رسـائـل لـ لـ يـاسـمـيـنـة

[صالح العرجان]

.

.


اليوم أنا باأسباب .. هجرك جـــنازه
وزيارة الميت وجـــوباً على الحي ؟

.

.

[صالح العرجان]

أقـبـل بـوصـْلٍ مـثـل قـطـْر الـنـدى
..........................وابـشـر بـخـفـّاقـي وتـرحـــيـبـتـه


والـهـنـا لـو كـان فـي..أبـعـد مـدى
..........................دام فـيـه رضـاك؟؟تـسـهـل جـيـبـتـه


ولا نـطـقـت وقـلـت كـلـي لـك فـدى
..........................بـالـك الـمـشـغــول ودّع ريـبـتـه


لا يـروح الـحـب ذا كـلـّه سـدى
..........................واكـبـر الآمـال يـعـلـن خـــيـبـتـه


وانـت مـا تـبـغـاه سـوّه مـا عـدى
..........................مـا كـتـبـتـه فـيـك تـكـسـر هـــيـبـتـه

[صالح العرجان]

أنــا لــلــحــيــن مــدري هــو أنــا الــظــالــم أو الـــمــظــلــوم
.......أنــا مــدري وإذا تــدري تــعــال وفــتــش أعــمــاقــي

أعــرف إنــي ســقــيــت الــلــيــل دمــع ولاظــهــر بــه نــوم
......عــقــب مــا مــرنــي فــصــل الــســهــاد وحــتــت أوراقــي

[صالح العرجان]

فداها من زهور العشب في قلبي ثـلاث اربـاع
ولا ابغا من زهور اعشابهـا الا فـي قصيدتهـا


وتاخذني عروق التوت وازهر فالـورق مربـاع
واخطّ اول حـروفٍ فـي مرابعهـا ومهجتهـا

/

/

/

[صالح العرجان]

يا شيشتي لو فيـك ذنـب وخطيـه
معاك احس اني عن النـاس غايـب

العام كانوا لي من الاصحـاب ميـه
وقت الرخا لكـن جفـوا بالنوايـب

لا هنت يا قلـب شكـا مـن خويـه
كم راس من طعنات الاصحاب شايب

مرات اقـول ان الخبـل يـا هنيـه
ولقيتهـم يشكـون ظلـم القـرايـب

ومرات اقول النـذل لا رحـم حيـه
واثر النذل في بعض الاوقات صايب

يا نفـس شيليهـا علـى السامريـه
شيلت طرب ما عاد فيهـا طلايـب

وش لـي بتنيهـه القلـوب العميـه
وحنا فـي هالدنيـا دروب وركايـب

ابتغـزل فــي هـذيـك البنـيـه
بنـت تفـل القلـب فـل الذوايـب

كـم بعثرتنـي وجمعتنـي هنـيـه
بنفس المكان اللي جمعنـا غرايـب

يا ضعفهـا معهـم وعنـدي قويـه
منها غـدى ثلثيـن قلبـي خرايـب

مرباعهـا بيـن العيـون الشقـيـه
ومقيضها بيـن الجـروح العطايـب

ما قـول يذبـح زينهـا بـس هيـه
تلفت لها قلـب عـن الحـب تايـب

ولا قول مغـروره ولا هـي خليـه
فيهـا دلـع طفـل تبنـاه شـايـب

[صالح العرجان]

.. و إن كثـروا اللـي يحلمـون بـ قربك.
يكفـيك عن كـل الحـضـور غـيـابـي

[صالح العرجان]

أحبك .. كثر ما يشهـق .. نحـرك .. بصـوت سلسالـك
وأحبك .. كثر ما قلت .. بغيابـك .. آآآه .. يـا ليتـك

وأحبك .. كثر ما نبرة .. وحـيك .. تغيـض .. جوالـك
وأحبك .. كثر ما أفقـد .. شعـوري .. فـي تناهيتـك

وأحبك .. لـو تعلقنـي .. علـى شمّاعـة .. إهمالـك
وأحبك .. وانت تنفيني .. عن العالـم .. ليـا أطريتـك

وأحبك ..كثر مـا شوقـي .. مـن الأعمـاق .. لبّالـك
تصدق .. !! إنتهت موجـة ضياعـي .. يـوم دليتـك !!!

[صالح العرجان]

::


مافات مات وهذا الحين جيتــــــــك ..
,,,, خلني اصبـــــح مرحلة في حيـاتك ..!


اما تعطيـــــني بالغـــلا ماعطيتك ..
,,,, والا عزاي لحضرتك في وفــــاتك ..!


::