هــذا المـسـا.. للــ........!!

[جمال الشقصي]

\
وأما قبل..
\


إذا خان الشجر والطين.. لا تشره على المحبوب=زرعت ولا جنيت فـْ هالزمن لي صاحبٍ وافي!!

/


للبدر

[جمال الشقصي]

وأما اللي يجي بعدين..

سؤالي عن جهات الرمل..

جهاتي والسؤال سنين!

واقايضني برفات أحلامي الأولى على حلقي

واجر الأجر: لا تثمين
لا قرشين
لا ضلعين

ألا يا عمري الباقي.. بقى لي كم؟!

أنا ودي تجي لحظه..

وتغسل جملة أحباب الزِقـَوْا باقصى كياني.. إثم..!!

/

[جمال الشقصي]

\

ظِلي سما للحزن.. للفقر.. للجوع=حلوا.. ارحبو.. وخيام همي فناجين
يمكن بموت عروقي تهفهف شموع=ويمكن شموعي موت كل الشرايين!
خلطة سلام بروح عرجا لموجوع=مشوارها عكاز يسحب عرى الطين!!

/

[جمال الشقصي]

\

نوارسنا تموت.. وللمرافي ريشها تأبين=حبيبي لا غرق مركب.. ولا طوق النجاه رمال
مدانا.. شبر لاوهام الغرام الظالم/ المسكين=على رجوى الكلام الدافي اللي ما وفى للحال
نروح اثنين ما شافوا خفا الرحله بروح اثنين=ونحيا واحدٍ كل امنياته رجفتين.. وفال
حبيبي.. والمظاريف الكثيره حبرها تخمين=انا والا انت؟.. والا العطر في كذبة قصيد.. وشال؟!!

/

[جمال الشقصي]

\

للشمس.. للهدهد المنهوب=لاحلام ورديه.. وصفرا
لغواية الحسن يا يعقوب=بارمي للاعتاب كم عذرا
ضج المدى بوجهي المسحوب=بالناي.. بغناية المسرى
والعمر كم باقيٍ ويروب..=في وحل صمتي وانا أقرا!
قادر على زحمة المكتوب=أكتب ومن زاويه أخرى
لو تسمح شوي يا مغلوب=تظهر من الرايه الحمرا
مرت ثلاثينك اللاهوب=تهدي نسيمك لهالصحرا
قم واكسر مْرايْة المصلوب=ما انت أول وآخر الأسرى
صدر الثرى بالغبا محلوب=قم واحلب الشمس لا تدرى!
وإن كان صوت الضيا منهوب=فل العتم شرفةٍ تقرا...!!

/

[جمال الشقصي]

\

تكسرت في تالي العمر صوره=كانت لبيت.. وخمسة أزهار.. وحجول!
وبقى لي البرواز.. وغياب نوره=ودفتر كلام آظن به شعر معقول
كل عام وآنا بشوق ما افهم شعوره=من هو يبي الإحساس من قلب مقتول؟!

/

[جمال الشقصي]

\
شراييني بلد حزن وشعوب هموم=شجر ينبت ولا يثمر رطب واعناب
تعبت أكسر بقفل الغربه المشئوم=واسافر للسما واثري بوجه الباب!
جهات العمر لو تنصف قراري يوم=عطتني مولدي مره.. بدون أقراب!!

/

[جمال الشقصي]

\

تحت الكفوف المعطيه ضحكة رماح=خبّوا رمق نبض الخناجر بها مزوح
كم قلت كل الناس محشومة ارواح=وكم أغلب اللي عشتهم ما بهم روح!

/