ادري ورا الليل 00000ليل

[عمري الرحيل]

مدري ورا الحال ماهي حال والحزن بيد=يأكلني الخوف والهوجاس مع كل أمد
تعبت انـثر ورا الغـيمه حروف القصيد=والغـايـبه ماتـثورالابجـد وجـهد
ارقب ورا النايفه وأصيح لكـن وحيـد= والصوت فيني مداه شوي طاح وجمد
المارد اللي على قلبـي يجـر الحديـد=وليا تعب نام في راسي ودق الوتد
هذا القهر ليـه بـيـدنا وعـيا يبيـد=أعوذ بالله من ها الحاسد اللي حـسد
في زحمة الياس ما للدمع غير النشيد= قلبي تقــبل عزاي ودمع عيني سجد
أبشربك يالمواجع لو وراك المزيد =معك الوعد كــلما تكبر جروحي وعد
أبوس راس الـليالي يـوم قفى المديد=أطيح وسط المراح وصحت يأهل البلد
ممركم همي اللي مثل حب الحصد=جـوع الليـالي يـمرغنا وصحنا بعد
ادري ورا الليل ليل الخوف كانه شديـد=كنا نتبطح على شوف الصباح وشرد
من يسال البنت وش سوت بعصر الجليد= صحيح حلوه وكل جـاب منها ولد
ماباقي الاعروق(ن) نـز منـها الـصديـد=وقدامها شــايب هش بعصاه وقعد
وامد شوفي ويظهر لي ورا الـبيد بيـد=ومـلامح(ن) شفــتها ماشفت فيها احد
البارحه قـمت من حلمي والا اني جديد=تقدرتقول اني اشوى شوي قلبي هجد
اقدر اقول انـي انسـان(ن) وحلـمي زهيد=احتاج اغـني لياطالت دروب السهد
انثر :بتشديد حرف الثاء
نز :بتشديد الحرف الاخير

[عبدالعزيز رشيد]

تمدّد وتوسّع بأفق الروح
جميلٌ هذا النشيد المهيب
"وامد شوفي ويظهر لي ورا البيد بيد"
كان تمدّدك باتّجاه ذلك الأفق يأتي بالروح إليك
مدّدّ يعقبه تحليق وتحليق خلف أفق هذا النصّ
تحيّاتي لك أخي عمري
ولازال المكان سعيد بك

[جُمان]

هذا الحرف ../ كجُرحٍ قديمٍ
اشتعلَ فجأة بألمٍ ينهشُ المكان

أستاذ عمري ..
بعضُ الغِناء عزاء

نصٌّ موغِل ../ لا نملُ طقوسه

.

.

[ذكريات]

هنــا
كنــا مع الإبداع على موعد

معزوفة من وجــ,’ــع
ولكن
طربنا لها ,’

هكذا أنت عمري رحيل
تأبى
إلا أن نقف ونقرؤك أكثر من مرة
لنزداد في كل مرة جمالاً وعذوبة

اسمح لي
بهذا المرور المتواضع
على هذه الجليلة

دمت
كما أنت

[حسين العنسـي]

عمري الرحيل
صح لسانك ولاهنت

جزلة من شاعر جزل

ودمت بهذا الألق..

تحياتي لك..

[عمري الرحيل]

تمدّد وتوسّع بأفق الروح
جميلٌ هذا النشيد المهيب
"وامد شوفي ويظهر لي ورا البيد بيد"
كان تمدّدك باتّجاه ذلك الأفق يأتي بالروح إليك
مدّدّ يعقبه تحليق وتحليق خلف أفق هذا النصّ
تحيّاتي لك أخي عمري
ولازال المكان سعيد بك
شكرا عبدالعزيز رشيد على حضورك هنا واناسعيد بتواجدك

[خالد صالح الحربي]

:
ياعمري الرحيل ،
نحتاج لمن يكتبنا و يرتكبنا على وَ بهذا الأُفُق .
لكَ وَ لموسيقاك التي استشفيت حزنها وَمُزنها آلاف النّايات .
فـَ..شُكراً لكَ وَ شُكراً عليك .

[عائشه المعمري]

عمري الرجيل
..

الخوف والليل والقصيد
إختصار / إحتضار لـ حال الأحوال جميعها ..

تلك العناصر وملحقاتها
إستطعت يا عمري
بأن تستنسخها .. بترجمة شعرية ائعة
.
.
قصيدة كـ إمتداد صبح شارد
نطلب أن يزيد

أدري ورا الليل ليل الخوف كانه شديد
ــــــــــــــ كنا نتبطح على شوف الصباح وشرد

هذا البيت
ودهشة تتلوه
تشعرنا في وسطه
كـ واقع
وهو الواقع بِحد ذاته


دمت كما تحب