طرطوس .. و .. شباط ( صوت وصدى )

[سلطان الدوسري]

.
.
يسعد مساءاتكم بالهيل ..
حبيب قلبي الشاعر \ بدر الدخيل ..
أسند لي ( طرطوس ) .. ورددت عليه بـ ( شباط ) ..
.
.
( طرطوس )

طرطوس لا منّه غدت من ورى الغـاط=عصفورهم يحْلَـب وسكـره مزبـوط
ومن لا يحسّب لا لعـب كـل الابنـاط=ياكل هوا يا الدوسري بـأول الشـوط
يا ابو سعد قلّي وش اسباب الاحباط ؟=وش موزي براع البصل يزرع القوط ؟
من مبـدأ التفريـط لاحكـام الإفـراط=ضاعت محاصيله بـلا قيـد وشـروط
الارض صبخا / علّمـه كـود يحتـاط=والمـا بعيـده واكثـر النَّبْـت بلـوط
والدغدغه ما ضحّكـت صـم الابـاط=ترسم بقايا (قهقهه) مـا لـه نقـوط
وانشدك عن رَجْل(ن) له لسان مطّـاط=يقبل على الوجهين خايط / ومخيـوط
اليـا جفـوه الـدرز روّح للاقـبـاط=الدرب واحد لـو تهيّـا لـه خطـوط
لاهو غدى حرّ(ن) ولا هـوب وطـواط=أعزك الله لازم أشَفْرَه (طـووووووط)
شرّاب يـا خيـو ولا الفيـن سبّـاط=واحرص على القطني له استيك ممغوط
وان ما حصل لك هات حزمه وشخـاط=واحرق بهم لا رِحم ابو كـل زعطـوط
وقّفت لك صـدره علـى قافيـة (آط)=والعجز لا دَرْهَمت خَلّـه علـى (اوط)
.
.
.
( شباط )

كانـون الاوّل مانقـول انّـه شبـاط=بسّ المثلث نقـدر نقـول مخـروط
يعني هرم من فرعنه عند "شلحـاط"=والا هـذاك يقـول مبنـي ومعفـوط
واللي يشيل الجمـره بـدون ملقـاط=مايدري ان الجمـره تقـول مقـروط
والطفل يعرف فرقة الطـوط والطـاط=وش جاب توم وجيري بجمب بطّوط ؟
والكهرب قياسه على وزنـة الـواط=وان جاه مويه زوّد الخـطّ بخطـوط
والمدّعي بالهرج يكسّر لـه "انمـاط"=يعني "شكل" في مكسره دانـة قـروط
واللي بدون آذان وعينه على اقـراط=حِلمِه على جال الغلا صـار محطـوط
هذاك ماودّك يجي لك علـى بسـاط=يقعد على الرقّه ولـو يدفـع النـوط
ويعقوب يفرق بين يوسف والاسباط=يعني نبيّ ولـه رسالـه مثـل لـوط
فرق المعالم واضحـه عنـد نطّـاط=طبّح على راسه ولاهـوب مبسـوط
والشفره اللي قلتها صـارت اشـراط=لـنّ الذكـر مابيـن فخيـه (......)
بدر الدخيل اعذر خويّك ولـو شـاط=لنّ البواري اصلها طاط مـع طـوط
.
.
.
احتراماتي

[صالح العرجان]

سلطان


السبك في حبك الرد بالاسناد لعبة الشاعر الكبير

وأنت كبير والشعر في قاموسك حرف وافي





فرق المعالم واضحه عند نطاط
طبح على راسه ولاهوب مبسوط

[محمد السالم]

مقدرة شعرية بكل ماتعني الكلمة من معنى


حاول بأن يغلق عليك المنافذ ولكن اتضح له في الأخير بأنه لم يتحقق مرامه



لكم اشكرك كافة

[سامي العمر]

كان جوّ الشعر يزاحم اجواء القصائد نفسها
سلطان الدوسري
تمكّن واضح وجميل

[عبدالحميد بن ناحي]

يسعد مساك ياسلطان

جميلين أنت وبدر الدخيل
كنتم على مستوى رفيع


شكراً لك وله

[شاعر البدر]

سُلْطَانْ
____
مِن مَلَلْ ديبَاجَة الصُور والمَجَازْ والنًقْد والعَقْد..الخ
مَلَلتْ.. شِعْر يُفتَقَدْ حِسًه
*

مِن اكْثَر مَنْ يطْربَه شِعر المُراسلاتْ
كَانْتْ قصيدتك جَميله/ واجْمل
لك الوِدْ

[محمد الضويحي]

تمكن وحضور .. شكرا لهكذا شعر

[غنج نجد]

الشاعر الجميـــل دائماً


سلطان الدوسري

كما أنتـــ / الشعر يكاد يلتصــق براحتيـــك ..
رد قوي جـداً على شاعر فاخر / بدر الدخيــل ...

شكراً لمسائي حيث اهداني الدخول الى دوحتـــك
وصح الله لسانك حتى الرضى

مدائن جوري لقلبــــك

اختك

غنج نجد