رسـائـل لـ لـ يـاسـمـيـنـة

[صالح العرجان]

فكّي أزارير الحكي ودّي أصيح..
لآ شك أخآف يشق صوتي
خيآطي!!
يآدمعتين الثلج..يوم ابتدآ يسيح..
جيت أجلدك/وادمَت كتوفي
سيآطي!!



http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

طبع الصراحه .. بهذا الوقت ينعيّب !
.................والناس .. الاقراب تجرحني وامازحها

والا انت يا جرح " والطعنة من قريّب
....................مصير الايام .. تكشف لك فضايحها

على كبر ظلمها / ياقلبي الطيّـب
.....................قبلت اعذارها .. و [ الله يسامحها ] !


http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

شوف انا عندك .. خساراتي كثيره !
و .. الزمن يضحك على حظي ، شماته

كل مافارقت واحد قلت : خيره
بكره اسلى عنه .. و ارجع من شتاته !

http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

ياليت للضيقة زرار وافكه !
وازرّ فوق الثوب .. ثوب السكينة ..

ودي بدمعي ينسكب وسط مكة ..
ولا امسحه الا وانا في المدينة


يا بعد الدنيا

http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

لا ظميتك " أشربك " و " أظماك " أكثر ..

و لا فقدتك ..

.. أتبعثر ,

... و اتبعثر ,

..... و أتبعثر ..

| تذكرين | وإلا نسيتي .. ؟! يابعد حيّي وميتي ,

يوم أشرتي على قلبي وقلتي لي .. سؤال ..

[ هذا بيتي ] .. ؟!

يومها غنيت لـ " الصبح " .... الأغاني

يومها زفيت لـ " الشوق " .... الأماني

تذكرين .. ؟! يوم جيتي تسألين ! عن [ طفل ] يسكن ضلوعي ,

كيف حاله .. ؟! وش جراله .. ؟! و أنا جاوبتك .. " حزين " !

في بعادك لملمه ذاك { الشتات ~ حيّ لكن أغلبه يـ [ بنت ]

.................. مات


http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

اقبلت ياوجه الغـلا .. حـيّ هالـزّول
زول ٍ تغيب عبـاد ربّـي ليـا غـاب

تطلع طلوع سهيل مـن حـول لا حـول
وتشّخص لك عيون .. وتلافت لك أرقاب

ومن يوم جيت الله وكيلك على طـول
سلامك عتاب !! وسواليفك عتـاب ii!!

طوّل علي بالك عسـا عمـرك يطـول
ماكل موقـف تنشـرح فيـه الاسبـاب

عطني يدينـك وأنثـر الليـل مجـدول
خلّه يطير أسراب .. ويعـوّد أسـراب

وأضحك وفرّق جمرتينك عـن اللـول
بفتح لك سموعي قبل ما افتـح البـاب

خمر الكلام اللي من شفـاك معسـول
أبيه يـدرج فـي عروقـي وينسـاب

سوالفك فيهـا مـن السحـر مفعـول
تأثيرها علـى الجـوارح والاعصـاب

بأملا عيوني مـن تهايـاك وأقـول ii:
ياوجه صبـح ٍ لبّـس الليـل جلبـاب

عذر القصيد إليا قصر عنـك مقبـول
أوصافك أكبر من مدى شعـر وإعجـاب

عـودك معـزّل ومتنهّـض ومفتـول
اليا تعـدّل رمـح واليـا انحنـى داب

ومعنّقـك فـارع و زامـي ومنـتـول
وصدرك جمـع مالـذ كلّـه وماطـاب

وسودك طلايع قوم وسيـوف وخيـول
خيّالها يـارد علـى المـوت ماهـاب

ايّووووه من صحوة هدبها ويحّووووول
وإن سلّهمت ( هذا بلا ابوك ياعقاب ii)

قريـب لكنّـك بعيـدٍ عـن الـنـول
وا حر كبـدي حـرّة الظـن لاخـاب

ماكـل مجـدٍ يبلـغ المـرء معـقـول
اللي ماجاب حصان أبو زيد وش جاب

من لا جمع راسك براسه علـى طـول
والا يقضّـي تالـي العمـر عــزّاب


http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

سولـف علـى النـوّار والنـود والـريـف
همسك رشاش !! وضحكتك برق غيمه

تمطر على البيداء من السيـف للسيـف
أربـع ليـال .. وخالـف السـيـل ديـمـه

منها الغصون تصيـر خضـر ومواريـف
مـن عقـب ماكانـت يبـاس وهشيـمـه

سولف .. وبعّد عن حشاي التحاسيـف
و دكّ الهجـوس اللـي بصـدري مقيمـه

مـن شفـتـك ياحـلـو طـعـم السوالـيـف
الـقـلـب طـيّــب .. والـنـوايـا سلـيـمـه

عطني من أعماقك ثلاثٍ علـى الكيـف
تـرا لهـن فـي وســط قلـبـي خريـمـه

واغفايـتـي بـيـن الثنـيـن المـوالـيـف
ضـمّـة غــلا .. فيـهـا ميـانـه وشيـمـه

فـي ساعـةٍ ماهيـب واقـع ولا طـيـف
أعـــود مـعـهـا للـسـنـيـن الـقـديـمـه

وأنـا مـن البـارح عيـونـي ملاهـيـف
عـلـى رغــد هــاك الـقـوام ونعـيـمـه

اللـي وصوفـه غـيـر كــل التواصـيـف
عـيـنٍ روت منـهـا !! وعـيـنٍ محـيـمـه

ياكيف أببـدا فيـك والا أنتهـي كيـف
وأنـت العديـم اللـي وصوفـك عديـمـه

ريــان عــودك يانحـيـل السـراجـيـف
شــيٍ يـفـرّج لــه !! وشـــيٍ يضـيـمـه

والجمرتيـن اللـي تحـت سلّـة السـيـف
والشـامـه الـلـي جـاورتـهـن يتـيـمـه

علـى صبـاحٍ بـان فــوق المشـاريـف
بـيـان نــور الـحــق فـــوق الظلـيـمـه

ومجـدلٍ مالـه عـلـى أحــدٍ معـاريـف
الا يــديــك الــلــي تـلـيّــم عـتـيـمــه

الفقـر .. ماهـو فقـر قـل المصـاريـف
الفـقـر فـقـر الـلـي ماحـطّـك نـديـمـه

خذنـي ودثرنـي عــن الـهـم والحـيـف
معـك .. أحـس لباقـي العـمـر قيـمـه

الشـوق يمطـر فالضـلـوع المهـاديـف
أربـع ليـال .. وخالـف السـيـل ديـمـه


http://ro7elb7r.jeeran.com/ثَغْرٍ%20الوٍُرٍٍدِ.gif

[صالح العرجان]

حتى الشمع جاء على لونه خجل
لحظة تصافحنا