رسـائـل لـ لـ يـاسـمـيـنـة

[صالح العرجان]

الــبـــحـــر : مــجـــنـــون ...! واللهجــــــــه : فــظــيــعـــه..

..... والموسيقـى عاليـه .. والقـاف " لــول "


الـحـروف حـتــوف والـنـبـره سـريـعـه
........و( الغريبه) خلف .. " تسجيـل الدخـول "


يالغريـبـه ... غـربـة الـشـاعـر شنـيـعـه
......... لاغـدى يقـدر يـطـول ولا يـنـول.!

[صالح العرجان]

نشف ريق السراب.. ولا ملت عين الطريق خطـاه
قسـا طيـن الكـلام ولاقسـا..زاد البلـل طينـه

شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه

غرقت اكتب كـلام مانجيـت الا ..عشـان اقـراه
ونجيت اقـرا عـذاب ماغرقـت اكتـب عناوينـه

ترا هذا الصواب اللي خطاه ان الصـواب اخطـاه
وانا هـذا الصويـب اللـي خطـاك انـك تحبينـه

انا هذا الحضـور اللـي غيابـه ماعـرف يلقـاه
واناذاك الغياب ..اللـي حضـوره ماعـرف وينـه

انا ذاك البعيد اللي يموووت..! ولايعيـش اقصـاه
واناهـذا القريـب اللـي مبعثـر بينـه وبيـنـه

انا (صوت السكون) اللي سمع غنج الصدى واغواه
بكى حتى. بكى حتى . بكى. مـن حسرتـه عينـه

عسى صبح الوضوح ليا سرى ليل الغموض وتـاه
يجي مثل الضرير اللي يمد الشـوف.. بيدينـه..!!

ذكرت اني نسيت اذكر كـلام..! مانويـت انسـاه
ولكنـي ذكـرت انــك.. نسيـتـي ماتعرفيـنـه

انـا مـن معشـر الانـس الاوادم.. اولـيـاء الله
واعيش بعالم:...(الجـن تعّـوذ مـن شياطينـه)

نشف ريق القصيد ولا نشف ريقه شـرب معنـاه
سقا طين الكلام.. ولا بعد هذا القسـا طينـه..!!!

[صالح العرجان]

قــــــــال : احــــبــــك ..

قـــلــــت : احـــبــــك .. !

قــال : احـبــك كـثــر حـبــك .

قـلـت : انــا اكـثـر مـنـه احـبـك

قـال : انـا اصــدق مــن يحـبـك .!

قلـت : انـا الصـدق الـلـي حـبـك !!

قــال : انــا بعطـيـك روحـــي ..

قلـت : انـا ابغـى مـنـك روحــي .!!

قال : والله ماتمنى تمـر لحظـه مااشوفـك

قلت : انا والله اتمنى تمر لحظه مااشوفك !!!

قـال : اجـل .. مـن ويـن احـبـك ؟؟؟

قـلـت : مــن ااااااااخــر محـبـك ..

قــــــــال : مــــقــــدر ..

قــــلــــت : تــــقــــدر ..

قــــــــال : انـــــــــا !!!

قــلـــت : ايـــــه انـــــا..

[صالح العرجان]

أنت يلي غشاك من البهاء ماغشاك
نفسي أفتح عيوني وغمضهن عليـك

كل مالك تمادى من غـلاك بغـلاك
لين ماصرت احبك مووت واموت فيك

[صالح العرجان]

اطعم من الجود ضحكة جود عبدالله
واحلى من السكر المنثور باحلامي

ياست كل الصبايـا والصبـا كلـه
يا خصلة الِ شعربين الورد ونسامي

يـاأول الجـود والعنقـود يافلـه
ياعين بابا وقلـب السيـده مامـي

الجود ماهي مـن الموجـود لاوالله
انه من العود والمجهـود واياامـي

تبارك الي عطاك من الحـلا جلـه
من وردك الطايفي لخدوك الشامـي

[صالح العرجان]

الله يخرب بيت ابو بعض الاحيـان
لا جابت الطاري على غير طاريـه

غصت بي انفاسي على سيرة انسان
ولي معي قلب على لسـان راعيـه

كنت احسب الواحد مـ1ـع أثنـان
حتى كفرت بمنطقـي بيـن اياديـه

[صالح العرجان]

صباح النور يا وجه الصباح الي يجي بالخيـر
طويت البارحه والنايميـن وصفحـة عتابـك

عذرتك قبل ماهدد غيابك مـن هدبـك يطيـر
وسبقك من السماح اللي على عرش الغلا جابك

حبيبي ياهلا والله بحبيبـي وافـي التقصيـر
عدد ماعدوا اصحابي وراك وغاروا اصحابـك

يسومون العطا بسم الخطا فـي كفـة التبذيـر
خطاي ولا صـوابٍ مايوصلنـي علـى بابـك

هلا والله بحبيبي ياهلا واللي يصيـر يصيـر
عساني لو حسبت احسابهم يخطيني احسابـك

انا فيني تعب فيني عتب فيني جـروح كثيـر
ولافيني اكمل وش بقى فينـي مـن اسبابـك







ياسمين

بدأت أحسد الرسائل وأنا المحتوى ..

[صالح العرجان]

بسـم الله العالـي الـمـتـعـال
...................... الخـالـد .. و(صالح) الفاني

.

من صبح طيبه واذان بلال
....................... من ديرة . احلام .. خلاني

.

من الشفع . والوتر . والانفال
...................... من روضة قبور جيراني


ياعمي .. يا( عمي الجمّـال)
.......................... غنـّاني.. الحمل واغواني ..


عليك مني سلام وصال
....................... ياصـلـك قـبـل يـتـعـدانـي..!


يسري .. ويلفي عليك .. خلال :
......................... مايـنـبـت ..الـورد بلساني

اخـــــايـلـك .. من ثلاث ليال ..
........................ تـبـرق .. وترعد بودياني


حـايـلـت ..! فيك الكلام .. وحال
..................... حالي ..! تقل عنك ينهاني


اقراك واكتب سراب اللال .
......................... والـبـرد يرســـم بـجـدراني


ماتسكن الروح بالصلصال .
........................ والليل .. فـيـك يـتـهـجـانـي


ياعمي ....!! ياعمي الجمال ..
..........................لاخذني الشعر واعطاني


هيجن على :...... ! لين جن اجوال
.................. هذي ..! تبي ذيـــــــك ..! تنساني


من (عين.. يـالـيـــــل).. والموال
....................... لين اولي ... وااخر الحاني


من : مـال .. ياماااال .! اوووو يامال
................. لـلـّدان ....لاداااااان.. لادانـي


من كل مابالحكي .. ينقال ..
................... من قاصي الصمت ..والـداني


من فـلـسـفـة حكمة الاقوال ..
..................... من حرفنة ..(ريشة الواني) .


من الهيل .. والويل.. والاهوال ..
........................ لـمطارد خيـــــــول جداني


و(ياعمي ياعمي الجمال )..
........................ عسعسبك الحلم باجفاني


وانا وعزة جلال الوال ..
.................... ماهزهز الشوق جنحاني ..!!!


الا .. بعد ياوسييييييع البال ....
.............. ماشفت ..لي حلم !! بكـاني


حـلـم .. على قارعة فنجال ...!
.................... شربته بصـحة اشـجـاني ..


لكن حظي مهو رجال ...
................... ملعون( ابو جد) قوماني


من كثر ماهو علي احتال ..
.................... حتى من الحلم صحاني


اشوفني.. طفل كبر (انجال)
..................... وابهام الاياااااام .. باسناني


واشوفه يقول كيف الحال ...
................. وراسي على صدره الحاني


ميلت كتفه علي ومال ...
................... راسي على كتفي ..الثاني


واقوله والله ان الحال ...
.................... ماسرني ... كثر عدواني.!


تعال اعلمك ..( كيف الحال ) ؟
................ ... تعال اوريييييييك.. حرماني


البارحه والليال طوال ..
............ واحزاني . احزاني .. احزاني


انا ..وانا مع بعضنا لحال ...
................. كاني( اثـنـيـن ).. وحداني .!!!


حبيت حتى نسيت اش قال ؟!! ...
.................. ياخوفي النوم ...ينساني


ذكرتني ليه......؟ يـاجمال
................. ست الصبا ... (بنت نسياني)

!
!

(تعال اعلمك ..( كيف الحال ) ؟..
................ ... تعال اوريييييييك.. حرماني)

.
.

من كثرها ..! لامشت تختال ..
......................... ضاقت على اوزاني .. اوزاني


كانها .. مـاتـبـي تـنـقـال
................. ( ............................)


من نورها ماوراها ظلال ...
.................. منها .. لها . ظـل نـوراني


لو القمر .. مايصير هلال ..!..
............. لااقوووول هذا القمر .....! جاني



ولو .. ان لـلـشمـس (حبة خال) ..
............ لاموووووووت والشمس تصلاني

.
.
.
.

وبس ياعمي ..

بتصرف..