اعذب الشعر اكذبه

[عبدالله العتيبي]

[poem=font=",6,crimson,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
حلفت اذا كتبت الشعر والله لكتبه=من قلب ولا ياعساني ما كتبت
وان لاعبوني بين سهله واصعبه=اخترت سهل ممتنع اذا لعبت
اكب كاس الشعر وارجع واشربه=وانسى بسكرات القوافي ما شربت
مدمن قصيد ولا اقول إلا اعذبه=ابيور والمصدر اساسي لا رغبت
منهو يقول ان اعذب الشعر اكذبه=يكذب انا بصدق المشاعر ماكذبت
صادق وشعري مايجيك إلا اطيبه=ولا احب احطب الليل لامني حطبت
اخذت من سلم المراجل تجربه=وايقنت في بيض النوايا لا ركبت
من تلدغه عقرب يخاف العقربه=العافية نعمة لو انك ما كسبت
ابوي قال اللاش لازم تشجبه=ولد الردي يطلع ردي لو فيه طبت
والثعلبي تمشي وراه الثعلبه=والاطلسي يمناك لامنك تعبت
خلك مع الطيب وكوبان احجبه=اذهب مع المطنوخ لامنك ذهبت
التبر ما يخفية شكل الاتربه=الاصل ثابت والثمن به لا طلبت
[/poem]

 

[نادرة عبدالحي]

مــن تلـدغـه عـقـرب يـخـاف العقـربـه. العافيـة نعـمـة لــو انــك مــا كسـبـت

الحكم في الشعر له منافع بحيث يتغلغل في عمق ثقافة قارئك.
سلمت يداك يا الشاعر

 

[بدرية البدري]

عبدالله العتيبي ..
صدقت وصدق شعرك

تقديري

 

[خواطر]

قصيده مطنوخه .. وهذا اعذب ما بالشعر*
كل بيت عن حكمه وقيمه .. كل بيت فريد من نوعه ..*


صح بووحك ولاهانت يمناك..*

ولاتحرمنا من جديدك استاذي








خواطر

 

[عبدالله العتيبي]

المشاركة الأصلية كتبت بواسطة نادرة عبدالحي

الحكم في الشعر له منافع بحيث يتغلغل في عمق ثقافة قارئك.
سلمت يداك يا الشاعر

الكاتبة القديرة نادرة عبدالحي

لحضورك شرف مفرداتي ومتواضعتي بلا حدود

أطيب المنى اختي الفاضلة

 

[صالح العرجان]

أنتم العتبان ما فيكم حيلة
كم من شاعر وشاعر انجبت هالقبيلة حتى بديت اشك ان الشعر منكم تفرع له نسب وبطون

صح لسانك وقدح فكرك اخوي عبدالله

رد ود

 

[عبدالله العتيبي]

المشاركة الأصلية كتبت بواسطة بدرية البدري

عبدالله العتيبي ..
صدقت وصدق شعرك

تقديري

اختي والشاعرة القديرة بدرية البدري

صح بدنك ما أجمل وصلك واعذبه

كوني بخير

أطيب المنى

 

[عبدالله العتيبي]

المشاركة الأصلية كتبت بواسطة خواطر

قصيده مطنوخه .. وهذا اعذب ما بالشعر*
كل بيت عن حكمه وقيمه .. كل بيت فريد من نوعه ..*


صح بووحك ولاهانت يمناك..*

ولاتحرمنا من جديدك استاذي



خواطر

خواطر تعطر متصفحي بهذا الهطول العذب

جعلني الله عن حسن الظن

صح بدنك

أطيب المنى