أعتذار عن الغياب فقط ... مزيداً من الكبت ...

[نايف الروقي]

:

بسم الله الرحمن الرحيم

بلامقدمات ..

:
مابين همس الربوع وزفرة السبت
فكر المعاني ذرف بوح المعاني
:
همي دبا والخفوق المكتنز خبت
أمست جموعه على خضر المحاني
:
لو طار فالصبح جف الضرع والنبت
وفصل الجفاف ازدهر قبل الأواني
:
داخل عروقي ترعرع وارث الكبت
حتى غدا شيخ يستلطف هواني
:
يرمي علي الخطا واقوله صبت
مـ بيه يدري حقيقة ما اعاني
:
لـ اجله توحدت لومنهم تشعبت
في داخله مقصدي يرتاح هاني
:
ممكن تلاشيت عني وسطه وغبت
وألا اني ابطيت به حتى نساني
:
وألا غدا الموطن اللي به تغربت
واصبحت شطه وبحره والمواني
:
الطين انا ما درى اني فالهوا ذبت
واكبر مصيبه رجعت انسان ثاني
:
صوتي سألني بعد ما جيتله تبت
وشلون مجني عليه وعاد جاني
:
راودني الليل حتى بوجهه ارتبت
اسدلت لوني عليه أو هو كساني
:
واشوفني في عيون الفجرشيبت
هذي رموشي عليه اكبر بياني
:
ياهم ماحان ترفع وطئة الجبت
من بلسم الضيم جاني ماكفاني
:
ياكم تمنيت بـ اني يوم ماطبت
ومصيبتي كيف ابيع اللي شراني
:
اطنبت ياهم وألا بشرحي اسهبت
هذا لساني غدا ماهو لساني
:
لو كل منهو سمعته قلتله صبت
ماتت معاني ورا اسوار الأماني
:
ما اقول للجبت لامن حل وش جبت
اقول ياحي منهو زاار عااني
:

الروقي .. ن ..

 

[فَجرْ العسَكرْ]

ممكن تلاشيت عني وسطه وغبت
وألا اني ابطيت به حتى نساني
:
وألا غدا الموطن اللي به تغربت
واصبحت شطه وبحره والمواني

،،،

الروقي / نايف
كُنت عطشى فَ أرويتنا من فيض كلامك
كفيت و وفيت صحَ لسانك وبوُحكْ

 

[سلطان الوثر]

ماشاء الله يانايف

شعر عميق وفن وفكر وإبداع لامتناهي

لاهنت

وألف شكر من القلب

 

[فهد الغبين]

الغالي نايف

لله درك ..ودر الحرف الذي تكتبه يابطل

دمت بود

 

[وديع الأحمدي]

نايف الروقي ,
تسدل المتعة ستارها علينا ,
فلا نراها غيرها خلال هذا الشعر العذب ,
فنتوه به ولا نصحو إلا عليه ,
دمت رائعا ,


تحاياي

 

[بندر الصقر]

ان تجعل من الكبت وطنا يا نايف , اقسى بكثير من ان يكون سبب كبتك الوطن ..

لله درّك وما جئت به .

 

[عبدالله العويمر]

نَايف
وحُضُورك َ يُلْغي الغِيَاب

جَمِيْل يَانايف

 

[ظافر الهرمسي الهاجري]

الروقي / نايف

صح الله ألسانك ملياررررررر

ولا هنت على هذا النص ْ الفاخر

تقبل مروري وتحياتي