مِمْحَاةْ:

[خالد صالح الحربي]

:
‏تلقى بشعري ناي وإلا ربابة
‏.. . لكن تبي تبطي إذا مطلبك: " طبْل ".
‏غناتي أنّي: في شعور الغلابة
‏.. . أشعر ؛ ولا أبيع الثمينة على خِبْل.

‏صحرا : ولكن فيني ألفين غابة
‏.. . القلـب بير، .. وفَتْلة الأوردة : حبْل!
🌹

[خالد صالح الحربي]

:
تبغى النصيحة صِدق؟!
‏.. ريّح دماغك
‏- " مما يعكّر ".. صَفْو يومك وليلك.
‏تاجك ترى مُلكك
‏ .. ومُلكك دلاغك
‏- إن ما قدرت السيطرة: عزتي لك.
🌹

[خالد صالح الحربي]

:
يَاخِي شِفْنِي..
كِلّ "كَالُوبٍ" مْن أوْرِدِتِي حَذَفْنِي ،
حَتّى وَجْهِي بَـ المْرَايَة مَاعَرَفْتِه !
.. تَبْغَى عَاد أنْت : تْعَرِفْنِي ؟!

[خالد صالح الحربي]

:
الشِّعر: حاجة وارفة ما تدلّى..
.. إلا لمن هو يملك " أكثر من لسان ".
إن قلت شِعر وصحصحولك تسلّا
.. " صحصح بدنهم "..
يرجع الصاع صاعان!
🌹

[خالد صالح الحربي]

:
دفقت ماء وجهي على شان غيري
‏__ وإلا لنفسي .. ما ارخص بيوم دفقه

‏قليل خير ؛ و " كثّر الله خيري ".
‏__ ماهو بـ طيب ؛ إلا من الله " وِفقة " !

[خالد صالح الحربي]

:
ودّي أغنّي لو إن الطَّرْق ماهو طرق مأهول
.. . ثقيل.. لكنّه يشيل الهموم اللي ترادَم.
البارحة:
جيت أقول؛ وكنت عاجز صِدْق لا آقول
.. . آدم رماني على حوّى.. وحوّى بَعْض آدم!
🌹

[خالد صالح الحربي]

:
ياما كتبنا من شِعر لين قلنا:
.. . ما للشعر معنى ولو كان : معنا.
مثل الموسيقى هذي اللي عقلنا
.. . الضحك فيها من البُكى حيل أعنى!
🌹

[خالد صالح الحربي]

:
إن ما كتبت من الشِّعر .. حدّ سكّين
.. لا علّ جرحي ما يلاقي : ضماده!

شوفوا وش اللي تاخذونه من آمين
.. وأنا ما بين " المعصية والعبادة ".

🌹