المساعد الشخصي الرقمي

مشاهدة النسخة كاملة : ثورة عزوف الحقيقة!


سعد مسهوج
04-07-2008, 12:42 AM
بلا مقدمات ..



.
.
.



والله لو تدخل براسي دقيقه=لا يشيب راسك من كثر ما اقكّـر
::
في داخلي ثورة عزوف الحقيقه=عن واقع ٍ عزز مع الضغط سكّـر
::
يذبل شعور ويرشف الأمس ريقه=واحصد على كل الأحاسيس تشكّـر
::
الجاهل اللي يلعب اليوم ( سيقه )=رغم انها في عصرها شي يذكّـر
::
صرنا نزود ضيقة الصدر ضيقه=ونسكر ابواب ٍ حشى ما تسكّـر
::
وانا من اللي ما يضيع طريقه=من يكره المكروه لإنكار منكّـر
::
اللي طموحه فوق محد ٍ يعيقه=ما يُحتكر لو كل الاحرار تُحكّـر
::
قضبان راسه يستفز الطليقه=تستاخره فكره ..وفكره تبكّـر
::
ما عكّره شوف الأماني غريقه=ولا أصطاد في نهر بغيره تعكّـر
::
يرقا سما مهما ضما للعميقه= فخر..ٍ ولا تحسب لمثله تنكّـر
::
وكّـر على العزة منيشن طريقه=حتى كفخ من يمّـه الشعر وكّـر







سعد مسهوج

سعـد السعـيـدي
04-07-2008, 01:45 AM
صح لسـانـك يالسّمي..

ولا هـنـت..

تقبل مروري..

ود

محمد السالم
04-07-2008, 06:08 AM
الله يجيرك من الضغط والسكر يا سعد


صباحك شعر يالحبيب

عبدالعزيز رشيد
04-08-2008, 02:17 PM
كانت الشدّة -ّ- المتواجدة كثيرا بالأبيات رمزا واضحا لشدّة الشعور والضيق
رغم ان المناسبة مألوفة وكثيرا ماتكون عبارة عن سرد معروفإلا أنّك استطعت أن تكثّف الكثير من الشعور والذي ارتقا بالأبيات شعرا
تحيّاتي لك

العـنود ناصر بن حميد
04-08-2008, 04:45 PM
كعادة حضورك ياسعد
تأتي لتقول الكثير برونق كلمة
وبياض حرف
صح قلبك
ودمت بخير

سعد مسهوج
04-11-2008, 01:55 AM
السمي


لاخلا ولاعدم


تشرفت بتعقيبك



لاهنت


وحياااااااك الله

عبدالله ثويني المانع
04-11-2008, 02:37 AM
..


سعد مسهوج

غضب يتحـوّّّّل لـ إعتزاز بالنفـس والشاعرية
قصيدة رائعـة .. سلم فكرك


..

صالح الضويحي
04-11-2008, 05:42 AM
بلا مقدمات ..

صرنا نزود ضيقة الصدر ضيقه=ونسكر ابواب ٍ حشى ما تسكّـر

سعد مسهوج
سعد مسهوج

يسعد صباحات القصيد وصباحك
واجمل حضور
يـعـيـد
ترتيب الأوراق

نص رائع .. وردة فعل شديدة اللهجة



تقديري لك

خالد السويلمي
04-11-2008, 04:43 PM
سعد مسهوج

رغم الالم والواقع المر
يبقى الشموخ

وانت دائماً شامخ

سعد
نص رائع كـ روحك

تحياتي لك جوري

سعد مسهوج
04-12-2008, 09:41 PM
محمد السالم


ويااااااااك يا رب
تسلم


ولاهنت




حيااااااك الله

أصيله المعمري
04-13-2008, 01:00 AM
سعد مسهوج

يختصر الكثير
ليقدم الكثير من الشعر
بطريقة أجمل
وبحضور راقي



هنا ثوره
وعزوف
وحقيقه
لا تقبل الشك
انت شاعر جميل

سعد مسهوج
04-17-2008, 07:31 AM
عبدالعزيز رشيد


هلابك يالغالي


تشرفت بتعقيبك


وردودك دائما مميزة



هذا ان دل يدل على ثقافتك ولباقتك




لاخلا ولاعدم





حياااك الله

سعد مسهوج
04-25-2008, 10:40 PM
العنود



تلسمين وهذا من ذوقك



لاخلا ولاا عدم



حياك الله

نجدي حاطوم
04-29-2008, 10:34 AM
نص جميل كسعد

محبتي

نجدي حاطوم