عطرها فوحة عرقها

[سعد الصعيري]

مصافحة أولى متواضعة أتمنى ان ترتقي لذائقتكم الشعرية
وأشكر الأستاذ سعد سيف على تقديم الدعوة الكريمة

كل عذراء عند اهلها.. تفتخربي سعد جاني=والجفول المستحيلة.. تحلم ألامس نحرهـا

والعروس اللي تكحل رمشها.. مني تعانـي=والعنود اللي تغلت ..تشتكي قسوة قدرهـا

النوايف تحتريني ..صدرها ضامي وحانـي=والسحابة من عطشها ..ودّها تشرب مطرها

ماهقيت القلب يسلى ..عن حياة اللي خذاني=وردةٍ تنبت بقلبي ..كل يوم اقطف زهرهـا

ول ياذيك الخجوله ..ترقص وتسمع اغاني=ياهني الشال يلعب ..فوق ويداعب شعرهـا

خصرها يهتز وحده ..مايزيـد الا جنانـي=والثقال اذوب فيها ..كل مـادارت ظهرهـا

ناعمة لاقلت وينك؟ تبتسـم قالـت هذانـي=آه يازينة هذاني .. يـوم ينطقهـا ثغرهـا

قلت ابد يامستبده .. لو سمحتيلـي ثوانـي=نبتدي نكتب قصيدة ..قافيتها فـي بحرهـا

قالت اعذرني عجوله.. نلتقي في وقت ثاني=القصيدة في شفاتي .. خلها ليلـة سهرهـا

ودّعتني من جسدها ..عطرها باقي مكانـي=عطرها فوحة عرقها ..لاتقاطر من صدرها

[هنادي المطيري]

http://img71.imageshack.us/img71/3885/roseiloveu11va8.gif



رائعـة بمذاق العشق والغزل
صح بوحك يا شعر ولاهنت
كل الاحترام ..




أختك ،

[غنج نجد]

الشاعر الفاخر


سعد الصعيري

اهلا وسهلا .. تحتضنــك حتى السماء ..
قصيــده مليئـه بالشعر / المطر ..

صح الله روحك
ومدائن جوري لقلبـــــــك


اختك

غنج نجد

[قايـد الحربي]

سعد الصيعري
ـــــــــــــ
* * *


نسائم الترحيب بك تطيب ،
فأهلاً و سهلاً بك .

[صُبـــح]

الشاعر سعد الصعيري ..

شعرك يمرّ بنا على أكثر من بستانٍ وكرم !

يقطف مازّمل في دواخلنا المثمرة ...

سلمت ..

[بركان بن رجا]

سعد الصعيري


صح السانك


ودام نبضك



كن بخير

[صالح الضويحي]

سعد الصـعيـري


مصافحة اولى تستحق الاحتفاء

اهلا وسهلا

سعداء بهذه الأطلالة البهيه


احترامي وتقديري

[عبدالعزيز رشيد]

سعد الصيعري
وأيضا من هذا النصّ يفوح الشعور
أعجبتني استفادتك من بداية الأبيات لـ تعمّق الوصف لها
تحيّاتي لك
وأهلا بك في أبعاد