أسلوبك .. أخافه وأعيشه وأدرايه

[نفاع العنزي]

للشوق ولكم ..
.
.
.


أنا الغريب 00 اللي شقا باغترابه = وأن القريب .. اللي مضيع خطاويه
إن جيت أعيشك حب .. شفتك مهابة = وإن جيت أحسك طيش .. كثرت بلاويه
أصارحك ؟ عندي من الشوق .. لابة = فرسانها .. مشاعر الحب .. تتليه
وعندي سؤال .. وضامني في جوابه = هذا سؤالي ..كان تبغين خوذيه
سؤال .. وأبغي من حنانك إجابة = ليه الخفوق اللي بصدري خذيتيه ؟
ليه الخطا عندك بقمة صوابه ؟ = وليه الصواب اللي بدربي .. لعنتيه ؟
أحس في روحك من الحب ..غابة = أشجارها .. وأزهارها جت تغطيه
احساسك أحسه وأحبه وأهابه = وأسلوبك أخافه وأعيشه وأداريه !!
تجمعت فيك الثقة والدعابة = ودورتها بغيرك ولا شفتها ... ليه ؟
همسك ..ومنطوقك.. وكلك.. ذرابة = يعني جمال الكون كله .. جمعتيه
يعني خفوقي بين طيش وصبابة = خليه .. دامه هام .. بالشوق .. خليه
قربك مناه .. وهمس روحك عذابه = وبالحالتين .. أنتي.. بطيشك طعنتيه
عجزت لا افهملك .. غموض .. وغرابة = حتى مع عنادك تقولين لبيه
وعجزت ألاقي للتساؤل ..إجابة = إن جيتلك مناك .. تجين منيه
.
.

[هـيـفـااللاّفـي]

الله الله الله عليك
يشرفني ان اكون اول الحضور
,’

,’

لي عوده يامبدع ..

[عبدالعزيز رشيد]

الجميل:نفّاع
ماجعل النصّ بكلّ أرجائه مناسبا لـ جماله
هي الطبيعة الحماسيّة للنصّ وكذلك التساؤلات التعجبيّة التي تملأ الأبيات
كلّ ذلك جعل النصّ أكثر حضورا وشعرا
لـ روحك كلّ الودّ

[سعـد السعـيـدي]

نفاع العنزي
\
/
\
لله درك يارَجُل..

حـضـرت .. وأمـتـعـت بـهـذه الـمـعـزوفـه الانيـقـه..

صـح لـسـانـك إليـن تـرضـى..

تقبل مروري / تـقـديري

0 0 0

[خالد العقيل]

نفاع العنزي
جميل ماقرأته هنا
دمت متألقا
تقديري

[سلطان الدوسري]

.
.
قربك مناه .. وهمس روحك عذابه
......... وبالحالتين .. أنتي.. بطيشك طعنتيه
عجزت لا افهملك .. غموض .. وغرابة
............. حتى مع عنادك تقولين لبيه

ياسلام علييييييك يانفاع ..
وانت اسلوبك ممتع ..
صح قلبك وحرفك ..
.
.
احتراماتي

[نفاع العنزي]

الله الله الله عليك
يشرفني ان اكون اول الحضور
,’

,’

لي عوده يامبدع ..

هلا وغلا



الشرف لي يا بعدي



مرورك هنا غاية


فأهلا بكليكما

[زينب الشهري]

.
.


سؤال .. وأبغي من حنانك إجابة = ليه الخفوق اللي بصدري خذيتيه ؟
ليه الخطا عندك بقمة صوابه ؟ = وليه الصواب اللي بدربي .. لعنتيه ؟

.
.




حميمية تحمل في داخلها ثورة غضب .. :)

هكذا نحن عندما نعجز عن الوصول إلى حل يرضي جميع الأطراف نتظاهر بالرضا

نص مبطن بكل أنواع التحمل والاحتمال لذلك لن ينفذ الجمال من هنا

حتى ينفد الرضا :)

رائع ورائع