رسـائـل لـ لـ يـاسـمـيـنـة

[صالح العرجان]

وحق الذي خلاني بيوم اغليك
ما غاب زولك عن عيوني ثواني


لولا الامل ماكنت للحين وياك
ولولا المحبه ما عرفنا نعاني

[صالح العرجان]

وأبـري حـالي بـري عــود الـنجـاره
عـود براه ابن الـدهـامي بـيــاديه


عــلـيـه خــد الـيـا تـبــيــن حــمــاره
يدني منايا عيون شخص تراعيه


أدعـج غـنج يـفـتـن بـذوق وشـطاره
لاسـلهـم برمـش غـريـبه معـانيه


عـيـنه كـما عـيـن أشـقـر بـالـزبـاره
فــرعـبه غــلام بـعـيـده مـرامـيه


مــعــرب مـــتــولــع بـــاالـصــقــاره
أهـل النـمـيـمه والحسد ماتدانيه


والـعـنـق عــنـق الي سـريـع فــراره
أدنـاة حـس يـجـفـله من مفاليه


أنــا رهــيــن لــحـاجـــبـه والاشــاره
ومرهون في بسمة جنابه وأشافيه


كـــم مــرة والــيــل ضـافـي سـمـاره
أضـحـك معه وامزح واقدر مباديه


حـكـيـه سـحـر اسلـوب فـن ومهـاره
قـلب الهـواوي يمزعه من كراسيه


قــفـت بـه الاقــدار ومـثـلـه خـسـاره
عـزي لجفن جاير الصبر كاويه


امـن القـهـر فـاالكـبد مـثـل الـمـراره
ولدق بي هجس الغلا صحت اناديه

[صالح العرجان]

من يواسيني على عقـلٍ تزعـزع مـن ثباتـه
وصار ملك ايديه ضمن اوراقه اللي فـي ملفـه


نـادرٍ مايشبـه الاصورتـه داخــل مـراتـه
وصورتٍ له بالخيال وفـي نظـر عيـنٍ ترفـه


في غزال الريم منه اليـا جفـل خطـو التفاتـه
وفيه من وصفه رموع وفيه لطف وفيـه خفـه


يـوم يلعـب فـي جنـابٍ تـو ماولـع نباتـه
والنسيم اللي شرب عطر الزهـر كنـه يزفـه


ومثلـه اللـي دونـه الفـلاح مايغلـي حياتـه
نابتٍ بيـن الـورود وجـاري الساقـي يحفـه


ليـنٍ غـظٍ غظيـظ ولا فقـد عـوده رواتــه
ايتمايـل كـل ماقـام الهـواء الهـادي يهـفـه

[صالح العرجان]

كم دفنت أحلام عمري بيـن اخاديـد ارتجافـي
لين ضاعت حيلتـي والحيـل بالقلـب وحنينـه

كل ماقالوا عوافي قلت هـي ويـن؟ العوافـي
العوافـي لوتصـافـح راحتيـنـي راحتيـنـه

واشربه ثم ارفضه ثم اشربـه واروي جفافـي
وكل طالب ديـن يظهـر حجتـه ويسـد دينـه

انشـري يافتنـة العشـاق نـورك لاتخـافـي
مايخاف اللي يخاف الخوف من طلعـة جبينـه

واغرقي ليل الغرام انغـام ولحـون وقوافـي
لين يطرب كل باب وترقص اسـوار المدينـه

[صالح العرجان]

ليلٍ سريتـه علـى ذكـرى محبتهـا
الراحلـه لهفتـي والشـوق قنديلـي

انفض غبار الزمن عن وجه صفحتها
واشرب فناجينها واغـرق مناديلـي

[صالح العرجان]

على نار المسافه يحترق صبري شوي شـوي
وبين الجمر والشعله تموت وتدفـن احلامـي

يغيب النوم ويحل الظـلام وينجلـي بالضـي
وانا احرث بالورق واسقيه دمع العين واقلامي

عسى ينبت على صحراه من ذكرى عذابي شي
عزا جيلٍ وراي ولي عزا فـي جيـل قدامـي

[صالح العرجان]

يالعل الحفر للسيل مـن دهـم السحـوب
حشمة اللي ضوح خـده تجـاوز برقعـه

نايفٍ ريـان عـوده تميـل بـه الهبـوب
كـل ماهـب الهـواء ميلـه ثـم رجعـه

نابي الارداف والوسط ضامر ومعصـوب
والنهد زامي ولن ناشـه الثـوب اجزعـه

[صالح العرجان]

غربه و "ثلج " شعور وأنفاس دخان
تجتاحني والليل لـ الليل يشكي !

/
ِ