوب ودِّي اظهر بعيني بدوني


مثل ما احزن , حزن غيري لا رغبته
أشعر بطعم السعادة صدّقوني


ومثل مااضحك من صميم اللي عطبته
واشعر بجرحه يطيب وتحسبوني ..


وسامحوني , لاسكنته واغتربته
نجمي اللي ماسهرللصبح دوني


سامحوني سامحوني (لاوهبته
قلبي) وقفّيت عنّه .. سامحوني


قولوا انَّ الذنب هذا ما ارتكبته
حلِّوا (انسا نيِّتي) من طيب نوني


مابقى بالحبر كثر اللي كتبته
مابقى الاَّ (حقّ كلمة : سامحوني)

 

[فاطمة ناصر]

.. الله الله الله يالوثر

مسموح وهل بعد هذا الشعِر خطيَه
بـ مثل هكذا سِحر تبقى عالياً حيث السماء ياأنيق
طبتَ ودقاً ..

 

[فهد الغبين]

الغالي سلطان


لله درك على هذا العزف النزف


دمت بود

 

[ميــرال]

نوب ودِّي اظهر بعيني بدوني


من بساطة المفردة ورهافتها كان هذا الأحساس العذب والعذب جداً
سامحوني/ قاسيه هذه الكلمه ومألمه وعلى هذا اتت كااللطف


ورائع الشعر والشعور ياسلطان

 

[محمد الغشام]

,

سلطان الوثر
سامحوني كان العنوان لنرى كُل شي هنا أحساس ليترمّد كل شي في دواخلنا
كل شي هنا صوت حزين ولكن بطلف ورقه .. لنستعذب كل هذا الجمال
ليدخل قلوبنا .. لنستدرك الخطوات ببياض

عاطِر التحايا

 

[عواد سحل]

لن نسامحك اذا حرمتنا من هكذا نزف

نص اكثر من رائع

مودتي

 

[عبدالله صلال العساف]

قصيده جميله
تفوح بالشعر والشاعريه
من شاعر
راائع

 

[ظافر الهرمسي الهاجري]

سلطان

أحب حرفنتك بالنصوص ْ

شاعر وتستحق أكثر من شعورنا بك

دمت بخير