رسـائـل لـ لـ يـاسـمـيـنـة

[صالح العرجان]

,,


ماتلتقي بالدرب .. غايه وغايه

الدرب واحد مايجي فيه تنويع

,,

[صالح العرجان]

ان كـان ودك ترسيّنـي علـى كحلـك
لمّيت عمري .. وخاويتك على أهدابـك

لكن قبل تنجرف .. حبيت أوضـح لـك
مستقبلي في يدينك .. وأعمـل حسابـك

لوضاع مستقبلـي مانيـب سامـح لـك
يكفيني الماضي اللـي ضـاع بأسبابـك

[صالح العرجان]

رحت اسولف للجبال الصم عن قصةرحيله
مـاتركت متونها الا ينحت الدمع بصخرها

مـاتـقبلت الـفراق ولالـيدي فـيه حـيلة
آه لـوان الـظروف الـمقبلة تـكشف قدرها

لـويعرف الشخص منا وش مع الغيب بيجيله
كـان جـنبنا المشاكل مـن قبل يوقع ضررها

[صالح العرجان]

منت فاهم يا اغلى من مر بعيون
عاشقك سلم امره للغرام

شفت فيك العمر يالقلب الحنون
من عرفتك وانا عايش في هيام

انسى هالعالم ولو هم يزعلون
ماعطيت اليوم غيرك اهتمام

عجزت عيوني على غيرك تهون
ماعرفت انطق لغيرك بالسلام

لك انا خطوه واوصل للجنون
بك ترى العقل على عقله ينام

بك انا بفخر على العالم واكون
اسعد الي حب واجملهم كلام

[صالح العرجان]

سلام .. مامثله .. وقدّه
سلام والناس محسوبه

للصاحب اللي على خدّه
مواري الحزن مسكوبه

ياصاحبي طول هالمدّه
وأنا أنتظر .. ليلة التوبه

أجيك .. بالعلم .. وأردّه
أروح نوبه .. وأجي نوبه

وأقول خلّه على ودّه
يمديه يظهر من عيوبه

يمديه يلقى من يهدّه
وأجيه وأقراه بأسلوبه

[صالح العرجان]

سهرت بيوم عيد الحب افكر فيك يالغالي
و أسالي يا ترا وينه و دوم انت على بالي

سهرت و ليلتي طالت بكيت ودمعتي سالت
انا جي الليل ما بي حيل اشيل جروحي بالحالي

حبيبي العيد ما يسوى مدامك عن عيوني بعيد
الا و القلب ما يقوى و لا ظني الدموع تفيد

[صالح العرجان]

يمكن احلامك تحقق في مشــاوير الطوراي

ويمكن اللقيا تصير بحبــــــــــنا لحظه أخيره


المقدر لازم عينك تشـــــوفه لا تــــــــداري

ماكتب للعبد صاير جعل في المقسوم خيره

[صالح العرجان]

كنت أحسب ضلوع صدري لقلبي حجاب
وأثـرهـا غــدت لهـمـوم الأيـــام بـوابــه