رسـائـل لـ لـ يـاسـمـيـنـة

[صالح العرجان]

عطني قفا الماضي .. خنقتَ بقيدك أنفاسـي
,, ,, ,, الطيف مرّ وما أرتكت .. في ظلّـه الفيّـه

[صالح العرجان]

يا سيّدي يا سِـيد سادات الأزمـــان
ياترجمان قـلبونا وأنت منهــــــــــا



أبسألك باللي .. رفع قدر الإنســان
ليه القـلوب المرجفه " تحتضنها "

[صالح العرجان]

تدفعني النفس والشيطان يدفعني
أبدي لها شي مدري ويش بالخاطر

ان كانها عقب هذا الولف تمنعني
ياكبرها من مصيبه غلطة الشاطر

قولي لها عن طريقك بالغلط يعني
اني مجازف مع المجمول ومخاطر

[صالح العرجان]

"أرجي السنين المقبله تنصف الحال
عقب السنين اللي مضت لي حزينه"

"مشيت كل دروب الأيام رحال
طال الشقى والحزن طالت سنينه"

"من شافني ضايق نشد كيف الأحوال
أجامله .. بالرد .. وأقول ،،،،،،زيـنــه"

[صالح العرجان]

\

المشكله : رغم محبتك وغلاك
واني رغم كل شيّ مشتاق وابيك

ما هوب من حقي يضايقنـي جفـاك
ولا اعشقك ولا المحك ولا احتريـك ..!!

لكن ما يخفانـي ولا اظـن يخفـاك
حقي عليك .. انّك تطمنّي عليـك!!

\

[صالح العرجان]

ماكل من يضحك بدنياه مسرور
لو ضحكته دايم تحرك حجاجه


وماكل من يبكي من الناس مقهور
بعض الدموع رخاص من شان حاجه


وماكل صادق لو حكالك من شعور
ياكثر من زيف المشاعر خراجه

[صالح العرجان]

مصير الحي يتلاقى عبارة تعمـي العشـاق
بها العاشق يصدق لاغدى وسط الوهم غارق


عبارة كذب أما الصدق أصلاً هالحياة افراق
إذا ً أفضل كذا تكتب مصير الحـي يتفـارق

[صالح العرجان]

"في عيوني ورد .. والخفاّق كـادي
في شمالي عز .. واليمنى كريمـه"

"داخلي فارس سبب كـل اعتـدادي
ضلع أعوج لكن امشـي مستقيمة"

"فيني رحمه قاسيه صبـر وجـلادي
فيني دمعه حانيه في وســط غيمـه"

"الغضب واحساس مرهف غير هادي
هــي عيـــوبي المستجـدهـ والقـــديمـه"