رسـائـل لـ لـ يـاسـمـيـنـة

[صالح العرجان]

.,.,.,.,.,.,.,.,.
من عادتي لا عكّر الوقت جوّي
...............أخفي دموعي عن نظر كل غالي

ما ابدي تناهيدي ولو شبّ ضوّي
................وأدفن همومي بين فكري وبالي

وش عاد لو بركان حزني يدوّي
...............وإلاّ يهد بداخلي كل عـــــــالي

الله بلاني ب(العقل)و ش أسوّي؟
..............دربي يميل ولا يميل اعتدالي

حيّرت في ممشاي حيلة عدوّي
.............لين اقتنع في طيبتي وانثنا لي

هذا وانا في سكّة الحب توّي
.............بأوّل خطاوى رحلتي وارتحالي

من عافته عيني ..هفا من علوّي
............ومن حبّته نفسي ..سكن بالعلالي

[صالح العرجان]

تدري انك كل ما ابطيت داهمني سؤال :


كيف صار البعد واقع ! مع انه مستحيل !

[صالح العرجان]

بشروني عنك بين الحقيقة والخيال !

ورجعت روحي لــ روحي مثل عابر سبيل


وانت يا اجمل حلم كان يتهادى في دلال

" كلني لك " شوق يا حلمي العذب الجميل

[صالح العرجان]

يا أنا ..

وش الجديد ؟

لا بقيت الليله لحالك ..

ولا حولك احد

.. يفهم اللي ما عرفت تقوله ..

وياصل اللي ما قدرت تطوله !!

ما انت كنت البارح لحالك وفي نفس الشعور !

وبكره

.. ان ربي عطانا عقل واحساس وعمر !

بنفس هالموقف .. تمر !

صح معاك كثير ..

وحولك اكثر منهم بكثير ..

ومن يبي يوصلك اكثر من ( كثير ) كثير !

بس صدقني رغم ذلك :

بكره بتجلس هنا .. لحالك ..

منكسر خاطرْك واحساسك غريب ! وغربته منه وفيه ..

ضايقه فيك الوسيعه .. وما انت قادر تكتب احساسك قصيد ..

وتسائل ليه انا الليله وحيد ؟

وتفتح الدفتر .. وتسأل نفسك بنفسك :

اكتب اول

ولا ّ اكتب

آخر جروحي وبوحي ..

واتـّراجع !!

ليه اكتب ؟

دامها نفس الحكايه ..

.. ضيقتي / حزني / همومي

وحدتي ..

.. احساسي المتعب و لومي


كلها


روتين يومي !


يا أنا


من البدايه ..


قلت لك .. وش الجديد ؟

[صالح العرجان]

على دربــ

" الأمل "

أرسم خطاوي ضحكتي للحين !

وأنا أدري

" لا أمل باقي " ..

ولا لي خلق للضحكهـ ..!

[صالح العرجان]

في كتاب تاه في غربة كتـاب

الف ليل بليل هــارون الرشيـد



مغترب عامين والثالث ذهـاب

لواحد وعشرين واثنين ويزيــد



اغتربت وجيت من عقب الغياب

واكتشفت اني بهـــا العالم وحيد

[صالح العرجان]

ياحروف الشعر قولي قصتي واحكيني
دام نزف الشوق غصب ٍ بالورق بكـّيته

اختلف نبضي بدمي والسبايب عيني
إن سكت خفت اتكلّم وإن حكى لبيـّته

انتثر فنجال شوقي من كفوف ايديني
وجيت اصافحه بيميني بالغلط ضمـّيته !!

[صالح العرجان]

الله ينعــم عليــك
............................


أنا بأحمل صديد الجرح في بــــاقي وقتي المسموح
وإذا وافتني القدرة ترى هالبيت تذكـــــــــــــــــاري

رثاني دمعي الطــــــاهر في صمته مارضي بالنوح
رثتني قسوة الدنيا ورثتني حــــــــــــــتى أشعاري

وجزت اللي ذبح قلبي وعشتـــــــــه بالخفا مجروح
لجل ما ضعف بعين اللي نشدني كيفهـا أخــبــــاري