اح ـــكيني ....♥

[ترنيمة حزن]

مجرد نــ ص ....♥




http://www.al-wed.com/vb/images/smilies/pic-vb/1049.gif



تبي مني الحكي .. لا لا تكللم عني احكيني=اشوفك سيد حروف الغرام / استاذ بعلومه !!

انا انسى معك كل الـكلام وحيلتي عيني=وابي تقرى تفاسير السكوت بعين مغرومه

تقول تكلمي وافهم .. ولو ماهو بلغة ديني=مع انك حافظِ قلبي وعارف خافي سلومه

تبي مني الحكي .. مابه كلام ِ حيل يوفيني=تفنن بي غرامك لين بانت فيني وسومه

تبي مني الحكي .. قلي وش من القول يكفيني=انا مهما حكيت وقلت .. احس حروفي مكتومه


تعال نشكل حروفِ تناسبني بتكويني=بها عيني ونبضاتي وربكة حب مفهومه

ولا تتأول لمعنى يخالف كل مافيني=وابيها مع بعض لوحه .. وانا اللي فيها مرسومه

وابي تقراني اللوحه وتشرح لي عناويني=وكيف تكون لك لوحه على خفاقي موشومه






ترنيم ....♥


http://diary.yenta4.com/diary_folder/12265/12265_uploaded/59983.gif

مجرد اح ـــساس ....♥









...

[الغيد بنت فواز]

حروووف ناعمه تنساب وتترّتب لتهذب وتصف الحب بعذوبه كترنيمة حزن ..!





ترنيمه والله مدري شقول

احساسك يآخذني لين النقا والسكوت ..!


صح قلبك

[عبدالعزيز رشيد]

"أنا أنسى معك كلّ الكلام وحيلتي عيني"
استدراك جميل فتح للشطر آفاق أوسع للتعبير
طريقة الكتابة والتعبير ووصف الحال تخبرنا بأننا قرأنا حرف يعرف مايكتبه جيّدا ويجيده
أختي:ترنيمة حزن
* اعذريني لكن قد تكون لي وجهة نظر حول مفردة "مغرومه"
كلّ الشكر لـ روحك

[سامي العمر]

أبيات عااامرة بالودّ
كأنّها لوحة ساكنة تتحدّث بألوانها
ترنيمة حزن
ومشاعر عذبة ترتسم بالنصّ
تحيّاتي لك

[محمد البديني]

ترانيمه

جميل هو قلمك

صح لسانك وادامك لهذا المنتدى

دمتي بخير

[هند الفهيد]

/

احساس يتألق برفق ..

ووداد لايحق لـِ سوى حرفك النابض ..

راقية عبير وعبور ..



صحـّت الأماني والروح ياغاليه




وردات احترام وودّ


/

[الغيد بنت فواز]

وللبساطه ، والهدوء ، شوق آخر