تسجيل الدخول

مشاهدة النسخة كاملة : [ حنيــــــــــــن ]

محمد العايد
03-22-2008, 10:18 PM
........

........



زل الكرى..واثمر القرطاس مع جيّتك
......... ماقلت لك ياحلو .وجهك علينا حلـو


حذراك ياصاحبي بي تختلـف نيّتـك
........ اقبلت وأنت بعلو .وأقفيت وأنت بعلو
محمد العايد
03-22-2008, 10:20 PM
......


......



يسعد صباح البحر والشعر والبسمة
....... اليوم بدري أحس الشعر له طـاري


ياساحل الشرق وان هبت بك النسمة
....... طير بشعرها وانا بآطير باشعـاري



......
محمد العايد
03-22-2008, 10:27 PM
آه يـــاقلبــي
من كثر شوقي لعبّي


مايعرف شلون ينســـــا
مايعرف شلون يقســـــا


ياأخي هـذا ماهو قـلـب
هــذا : ابن ستيـن كلـب
محمد العايد
03-22-2008, 10:33 PM
......

......


ياخي ملل.. ياخي طفش... ياخي ارهـاق
............. تعبت أدوّر للسعـادة طر يـــقة



حتى النفس. مما لقى بالحشا ضــــاق
........... أتنفس بضيقة وأسولف بضيـــقة
محمد العايد
03-22-2008, 10:37 PM
ياوجد حالي على صوت وحكي عـفرا
...................... الله عليــها.وتتـدلّع..وتتغــندّر




الغيث : صوته.. وسمعي: فيضة ٍ قـفرا
......................وقلبي من العام .. يستسقي يابـو بنّدر
محمد العايد
03-25-2008, 12:24 AM
أشم ريح القاهره وأسبـق خطـاي
يفز قلبـي والمـح عيـون غـاده


هاك العيون اللي خذتني من أقصاي
تكحلت من سمـرة النيـل سـاده


يوم أقبلت عقب المسا طاب مسراي
كـن الحسن فيها عبدهـا عبـاده


أبطيت بالنظرة وانا أقلَـب الـراي
ماغير افكر ويـن حـروة بـلاده


هناك باقصا الركن وتقلب الشـاي
وانا اتقلـب فـوق جمـرة عنـاده


تطق باصبعها وانا اعض بشفـاي
ثم تبتسـم وتقـول سكـر زيـاده


ازداد غيض وترتجف فيني اعضاي
الصبرشيب والولـع فـي مهـاده


لين انتهض شعري وقافي ومعنـاي
زرعٍ زرعته حان موسم حصـاده


كب السوالف يافهد والتفـت جـاي
شفني غرقت بنظرة عيـون غـاده
محمد العايد
03-26-2008, 11:00 AM
نجدية العين والمنطـوق والمربـا
والزول والعنق والضحكة شماليـه


عشقتها مثل عشق الجود للجربـا
ولا مثل عشـق نايـف للسعوديـه


العشق جاب البعيد وعاف ذا القربـا
وبخافقي من سهوم الحـب ماريـه


أزم نفسي عن اهل الطامنه وأربـا
واخفض جناح الغرام لخاطر بنيـه


شف المشاعر بهاجس حبها طربـا
ياسامريـه تـجـي ولا هجينـيـه


وان قلت له تذكرين العشق والمربا
صدت وهي تبتسم يالعن ابو حيـه
محمد العايد
03-27-2008, 01:33 AM
ماهـو خـلـل بالاوردة والشـرايـين
ضيـق النفس يعتـادني مع قصيـدي


جيت أنطق أسمك صاح قلبي :على وين
وأول حـروف أسمك نشب في وريدي
محمد العايد
03-28-2008, 11:17 PM
العلم : ضيق وسهــر وغياب
لاعــاد تنشــــد عن علومي

ياصاحبي قلــّوا الآصحــاب .
يوم إنهــــا كثرت همومي

فكري لحــق طيفهم حطّـاب
يوم أنكفـــوا واحطبوا نومي

ألبستهم من وفـــاي ثيــاب
وهم احسدوني على هـــدومي
محمد العايد
04-01-2008, 10:04 AM
*

*


رفقـــاً ياأستـاذة بنبـض التلاميـذ

................. كل ماقصرتـــي خطوتك يرتفع نبــــض
محمد العايد
04-01-2008, 10:23 AM
وإن نويتي تهجرينـــي

طالبك : ردّي يديني
طالبك : ردّيني فيني
رجعّي : للشوف عيني

طالبك : لاتتركيني
محمد العايد
04-03-2008, 09:24 PM
ياراعي العلم . وش علمك ؟ ومفهومك !؟
يمـوت مثلـك ولا يـقـدّر يزعّلـنـي

لاتحسب انـي . آبـا آعاتبـك وآلومـك
شغلي يهوم السحاب ولا أنـت مشغلنـي

عاملتك بطيـب يامـا طـرت بقدومـك
وأثرك علـى مذهـب الغيبـة تعاملنـي

ارقـد بجـال السـراب وطـوّل بنومـك
وبغيبتي سـل سيـف الوهـم واقتلنـي

وان جاك علم الصحيح وضاعت علومـك
يصعب على اللي مثل شـرواك ياصلنـي

لو التفت لك زرعـت الشـوك بهدومـك
لكـن ربـي رفعنـي عنـك وامهلـنـي

وينـك وويـن الثريّـا تتعـب نجومـك
لو تقـدر تقابلـه ياهيــه.... قابلنـي
محمد العايد
04-07-2008, 12:48 PM
.

.


جيت اكتبك أرخى مقاديمـه الغيـــم
من زود مافيني لفــّـت أنتباهــه

ساعة قطفتك كان فيها الحسـد نيــم
أثر البخت جاله من الجود جاهـــه
محمد العايد
04-07-2008, 12:52 PM
.

.

ياخي تعبنــا شعارات وحكي فاضي
هذا سفـه شاعــر وذي بهرجة كاتب



ياوالي الأمـــر من نسأل من نقاضي
من قبل تقضي المقاضي يقضي الراتب!!!؟؟
محمد العايد
04-07-2008, 01:07 PM
.

.

السعوديات

*السعوديات.. دم .... السعوديات ديــن
السعوديات ...فــل .. وزعفران... وياسمين

السعوديات .. طهرالصبح يانسنس وطاف
حامل ٍ ريح الخزامى والعفاف
يستبيح الليل ويبل الجفاف
السعوديات .....دم ......السعوديات دين
السعوديات ........ سيل من أمهات المؤمنين

*و انت ياللي جلّ تفكيرك خرافة
والحيا والدين عندك شي تافه
كان مفهوم الثقافة عندكم ..عري وسخافة
السعودية ثقافتها حيا
والظلام اليانغمستوا فيه....
( بنت دمّي) شفتها لمعة ضيا
الثقافة كانها عري وسخافة
ماعليها....مننا................أيةحسافة..


*السعوديات ماباعن جسدهن خلف شاشة
وسط ثوب ٍ مايزيد الا فجور
ولانقص ألا قماشه
لاجل مركز اول...... اومركز وصافة
السعوديات ...دم ......السعوديات دين
السعوديات ....سيل من امهات المؤمنين




******
السعوديات هــــاك المحصنات
حافظــات الدين واركان العهــد

حشمة ومصحف وسجــادة صلاة
يبتدن في ((قل هو الله أحـــد))

السعوديات غيــر عن البنــات
شوفوا أطهـر بنت في أطهر بلد

وكانها راحـت لفزعات و وصات
شف حديــهن كنها ميــة ولد





******
السعودية وتلبس طهرهــا نفنوفها
السعودية وحنّت بالعفاف كفوفـها....
السعوية .... (يسولف) عطرها للصبح كيف وصوفها
شامخة بوقوفها .....ستر وعباة
وماشهــد بخضوها الا الصلاة


السعودية ...مهرة العز الاصيلة
قصة المجد بمرابعها طويلة
تلبس الاكرام ........... شيلة
وش حلاة .المجد يوم التم .... باطراف الجديلة

السعوديات دم السعوديات دين
السعوديات فل وزعفران وياسمين
السعوديات سيل من امهات المؤمنين


.......


المحشمات. المكرمات. الرعابيب
الوافيـات ..الاولات ..العفايف

الغاليات. الحافظات المواجيب
الشامخات.. مّوشحات الغدايف

المبعدات..عن التفــاهات والعيب
المشرقات.. بنــور فوق النوايف

الحايزات العز والمجد والطيب
الطاهرات محصّنـات الشفايف

اليا اتنخن فينا تشب المحاديب
يقبل حدينـا بايع العمر عايف

في عـزهن كان المنايا معازيب
ياكم ضيف ٍحـــل ماهوبخايف
محمد العايد
04-11-2008, 09:54 PM
.

أي مودة.. أي محبة.. أي معــزه
قلي أول :لك ثلاث سنين وينــك

.
محمد العايد
04-15-2008, 03:31 AM
هاك الهنوف اللي لها بالحلا شـان
عنقا . مليحة وصف .حلوة .طويله

معربة جدان . مدعوجة اعيـان
عذبة سجايا .فاتنة . مستحيلـه

في وجهها للشمس مشرق وعنوان
ولليل قصة عشق فوق الجديله

كريمة اوصاف وحلا عذبة لسان
لكنها عند المواصل بخيـــله
محمد العايد
04-26-2008, 10:36 AM
أثر صدق الغلا يلحق على أقصا القلب يالمجمول
أجل وشلـون تذبحني . وبعـد شـوي تحييني

تذّكّــر يوم أنا بحمـاك وانت بجيتي مشغول
تذّكّــر وأنت من كاس الوفا والوصل تسقيني

تذّكّــر يوم أضمك بالفواد وناظري مذهـول
وأقـول : اغليك ياعمري. تقول: شكثر تغليني

يديني وان خذت عطر السوالف من هاك المجدول
يموت البرد غيـظ ويضحك النّــوار بيديني
محمد العايد
04-28-2008, 09:55 AM
وان تلت فوادي عنود الغنادير.
كما يتل احلى القصايد لساني


فكري... معزّبها وطيفه مسايير
وشعري. ذبايح والدفاتر صواني


غنيّتها مثل الفرح بالتباشير
ورسمتها غيمة تزف التهاني


استوطنت نبضي معزة وتقدير
وش عاد لو جمر المفارق كواني


تصبح بقلبي بين عشب ونواوير
وتمسي على همس وقصيد واغاني


غلاه دلـو وخافقي جمة البيــر
والوجد حبله والظلوع السواني
محمد العايد
04-30-2008, 10:27 PM
يارفيقة هاجس الشعر يالصوت الحميم
كل ظنٍ مال يمك على الوجد استقـام


أقبلي خليني أظيـع بعيونـك وأهيـم
يمكن القى ماغدالي علـى ذاك اللثـام


ياسلام الله على طلتـك والجـو غيـم
وان رفعتي غرتك فـوق يالله ياسـلام


ان طلعتي يضحك سهيل ويهب النسيم
وان ضحكتي يجفل البرد ويذوب الظلام


وان حكيتي خيّّـّّم الصمت بشفاه الحريم
وان سكتي يذبل الورد ويموت الكـلام


وكان غبتي باحترق شوق والله العظيم
مادريتي غيبتك ذنـب وفراقـك حـرام


وش بقا غير الكرامة على كف الحشيم
تختصر كل المسافات في عضة ابهـام


قلت اجمّع ذكرياتي يابو عبـد الكريـم
يمكن اسلى واركد شوي وعيوني تنـام
محمد العايد
05-02-2008, 11:11 PM
ياحلوها منـك مـع طلعـة النـور
هـذا صبـاح النـور ولا صباحـك


شفت الخجل في ضحكة شفاك منثور
والحسن غطا وجنتـك واستباحـك


والعقد في جيدك من العام مغـرور
عيا يابنت الناس يطلـق سراحـك


ســاعة نجاحك فزُت جبـال وبحـور
ســاعة نجاحك والريـاض يتضاحـك


ساعة نجاحك وقٌف الغيـم مبهـور
كنه يبي ياصفـك ساعـة نجاحـك



هديتي لك قلب واحسـاس وشعـور
واسوارتك شعري وعمري وشاحـك


يااحلى من الفزعةعلى كبدمقهور
متى يبـل الريـق صافـي قراحـك
محمد العايد
06-21-2008, 08:10 PM
أنتي ياشمس الكويت وياقمرها=ياملامح ضحكة الصبح الوليده

ياشواطيها العذيـــة يابحرها=ياسوالفــها القديمة والجديده

صدفة وجتني على موعد قدرها=ايه يااحلى صدفة وفرصة سعيدة

أقبلت والضحكة بطارف حورها= ضحك طفل ٍ يحتفل في يوم عيده

قلت أبنثرها واعــوّد وأبتكرها=وصفها سيــّد وآحاسيسي عبيده

فاتنة.سحر الهوى ذاب بنحرها=الهوى نبضة غلا والسحر جيــده


ثابتة مامال منهـــا ألا ثمــرها=راسية يافزعة القــــرم الوليده

حسنها : أسيـــرها ولا ّ أسرها=زادهــــا لا والله ألا ّ هي تزيده


جمرة ٍ حطّــت على ساحل ثغرها=ولعّت باقصــا معاليــقي وقــيده

نهرها من ريش يالبــّا نهرهـــا=سال عصفورين وارواني نشيــده


زاهية .عجزت تطابقهــا صورها =شامخة :مثـل التواريـخ المجيـده

راقية. درب الشعـر ينبت باثرها=شاعرة.تســـتدرج الغيم وتكيده

نايفة . كل الشعــر مايختصرها=عالية شـــان ومزااياها بعيــده

غيمــة ٍ هلّـت على قلبي مطرها=لين هـــمت وما بقى فيني شريده

ماأنتبهت ألا عـلى فوضى شعرها=فوضوية شاعــر ٍ يكتب قصيده

شاعر ٍ لك ليلـة البارح سهرها=أرقدي واستوطني باقصا وريده
محمد العايد
08-19-2009, 11:47 PM
هب الشمال وسريت لفوحة دلالـك..=..هقيتـك تطيّـر عماسـي تقهويتـك
أثرك جرحت الحشا من حر فنجالك .=..ياليتني ملتحف بـردي ولا جيتـك
محمد العايد
08-19-2009, 11:50 PM
ماقلت لك: هالسهر بيتعّـب أهدابـك=بس طاوعيني .ومدّي جفني ونامـي
خلينـي اسهـر لعينـك واتغنّـابـك=وافتح شبابيك حزني واطلق احلامي
كفك يسولف لكفي قصـة خضابـك=وانا استميحه واسولف له عن الامي
كم لي وانا ارقب دفاك بوحشة غيابك=يوم الجفا صَبّ برده داخل عضامي
محمد العايد
08-19-2009, 11:51 PM
قلت: انتظر لين رمشـك بالنعـاس يغـرَق=واثري غرقت فـبحر رمش ٍ غرق بالنعاس
بنيـت حلمـي وطاولـت السهـر والأرَق=وشفت الا ماني حطب يوم المقادير فـاس
فرقاك هَبّـت وقلبـي لـك تساقـط ورَق=اسقيت عرقه جفـا حتـى كسـاه اليبـاس
احس صدري من فراقـك بهمّـي شـرَق=بس انت قلّي: بعد فرقاي ويش انت حاس؟
محمد العايد
12-07-2009, 08:23 PM
ويش اسوي واناالمح ضحكتك يالعنود
كل ماالليل يسري /بي حنينـي بـدا

اتهجّـا وصوفـك والامانـي تـزود
والحنايـا تهيجـن والخفـوق يحـدا

اللقا فـي نواصيـه الغـرام معقـود
والجفا شفتـه بعـرف الحبايـب ردا

خدك ابيض ولكنّ بي نوايـاك سـود
ليت قلبك خذا من خدتـك ماعـدا :

حبة الخال .خليّهـا بحزنـي تجـود
لاجل اشوف السواد بشكل قطرة نـدا
محمد العايد
12-07-2009, 08:32 PM
نهر القصايـد يافهـد جـرا
النبع هاجس والورق مصب

للغالـي اللـي كـل ماطـرا
يفز قلـب ويرتعـش هـدب

له في خفوقي قصر وومـرا
ولي في خفوقه شرهه وعتب

يوم اعشق محتاج لـي ذرا
اثـر المحبـة كلهـا مهـب

في غيبته مايدري اش جـرا
الكبد جمرة والنفـس لهـب

ذيب السهر في ناظري سرا
عدّا علـى جفنينـي وقنـب
محمد العايد
12-09-2009, 12:55 AM
http://www9.0zz0.com/2009/12/08/22/656870693.jpg



فهـــد عــافت



نجم ٍ تعلا ّ على روس النجـوم وزمـا
حاشاه يوم يهوي . يوم النجوم تهـوي




له فـالسما راعي الطولات قاع وسمـا
وله في الخلايق محب وتابـع ومنغـوي



الشعر يـوم استفزيتـه و فّـز وحمـا
ماشاف غيره وانا شعري سليم وسـوي



يوم انكروني بني عمّ خويـا ورحمـا
ماجيته الا ولـد عـم ورحيـم وخـوي



جيته وهمي مابين اقصـا الحنايـا كمـا
ذيب ٍ من العام مابين الرجـوم يعـوي



جيته يومن السهر هنـا زبـن واحتمـا
ماكنه ألا نـزل بيـن الجفـون جلـوي



هذاك اخو محسن ان هاض القصيد ورما
ماصاد غير السمين المستحيـل القـوي



زي ماارتوينا شعر من غيثه اليـا همـا
الكبد من فزعته يوم اعتـزى ترتـوي
محمد العايد
12-15-2009, 10:24 PM
مالي خليل وطاوي ٍ قلبي الشوق = رسمت خلّي بالخيال وعشقته
محمد العايد
12-17-2009, 08:24 PM
ياقلب ياكثر القلوب المجاريح= إن ماقدرت تروّض الليل خاوّه
محمد العايد
12-18-2009, 05:50 PM
ماانتي بلحظة عابرة في حياتي= أنا حياتي كلها منّك وفيك
قصايدي, مستقبلي, ذكرياتي = فزّة خفوقي كل ماحَلّ طاريك
محمد العايد
12-18-2009, 07:32 PM
ماهو بكيفي لفا الحب وخذلتـه = الزمن غدار وضروفي عنيـده
حلم ٍ بقلبي على مهـده قتلتـه = ياكبر ذنبـي وياكبـر الفقيـده
يالحبيبة والولع بي مااحتملتـه = ارتكز في القلب مع نبضة وريده
طيفك البارح من الليل انتشلتـه = ميّت من البرد وطيوفك وقيـده
والله اني في حنايا القلب شلتـه = والغلا ياسر جواريه و عبيـده
بي سؤال ٍ ينتفض لو ما سألته = كان صرت بتالي الليله (شهيـده)
لو اجيك وقلبـي بكفـي نقلتـه = تقبلين العذر يااحلى قصيـده؟؟؟
محمد العايد
12-18-2009, 08:06 PM
شيخة الغيــد من بدو وحضر = بنت عَمّ القمــر من قــدّهـا

تفهق البرد وتصحـّي الجمر = والحيـــا قطرتين بخــدّهـا

يوم فـلّـت جدايلها شـِعر = كل حــرفِ تمنّى كــدّهـــا
محمد العايد
12-20-2009, 05:54 PM
دخيل اغضاية اهدابك دخيل الدلعنة بشفاك = دخيل البحة بصوتك دخيل العقد في جيدك
دخيل الفتنة اللي تشتعل كل ما ابتدى ممشاك = دخيل الكحل بعيونك دخيل اسوارتك بايدك
دخيل مرايتك/تسريحتك/عطرك.دخيل غِناك = دخيل شعورك وآهاتك وحرفك وتنهيدك
دخيلك بس تعالي والقصيد اللي مضا يفداك = أبــ أقطف لك قصيد ٍ بـِكر بس تصدق مواعيدك
ابي نبعد عن حدود الفضا فوق الخيال هناك = وأنا كل ماطلبتيني قصيــد آهيم وأزيدك
محمد العايد
12-31-2009, 12:51 PM
http://www10.0zz0.com/2009/12/31/10/860026290.jpg
محمد العايد
01-01-2010, 10:55 PM
أنت ياللي كذا ..لاهي بدنياك = كيف يرضيك ذي حالة حبيبك
تدري شلون اشوفك عقب فرقاك = تدري شلون فــ البُـعد التقي بك
بس أغمّض عيوني شوق والقاك = واشهق اسمك عبث ويفوح طيبك