بدر السويط
04-20-2008, 07:51 PM
مساء الشعر ...
لكم احبائي
يا حيف يا نفس ٍ تحط اعزومها = من عقب ما هي وافية في لزومها
صارت كما نفس المريض المحتضر=ضاعت مباديها و باقي حلومها
يا وجد حالي كالعجوز القاضيه = من القهر شقت جميع اهدومها
تلوا ضناها و غيبوا به عنها = و لا به بشر يقضي لها ملزومها
اتصيح من ظن ٍ لفاها و غثها = الله يلوم اللي يحاول لومها
يا وجد حالي كالهنوف الطاهرة = بنت الرجال اللي تنومس قومها
جوها وحوش ٍ ما تخاف من الولي = كل ٍ يزايد بالردية سومها
كل ما ذكرتك يا الشجاع الصيرمي = يا من عرفت الفزعة و مفهومها
نامت عيونك ليتها ما غمضت = يا كيف نخوة فاقدة زيزومها
تذكر من الدنيا يا كم نِوّخ لنا = تِدسم شواربنا بزين شحومها
تضحك لنا الدنيا على ما نشتهي = يعني عطتنا فلها و يشمومها
اليوم شفني بوحدتي وش صار بي = اخذ من الدنيا حثال اسمومها
اهيم في وجهي و لا لي وجهة ٍ = اقطع فيافيها و روس ارجومها
و اليا وصلت لشاطي ٍ غث الفكر = اغوص في بحور الشقا واعومها
الحال ضنكا.. و الرجاوي ميّته = تعلن عن دروب السعادة صومها
المشكله.. لا من نشدني شايبي = وشلون حالك!! كيف تالي اعلومها
يضيق صدري و ترتسم له بسمتي = مثل السما لا من لمحت ايمومها
و اتكذب البسمة محادر دمعتي = و اصد بعيون ٍ تحارب نومها
و اشوم عن نفسي واعاتب حالتي = يقطعك يا نفس ٍ تحط اعزومها
بـــــــــدر
لكم احبائي
يا حيف يا نفس ٍ تحط اعزومها = من عقب ما هي وافية في لزومها
صارت كما نفس المريض المحتضر=ضاعت مباديها و باقي حلومها
يا وجد حالي كالعجوز القاضيه = من القهر شقت جميع اهدومها
تلوا ضناها و غيبوا به عنها = و لا به بشر يقضي لها ملزومها
اتصيح من ظن ٍ لفاها و غثها = الله يلوم اللي يحاول لومها
يا وجد حالي كالهنوف الطاهرة = بنت الرجال اللي تنومس قومها
جوها وحوش ٍ ما تخاف من الولي = كل ٍ يزايد بالردية سومها
كل ما ذكرتك يا الشجاع الصيرمي = يا من عرفت الفزعة و مفهومها
نامت عيونك ليتها ما غمضت = يا كيف نخوة فاقدة زيزومها
تذكر من الدنيا يا كم نِوّخ لنا = تِدسم شواربنا بزين شحومها
تضحك لنا الدنيا على ما نشتهي = يعني عطتنا فلها و يشمومها
اليوم شفني بوحدتي وش صار بي = اخذ من الدنيا حثال اسمومها
اهيم في وجهي و لا لي وجهة ٍ = اقطع فيافيها و روس ارجومها
و اليا وصلت لشاطي ٍ غث الفكر = اغوص في بحور الشقا واعومها
الحال ضنكا.. و الرجاوي ميّته = تعلن عن دروب السعادة صومها
المشكله.. لا من نشدني شايبي = وشلون حالك!! كيف تالي اعلومها
يضيق صدري و ترتسم له بسمتي = مثل السما لا من لمحت ايمومها
و اتكذب البسمة محادر دمعتي = و اصد بعيون ٍ تحارب نومها
و اشوم عن نفسي واعاتب حالتي = يقطعك يا نفس ٍ تحط اعزومها
بـــــــــدر