دفتر قديم

[فهد المالكي]

قصيده دفتر قديم


اتمنى ان تنال رضاكم



دفتر قديم ابلته كثر الكتابات=شوارد الشعر المركب بالاحزان
لا من فتحته صوت الاوراق زفرات=ولامن قريته هلت دموع الاشجان
حياة شاعر عاش هم المتاهات=وعزف على قيثارة الهم الالحان
كتبت شوق الحي والبيت بأبيات=وابكت طيوراً عايشه رووس الاغصان
حتى الدروب اللي مداها مسافات=راحت وخلتني على كان ماكان
خالي يدين ونبرة الكون للذات=تقتل بقايا من امل عشته ازمان
راحت سنين وجمرة البعد تقتات=على يباس الشوق في قلب عطشان
ماغير امني نفس تعتاش بفتات=من ذكريات وبيت خالي وفقران
ياربما 00 ياليت 00 والامر لحظات= لا عشتها حسره وش الفود يافلان
حتى قصايد نبضها شوق وآهات=تحطني للهم والحزن عنوان
اشوف نفسي عكس كل المسارات=من يوم صار العمر واوجاعي اخوان
هاذي حكاية شاعراً عاش بسكات=ماعاد تغريه اختلافات الالوان
وباقي مع ابيات القصايد حكايات=يصوغها راوي على القرب ولهان

[نواف التركي]

فهد المالكي

حكاية شاعر , نص ممتع , وحزن مغري .

صح قلبك

[محمد السالم]

فهد صباحك شعر


وعبق الدفتر القديم


سعيد بكوني هنا يا فهد

[فهد المالكي]

يعطيكم العافيه


شكرا لكم وشكرا لذائقتكم


ردودكم زادتني توهجا 00 واضافت لقصيدتي نكهة التميز

[نـــجد]

عزف على قيثارة يداعب أوراق الشعر بدفتر قديم
فهد المالكي
جميل هذا العزف ومتفرد

[ناصر بن حسين]

الـ مالكي ،


وحرف صاخب
يملأه الجمال والعذوبه


صح لسانك





نَ

[هنادي المطيري]

http://img71.imageshack.us/img71/3885/roseiloveu11va8.gif

فهد المالكي



بــ اناقه سُقت الجمال لــ قلوبنا
وتمرّغَتْ به كل الاحاسيس !
دمت بــ عطرك ،

[فهد المالكي]

سلمتم ودمتم جميعاً

ان كان للقصيده عنوان فأنتم عنوانها


وان رأيتموها متميزة


فأناملكم هي من يزيد في تميزها


أعتز بمروركم جميعاً


وشكرا لكم