برشا بحبّك ... محاكاة ... لـ زوغة بصر

[سلطان الدوسري]

السلام عليكم ...
ومساكم هيل وزعفران ...
وعذرا منكم ومن ذوائقكم بهذا الطرح الإجباري .. ولكن حين يكون هجاااااج الوسوس
وعلى هذا الرابط : http://www.ab33ad.com/vb/showthread.php?t=2592
لابد أن يكون هناك كلام آآآآآآآآآآآخر .. فقد زاغ البصر كثيراً وأطربني بمفردته ..
لذلك لابد من هذه :
.
.
.
.
[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]سر ياقلم واكتب حروف(ن) على شاني=هجّاج ولّع قوافي .. يالله الخيره
زاغ البصر ؟؟ لا على نظرات ميزاني=لو زاغت النظره الأولى على سيره
حان اقتطاف الحروف وجنيها داني=وياليلَ دانا لدانا .. لو على بيره
تسكر حروف القوافي رقصها غاني=وش جاب ذاالغاني اسود لايجي كيره
اعني ترى غانيه بتفلسف بكاني=كاني هنيّا .. هنا .. وهنااااك .. تسبيره
باقف على رجم(ن) اليا شفته ابكاني=هزّ الخفوق وبكاني .. ولّع بنيره
اذكر وليفي واقول : الوقت مامداني=ماامهلني اشرح واعبّر له بتعبيره
قاسي عليّه .. كسرت " الفازه " اتعاني=قاسي على قلبك ايضاً كاسر(ن) زيره
ورد المحاني تبعثر كيف تكفاني=وشهدك تنثّر حساااافه .. ماأبي غيره
لكن ابكتب حروفي لجلك وعاني=عاني .. وشوفي .. وبُصّي .. هيك ياميره
" برشا .. بحبّك " واتونِسها بلبناني=ليت العروبه تجمّع في كذا جيره
" بالزاف " احبّك " وأخّه " صرت طنجاني=والا " احبّس واحبّس " لهجة الديره
لكن احبّك .. ولو كنتي من الغاني=شفتي رجعنا ؟؟ سواد الحين تنويره
شفتي فديتك .. احبّك حبّ بجناني=يعني تعالي .. ترى مافيه تصبيره
ماكلُ مايتمنّى المرءُ .. تلقاني=تجري السنونُ بمالاتشتهي .. حيره
شوفة عيونك ابيها لو هي اكفاني=موته .. ودفنه .. بوسطك .. دون تحذيره
موتي بوسطك .. كما تشبيهي الثاني=تمره بسكّر .. تموت بدون قطميره
واليا اهتويتي جنوني قلت : انا الباني=للسّلّم اللي رقينا فيه .. تعميره
كل الكواكب تدور وحولها اشجاني=كل المجرّه تبي قربك .. بتدويره
ماخلتك الا على كوكب من الزان ِ=نابت بأرض وسقى من سحب .. تمريره
" أراكَ عصيّ الدموع " بحرف " حمداني "=وثومه تقول " الهوى غلاب " يامنيره
" عوّدت عيني " عليك وصرت ادماني=" من اجل عينيك ِ " ألعن بوش وبليره
واليا استوت عندي الدنيا .. اجي تاااني=ايوا يابويَه .. حجازيّه على شيره
تاني .. وتالت .. ورابع .. لاتعدّانني=ايوا كِدا سِيبك إنتَ .. هات تكبيره
قولي " احُبَّك كَمَان " بلهجة اخواني=وانا بعد ميت(ن) من دون تحزيره
ليت الحقل يرتوي من ماك ... رمّاني=والقسمه اليا بدت لابد تخديره
فتح القلوب بجراحه صعب ياحاني=لكن بمشرط شعورك .. فيه تبريره
اِفتح .. وقطّع .. واِرفق .. فيه تحناني=انته بوسطه حرام تغزّك " اوبيره "[/POEM]
.
.
.
احتراماتي

 

[وائل فهد]

سلطان الدوسري

محاكاه رائعه لزوغه بصر
لك اعجابي ومتابعتي
كن بخير

 

[محمد الضويحي]

كنت هنا لاستمتع

ولم اخرج فارغ الوفاض


دام نبضك

 

[أصيله المعمري]

الله


الله

الدوسري صح لسانك يالشيخ



ولا هنت




دمت وبحب



ما اجملها من محاكاه

 

[عبدالله ثويني المانع]

..

العزيز / سلطان الدوسري ..

نص مميز جداً ومدهش .. حدثتنا بكل اللهجات
وطفت بنا بالعديد من الجهات والثابت على
طول النص إحساس مزج المتعة والدهشة ..

سلطان الدوسري
لك الشكر والتقدير
ودام تواصلك المميز




أرق التحايا لقلبك


..

 

[نواف التركي]

سلطان

زوغة بصر

حديث لا ينتهي

من هجاج يمتد غصن الجمال لـ سلطان

صح قلبك
وقلبه

ولا هنتوا

 

[نـــجد]

برشا بحبك ~~ زوغة بصر

موجتا جنوون تتعانقان بفنون

مابين سلطان وهجاج
متعة للشعر لاتضاهى

 

[عادل بدر]

صدى الجنون
أكثر جنوناً منه.
لا شفاكم الله من جنونكم.
قولوا آمين.