هــذا المـسـا.. للــ........!!

[جمال الشقصي]

\
وأما قبل..
\


إذا خان الشجر والطين.. لا تشره على المحبوب=زرعت ولا جنيت فـْ هالزمن لي صاحبٍ وافي!!

/


للبدر

[جمال الشقصي]

وأما اللي يجي بعدين..

سؤالي عن جهات الرمل..

جهاتي والسؤال سنين!

واقايضني برفات أحلامي الأولى على حلقي

واجر الأجر: لا تثمين
لا قرشين
لا ضلعين

ألا يا عمري الباقي.. بقى لي كم؟!

أنا ودي تجي لحظه..

وتغسل جملة أحباب الزِقـَوْا باقصى كياني.. إثم..!!

/

[جمال الشقصي]

\

ظِلي سما للحزن.. للفقر.. للجوع=حلوا.. ارحبو.. وخيام همي فناجين
يمكن بموت عروقي تهفهف شموع=ويمكن شموعي موت كل الشرايين!
خلطة سلام بروح عرجا لموجوع=مشوارها عكاز يسحب عرى الطين!!

/

[جمال الشقصي]

\

نوارسنا تموت.. وللمرافي ريشها تأبين=حبيبي لا غرق مركب.. ولا طوق النجاه رمال
مدانا.. شبر لاوهام الغرام الظالم/ المسكين=على رجوى الكلام الدافي اللي ما وفى للحال
نروح اثنين ما شافوا خفا الرحله بروح اثنين=ونحيا واحدٍ كل امنياته رجفتين.. وفال
حبيبي.. والمظاريف الكثيره حبرها تخمين=انا والا انت؟.. والا العطر في كذبة قصيد.. وشال؟!!

/

[جمال الشقصي]

\

للشمس.. للهدهد المنهوب=لاحلام ورديه.. وصفرا
لغواية الحسن يا يعقوب=بارمي للاعتاب كم عذرا
ضج المدى بوجهي المسحوب=بالناي.. بغناية المسرى
والعمر كم باقيٍ ويروب..=في وحل صمتي وانا أقرا!
قادر على زحمة المكتوب=أكتب ومن زاويه أخرى
لو تسمح شوي يا مغلوب=تظهر من الرايه الحمرا
مرت ثلاثينك اللاهوب=تهدي نسيمك لهالصحرا
قم واكسر مْرايْة المصلوب=ما انت أول وآخر الأسرى
صدر الثرى بالغبا محلوب=قم واحلب الشمس لا تدرى!
وإن كان صوت الضيا منهوب=فل العتم شرفةٍ تقرا...!!

/

[جمال الشقصي]

\

تكسرت في تالي العمر صوره=كانت لبيت.. وخمسة أزهار.. وحجول!
وبقى لي البرواز.. وغياب نوره=ودفتر كلام آظن به شعر معقول
كل عام وآنا بشوق ما افهم شعوره=من هو يبي الإحساس من قلب مقتول؟!

/

[جمال الشقصي]

\
شراييني بلد حزن وشعوب هموم=شجر ينبت ولا يثمر رطب واعناب
تعبت أكسر بقفل الغربه المشئوم=واسافر للسما واثري بوجه الباب!
جهات العمر لو تنصف قراري يوم=عطتني مولدي مره.. بدون أقراب!!

/

[جمال الشقصي]

\

تحت الكفوف المعطيه ضحكة رماح=خبّوا رمق نبض الخناجر بها مزوح
كم قلت كل الناس محشومة ارواح=وكم أغلب اللي عشتهم ما بهم روح!

/

[جمال الشقصي]

:

فقدنا الما.. وقلنا عل بآخرْة الشوارع يم=فقدنا الخير.. لكن العمر باحزاننا ماشي
ثلاث عقود والبيت امنيات اربع جياع وأم=وانا اول واحدٍ من أربعتهم تثمر أحراشي!
إذا ما انهدت الجدران والحلم النحيف اندَمّ=باعلم من هدم بيتي يْتذكّر ياخذ فراشي
وصلنا الما.. وخذنا الناشف بْقاع الثرى يا عمّ=تعيش انته.. وانا جداً عزيز بصمتي الفاشي!!

:

[جمال الشقصي]

\

أثر المَهاجِر يا يبه ما بها خوف=الخوف لا اضحت تربة المهد.. مهجر
شفني حزمت بشنطتي طين وحروف=وشكلت من حرف المواجيع متجر
أبيع حزن اللي ربوا فيني طيوف=واعمّر بدمع الندم صمت محجر!!

/

[جمال الشقصي]

\


ثلاث شهور..
والشقه حطب يغلي بدون جدور!
كتبنا للجماعه.. إنتوا الأجمل
وخطاكم لو هو المنجل..
نحسه طيبٍ مأجور
ثلاث شهووور..
ولا سَد (المعاش) مْن الرغيف كسور!
:
في هالشقه..
أنا ووجهي وجوع الذات
توحدنا بلا وجهات
وقلنا نسافر بّبحة سكوتٍ مرّ للاصوات
في هالشقه
صديقي اللي ملاني حضور..
مع انه من ثلاث شهور أبد ما فات!
:

والله يَا (احمد) هالأماكن مَا هي ليّ=رغم اني والله مفتديها بعمري
لي وحشةٍ تنما على وقع رجليّ=تقودني بلا وين من صغر.. صغري

:

سولف لي أكثر.. عن رجال المواقف=واذا خلصت.. اِحْكي عن سيوف وانصال
وباقول لك لو قولي هذر وملاقف:=هذا الزمان رجاله فحول الاقوال!

:

ثلاث شهور يا (أحمد) وانا الشقه وانا البوّاب!=أضجّ بصمت موحش يحتضر في زاوية موته
فوانيس المسا يا صاحبي ما تشعل الأصحاب=لذا ما عاد لي غيري يشب سكوته فـ صوته!
معاشي.. هالرغيف اليابس بتهيدة الأهداب=موظف.. لكن فلوسه تجي صدفه ولا تفوته!!



/