أوراقـــــــي ...!!

[بدر الحنيف]

::




الشعر ما يستر من الطيـب عاريـه=لكن معه كم طيب ٍ .. للـردى مـال
الكارثه من ضاع كلش مـن يديـه=لا صار شاعر .. وأفّلس يصير رجال





بــــــــدر ،،

[بدر الحنيف]

::





أشــوفـك وجالس معك لكن أحــس أنك بعيد =أحساس ما كلمتك لـبوحه وألا كلمتني
أحساس يبني للقطاعه لو مشينا إيــد .. بــيــد =أحساس لو قلبك يـحـسـه تقترب ما لمتني
لا عاد تسأل عن جديدي سيرتك كل الجديد =في مفترق دربين لاسالم .. ولا سلمتي







بــــــــدر ،،

[بدر الحنيف]

كــانــت لـــ عــزيـــز أثــنــاء غـــيـــابــه ..








البوح مفتاح القلوب المغاليق =والصمت له وجهين فوز ٍ وخيبه

والبعد غفلة وقت .. في حضن تفريق =مثل المرض .. والوصل طبعـًا طبيبه

كل شي ممكن يقبل الغصب تنسيق =إلا الغلا صدقه ما جــااا.. بالغصيبه

كذا .. أرى مقدمة شعري تليق =يالغالي أللي طول فرقاه عيبه

يمك يا " فواز المتيهي" عتب سيق =من قلب أرضه بالموده خصيبه

مما يدور بداخلي دوك توثيق =شعر ومشاعر ، داخل عيون هيبه

شاعر وفا وماخذ مع الشعر تحليق=ما جاب له غير الجزاله نصيبه

عـّطها .. يا ابو عبدالله شوي تدقيق =والوصل لا يبطي علينا مغيبه

لــن الذي يمك فلا يشكي الضيق =لأنـك تزود الطيب نفس ٍ رحيبه

بدر يقول : انك بقصر المعاليق =أخووه ، واصحيبه ، وطبعا حبيبه

فإن ضاق صدري من وجيه المطافيق =ذكرك يجي يمحى الوجيه الكئيبه

لانك مزايا حجمها يشبه طويق =وأكّبر عيوبك كبر حبة زبيبه

يفداك ، عفن ٍ للردى عينة تويق =عينه على عثره ، وحرّمة صحيبه

ويفداك سافل بين كذب ٍ وتلفيق =راحت حياته بين نــم ٍ وغيبه

ويفداك من خالي حميا المطاليق=يزعل شقيقه لأجل يرضي نسيبه

حلات مابك بين فوق روس الشواهيق =قلبك نقي ما فيه شك ٍ وريبه

يمكن من يشوفك قبل فـكـة الريق=يمر يومه ما يشوف الغليبه

حـّملة عتب خذت من الشعر تسويق =من جفت غصون الوصال الرطيبه

تبي يافوازالصراحه بتوثيق =فعلا : نهبك .. الوقت مني نهيبه !!

تدري : بـدر متى من همومه يضيق؟!=لا فارق أللي طول صده مصيبه








بــــــــــــــدر

[بدر الحنيف]

::





لا تربك عيون الغـلا منـت محـدود=ماعاد حيل القلـب حمـل المصايـب
غذيت بي جوع السهر .. وش بقا زود ؟=ألين مـا دم الصبـر صـار رايـب
كان اتصالك سلوتي وانـت مفقـود=واليوم ضايع .. وانت مازلت غايـب
حتى الطريق أللـي يجنبـك مسـدود=كذا أتوقـع حـال وضـع الحبايـب؟!!









::

[بدر الحنيف]

::







ما اقول لك هادي .. ولا اقـول ثايـر=بس الوكاد أحس .. لي خاطـر ٍ ضـاق
ساكت .. وصرت بواقع ٍ منّـه حايـر=جنبك .. وأحس اني على القرب مشتاق
هذا أنت طبعك مدري شلون صايـر؟!= عيّشني بعـز الوصـل ضيقـة فـراق















::\

[بدر الحنيف]

::




ايييه حفظني زماني جملة ٍ من صغر سني =عيب أبالي في حياتي .. صــد قلب ِ لا مبالي

حينها راحت تفكر زاد همي .. زاد ونـي =ما درت أقطع لسـانـي .. كان نادها تعالي

من يصد .. بـلا سبب يا نفس من عنده تهني =دام ما ضــر السمـا .. لاطاح منه نجم عالي








::

[بدر الحنيف]

حـق ٍ لشرهاتـك علـي سويتـه=لو كنت ما قدرّت لي شرهاتـي
شفت السلام اللي علـيّ شحيتـه=ما كنت ابي غيره لرغبة ذاتي
سـور الكلافـه جيتـه وهديتـه=ما ضاع في دربي عزم خطواتـي
أشره على الطيّـب ليّـا خاويتـه=كان اجرفـه مـوج الصـدود العاتـي
فكـري بتدويـر الـعـذر لهيـتـه=واقول : توقيته عكـس ميقاتـي
صاحبك متسامـح اذا مريتـه=والشك ماله جـرّه بوجهاتـي
فإن شفتني عنك العتب دسيته=ماخذ على الخاطر برغم اسكاتي

[بدر الحنيف]

::




يا صاح .. أنا تعبت أعلمـك وشلـون ؟!!
تصير .. شاعر .. وأنت يا صاح .. شاعر !

حاولت بك .. بس وانت شكلا .. ومضمون
عندك مرض .. " أنيميـا " بالمشاعـر !!!





::