ثاني الدهمشي
03-30-2008, 06:04 PM
هذه قصيدة أتت بعد موقف ..وهي رد لكل من يحاول ان يمس عنزه ليس فقط الذي قصدته هنا ..
:
ياللي جلســت وجبت طاري القـبايل=من جبت هالطاري وانا معك بإجـدال
ويوم ان هرجك صار مامن صمايل=إلى هــنا عــاد انثــبر واغــد رجّـــال
أنا ترانــــي من كبـــــار الحمــــايل=ناسٍ لنــــا في قمــة المجـــد منــــزال
ربعــي بنــي وايل وإذا قـلت : وايل=يوقف لنا التــاريخ وليــا وقــف قــال:
أشهــــد لكـم في طيبــكم والفعــــايل=والمجـــد من وايـل إلــى اليـوم لا زال
اللي يبالــشنا يشــــوف الهـــــــوايل=واللــي يقـــــدّرنا نقـــــــدّرْه بأدبــال
ما انعيل وان جانا مع الوقــت عايل=نْشـــرّبه من دلــة المــــــــوت فنـجال
اللي نبـــي ما ناخـــذه بالتـحــــــايل=إن ما وخـذ بالطــيب بالغصـب ينّــال
وليا ابتدى ضرب السيـوف الصقايل=النصــر بيـدينا على كل الأحــــــــوال
وان كنت تبغــى للفعــــــــايل دلايـل=من دون ما اذكـرلك زحـازيح وأبطال
إنشــد أراضــي نجــد وجبــال حايل=واسمــع لســيرتنـا على مـرّ الأجيــال
ماقـد تعــــوّدنا نحــــــوز الهــــزايل=حــوزاتــنا دايــم سمــينات وجــــزال
والطـــيب نسعــى له بكـل الوســايل=مادامـنا للفخــــر والجــــود مدهـــال
وفزعـــاتنا ما نعتـــبرها جمــــــايل=وشلون لو منّــا بعــد ضيـــم رجّــــال
أبك الجـزيـــرة في ذرى عيال وايل=يعني بلاش خبــــال يا " أوه يا مــال"
مانــي مطـــوّلـــها ولانيب قـــايل=شــيٍ يفجّــــر صبري اللي معك طال
بعض السوالف كنّها بعض اصــايل=ما تنعـــســـف إلا على يــــدّ خيّــــال
وعـزالله انه من بدى الهــرج مــايل=عرفت بأنك مـاش بـس زول رجـّـــال
:
وسلامتكم
:
ياللي جلســت وجبت طاري القـبايل=من جبت هالطاري وانا معك بإجـدال
ويوم ان هرجك صار مامن صمايل=إلى هــنا عــاد انثــبر واغــد رجّـــال
أنا ترانــــي من كبـــــار الحمــــايل=ناسٍ لنــــا في قمــة المجـــد منــــزال
ربعــي بنــي وايل وإذا قـلت : وايل=يوقف لنا التــاريخ وليــا وقــف قــال:
أشهــــد لكـم في طيبــكم والفعــــايل=والمجـــد من وايـل إلــى اليـوم لا زال
اللي يبالــشنا يشــــوف الهـــــــوايل=واللــي يقـــــدّرنا نقـــــــدّرْه بأدبــال
ما انعيل وان جانا مع الوقــت عايل=نْشـــرّبه من دلــة المــــــــوت فنـجال
اللي نبـــي ما ناخـــذه بالتـحــــــايل=إن ما وخـذ بالطــيب بالغصـب ينّــال
وليا ابتدى ضرب السيـوف الصقايل=النصــر بيـدينا على كل الأحــــــــوال
وان كنت تبغــى للفعــــــــايل دلايـل=من دون ما اذكـرلك زحـازيح وأبطال
إنشــد أراضــي نجــد وجبــال حايل=واسمــع لســيرتنـا على مـرّ الأجيــال
ماقـد تعــــوّدنا نحــــــوز الهــــزايل=حــوزاتــنا دايــم سمــينات وجــــزال
والطـــيب نسعــى له بكـل الوســايل=مادامـنا للفخــــر والجــــود مدهـــال
وفزعـــاتنا ما نعتـــبرها جمــــــايل=وشلون لو منّــا بعــد ضيـــم رجّــــال
أبك الجـزيـــرة في ذرى عيال وايل=يعني بلاش خبــــال يا " أوه يا مــال"
مانــي مطـــوّلـــها ولانيب قـــايل=شــيٍ يفجّــــر صبري اللي معك طال
بعض السوالف كنّها بعض اصــايل=ما تنعـــســـف إلا على يــــدّ خيّــــال
وعـزالله انه من بدى الهــرج مــايل=عرفت بأنك مـاش بـس زول رجـّـــال
:
وسلامتكم