رسـائـل لـ لـ يـاسـمـيـنـة

[صالح العرجان]

العـام .. قلبـي يهلّـي بـه
يومـه يجامـل بترحـابـي

وكنـت آتحـرّى مكاتيـبـه
لا غاب وأجلس على أعصابي

ونْمـوت لا طالـت الغيبـه
وأحيـا بشوفـه ويحيـا بـي

لا غبـت يـبـدي تعاتيـبـه
وان غاب ماله سوى عتابـي

وأطرب لصوته وأغنّـي بـه
وياما طـرب لـي وغنّابـي

[صالح العرجان]

يكفيك لامن غبت مالك اسم غير اسـم المليـك
وان جيت عقب غياب مالك اسم غير اسم الملاك

حشمة غلا ولا غلا حشمة وذيـك تعـز ذيـك
غلاك يفضح حشمتك وبحشمتك يستـر غـلاك

[صالح العرجان]

،،


يوم ٍ وقتي غزاني واسرجت خيله
صمدت .. لين الليالي .. شـّـينـت فالي

أمشي وهمي يباريني واباريله
أهيم .. كني بديره ما بها والي

الليل ظـلما .. وخانتني قناديله
يا ما انتظرت الشروق ولا تهيّالي

سراجي الصبر .. لامن ضاقت الحيله
أحب أواجه .. واحط الواقع قبالي

من صد عني .. اليا صديت ما آجيله
من عادتي .. ما ألتفت لوجيه عذالي

يابنت .. ماني حديث ٍصعب .. تأويله
أنسان واضح .. واذا حبيت ما أبالي

ان كان لك قلب .. ليّن .. غـّـض .. قوليله
هــو من .. متى يخطي الغالي على الغالي؟!


كلامك العذب .. ياشينه .. ويحليله
تكذب عيونك .. واصدقها من هبالي

[صالح العرجان]

،،




أشـــتـــريــك .. أشــــتـــريــك .. ولــو ثــمــنـــك الجـــــروح
خــــلــك الــطــــيــــب دايـــم .... والــظـــروف الـــردى



,,

[صالح العرجان]

عذر الزهر




يارقـة الاحسـاس ياقمـة التـيـه
عذر الزهر ويـاه لوهـو يخاصمـك

لانك قتلتـه وش يبـى فـى تجليـه
أيو الله إنـه مـا يقـارن بمبسمـك

العطر صدرك لانتشـى فيـه تحييـه
كنه يقول بكبرياء يوووووه مأطعمك

الزين سلـم قـوس مجـده لباريـه
فيك أنت ياحاكمه من قبـل يرسمـك

خذنى غريـبٍ مـا لقـا دار تأويـه
طالب حنانك ضمنى وسـط عالمـك

خذنى قـلادة صـدرك اللـى تدفيـه
يابختها من فـوق صـدرك تنادمـك

أرجوك عطنى عن غلا الشوق تنبيه
ياعلنى مأذوق حزنـك ولا أعدمـك

لا تعتذر والوقت لو فيـه مـا فيـه
موبايلك لو غبت بالصـوت يخدمـك

كلم وعطنى برقـه الصـوت تنويـه
شف كيف أبنسى دنيتى يوم أكلمـك





يوم اكلمــــــــــكــ

[صالح العرجان]

إطعن بحد عيونك اللى تطاوعـك
مدامنى راضي بطعنـت سيوفـك

وإعلم ترا قلبي وفكـرى يتابعـك
ما كنهـا ألا بالحفـاوة ضيوفـك

ليت الذى ولـع فـوادى يولعـك
حتى تحس بلوعتى وسط جوفـك

[صالح العرجان]

أغليك لبـا صـوت غالـى لمغليـه
إسمع لقلبى لاجـل نبضـه يعلمـك

من فمك لاسمى طعم ثانـى يالبيـه
إليا سمعت إسمى كما الشهد من فمك

صوتـك يغرقنـى بداخـل موانيـه
شوف إرتعاش الشوق من يوم أكلمك

[صالح العرجان]

هالصدر ضامى كيـف قلـى تخليـه
وثغرك مطر وانا ضحيـت تبسمـك

جيتك حبيبى جمـر شـوقٍ يطفيـه
إليا أنحضن من معصمك لين معصمك