رسـائـل لـ لـ يـاسـمـيـنـة

[صالح العرجان]

،،








بكى الغرام .. وسيّل دمـوع القصيـد .. بمكتبـي
كل حرف يُدعى ابجدي .. ( اسماء ) لوعه بكّتـه

الفاتن .. اللي تستذير .. من الوصل مثل .. الضبي
لرضاتها .. سبك المشاعر .. بالقصيـد وحبكتـه

قبـل اتعشـى قلبهـا .. تغـدت بقلـب الصبـي
وقامت " تفرّمت " ذاكـرة فكـري وترسـم سكتـه

تغلغلت بيـن المحانـي ..وسـط قلـب ٍمنصبـي
دكّت به الثلثين .. وش ثلثيـن .. كلـه .. دكتـه

صارت عواطف قلبها .. من عاطفة قلبي .. كبـي
كل ضلع في صدري .. مشاعرها الرقيقه .. حكتـه


















تقبل .. جليلة بكر .. وانطحها .. كليب التغلبـي
ما احس .. يوجد غيرها .. انثى ؟! بقلب ٍ ضكته















عقب الجفا .. لا شفتها بأحساس شاعر .. شرعبي
واحكيلها ذنب الجفا .. وشلـون كانـت ربكتـه ؟!

احيـان اقـول : ان الغـرام اللـي تملكنـا غبـي
واحيان يعجزني دهائـه ..واصتـدم فـي حنكتـه

واقول : في نفسي وراها .. ما تـداري .. لتعبـي
للحين ؟! قلبي رغم نزفـه بالغـلا .. مـا زكتـه

واثق بحبـي عندهـا .. وادري غلاهـا مركبـي
لكـن مصيبـة قلبهـا .. ينبـض بزايـد شكتـه













،،













أخيـر مـره شفتهـا .. بالموقـف الصعـب الهـبـي
جابـت ..صـوّر لحفـل ملكتهـا ..وقلـبـي ذكـتـه

قعدت اقلبهـا .. وصحّـت غيـض .. فينـي مختبـي
وقامـت تسولـف لـي .. طريقتهـا بلبّسـت شبكتـه

وأنا بوجهـي بسمـة ٍ صفـرى .. ونـاري بأحطبـي
وتقووول : حط إيده علـى " كتفـي " .. بليلـة ملكتـه

احيييييييييه .. يا قلبي من العشق الشقيق .. الأجنبـي
كن الرضى .. ضد الزعل .. بالقلب .. واعلن .. عركته

هستريا .. صدمة مشاعر .. والكـره فـي .. ملعبـي
والبعد .. توجع فركتـه ..والقـرب .. توجـع فركتـه

قلبي يبي .. وعيون عقلي بعـد مـا شافـت .. تبـي
وهّي .. تبي .. تبي .. تبي .. والشوق .. بانت لكتـه

بكـى القصيـد ..وسيّـل دمـوع الغـرام .. بمكتبـي
والقلب .. عند (( السّوم ))زفرات المشاعر .. ضكتـه

[صالح العرجان]

خنجرك .. يا عمري طعنـي بظهـري
اسف .. أنا ظهري رجع صاب خنجرك

خله محله .. لا تشيله .. يـا عمـري
أخاف .. لا شّلته من الدم .. يدمـرك

[صالح العرجان]

من رقتك .. تسحب قدمك .. ان تمشيت
تخاف لا تجرح شعـور .. " الزوالـي "

[صالح العرجان]

::

::


في دروب المحبــــــه واجد الي غدو
ليت مانيب منهم والعشـــــــم مايخيب


::

::

[صالح العرجان]

سالفتنا غير عـن قلـب وتألـم
لاشكى معذور من لاهب غرامه

سالفتنا ضربـة استـاذ ومعلـم
شتتت فكر التلاميـذ ونظامـه

لكن اسمع قبل اقول اسلم وسلم
كل رجالٍ وله بصمـة ابهامـه

صاحبي بالحق لاتسكـت تكلـم
لاتحسب حساب لباس العمامـه

[صالح العرجان]

خل ليلك خيال وخل شرحـك يطـول
ياصعيـب المنـاوي طولـه طولـه

أحسبن الجمال إليـا طغـى مايهـول
لين شفت الدلـع والسحـر بمهولـه

بين شط الردوم وبين طرفن خجـول
ضاعت السالفـه وعلومنـا الأولـه

ضامك الحمل ريح ياكبيـر الحمـول
وارتو السلسبيل ومن روى .. رولـه



ليه ؟!

[صالح العرجان]

تزيد الليالي دين حبـك علـى واوفيـك
من الشوق ما يزهر بودك وانا الساقـي

مع الساعه الحرجه وانا خابـرك يمديـك
تبيّن غـلاي وتشعـل النـار ل حراقـي

وانا كم لفيت وكـان فالقصـد باحاكيـك
والى جيت وجه ال وجه تتبعثر اوراقـي

على كل حال الى حصل فيك!! والا فيـك
عليك ان توضح نيّتـك واتـرك الباقـي

[صالح العرجان]

يتيم الوصوف وليّن العود غصن البـان
جميـل المحيـا والحجاجيـن مقرونـه

الى اوما بليل امجدله من على الامتـان
تخيّلـت كـن الليـل ممسـاه بمتونـه

والى طاح واسترسل وبانت لي الاوجان
تخيّلت نور الصبح وان الشفـق دونـه

لها بنّـة العطّـار واحكايـة المرجـان
مع اللول والرمّان كـن البـررد لونـه

معا ذا ..ولولا الميز باقول بنت افـلان
على شان مثلـي لاعشقهـا تعذرونـه