((أنسى دوايا))

[سلطان المضعان]

صرت اتمنى الصبح يبقى على طول=حتى معاك ابقى وتبقى معايا..
في غيبتك حتى الأمل صار مقتول=ماأدري القدر وإلا سبايب خطايا..
يابنت أنا في غيبتك صرت مهبول=مكشوف أنا ماعاد عندي خفايا..
أصبحت عاجز وبالأصح صرت مشلول=وصرت أتمنى لو تجيني المنايا..
كل شيء في غيابك ترى صار مملول=ماعاد له لذه ولاله مزايا..
ماأدري متى هذا التعب رايح يزول=وأدري التعب ماله حدود ونهايا..
حتى الصبر ماعاد له اي مفعول=حاولت لكن مايرد لندايا..
أضحك على نفسي مع كل مرسول=أداوي الحرمان وأنسى دوايا..
ترى الفراق إن طال ماهوبمعقول=يدمي جروح(ن) كلها في حشايا..
صرت أتمنى وأدعي الله وأقول=يارب تجمعنا وحقق منايا..


21/3
ـــ
2003



وسلامتكم

[هدب]

أضحك على نفسي مع كل مرسول
أداوي الحرمان وأنسى دوايا..
ترى الفراق إن طال ماهوبمعقول
يدمي جروح(ن) كلها في حشايا..
صرت أتمنى وأدعي الله وأقول
يارب تجمعنا وحقق منايا..

سلطان المضعان
نص جميل
ومفردات رائعة

شكرا للشعر والشاعر

دمت بحب

[سلطان المضعان]

اختي الكريمة

حنين

زين احد عبر هالنص

وتكرمتي بالرد مع ان قبلك كم واحد دش ولاعلق

لاإيجاب او سلبيات يراها بإبياتي

فشكرا لتكرمك اختي وردك على ابياتي

ولاهنتي

دمتي سالمة

[شــمــ نـجـد ــس]

:

بين الأبيض والغيم اتفاق تحضنه السماء

بالفعل يا شاعر سلطان قصيدتك كانت هناك بالأعلى

شكرا لنبضك وشكرا لك

[سلطان المضعان]

شمس نجد

بيض الله وجهك

ولاهنتي على مرورك الكريم

وردك القيم بالنسبة لي

[محمد البديني]

يارب تجمعنا وحقق منايا


الله الله

صح لسانك يالقرم

لا هنت يالغالي

دمت بود

[سلطان المضعان]

محمد البديني

اخي الفاضل

صح بدنك

ولاهنت على مرورك الكريم

وردك البهيج على ابياتي

يعطيك العافية

[خالد صالح الحربي]

:
سلطان المضعان ،
من فرط بساطة و تلقائيّة و انسيابيّة هذه القصيدة .
سَيجِد بها كُلّ قارئ ضالّتَه / وَ رِسالتَه .
_ شُكراً لـ..رُوحك _

[سلطان المضعان]

خالد الحربي

لاهنت عى مرورك الكريم

وردك الذي انار ابياتي

دمت بكل خير