(........................ ) يتصل بك ...!!

[علي المحمد]

( 1 )




فهد يتصل بك :




فهد : صباح الخير


علي : هلا فهد


فهد : للحين زعلان يالدب


علي : يالحبيب تأكد من الرقم انت داق تبي واحد زعلان انا مازعلت


فهد : من جدك انت مازعلت


علي : ماعمري زعلت من أحد اخلص وش تبي يالقزم بكمل نومي


فهد : مخلي الطول لك يا مايكل جوردن


علي : ههههههههههههههههههههههههههه

والله يافهد فيني نوم مانمت زين البارح ومالي خلق أمرمط بشعورك يارهيف الإحساس


فهد : طيب بخليك تنام متى تصحى ؟؟


علي : بالعاده اصحى قبل العصافير عشان اروح للدوام اليوم ماراح أصحى الا إذا نامو العصافير http://www.ab33ad.com/vb/images/icons/icon10.gif

فهد : طيب افرض انه فيه عصافير بتسهر الليله وماراح ينامون يعني ماراح تصحى http://www.ab33ad.com/vb/images/icons/icon6.gif


علي : فهد ياحبيب قلبي اول ما أصحى بدق عليك وأي عصفور بلقاه صاحي بنتف ريشه بس يرحم والديك خلني انام http://www.ab33ad.com/vb/images/icons/icon9.gif


فهد : نوم العوافي اول ماتصحى كلمني


علي : ان شاء الله فهد http://www.ab33ad.com/vb/images/icons/icon7.gif








( 2 )






ميرندا فراوله يتصل بك :




ميرندا فراوله : الووووووووو ... وحشتني ياأحلى أخو بالدنيا


علي : لحووووووووول الله يعين بس .. نعم وش تبين يالمرجوجه انا نايم وبعدين كل يوم والثاني

تقولين احلى اخو بالدنيا ترى مالك الا اخو واحد يامقرودة الحظ

يعني لو أنا مت ماراح تصيرين عمه http://www.ab33ad.com/vb/images/icons/icon10.gif



ميرندا فراوله : وجع بسم الله عليك الله يخليك لنا

وبعدين من زينك يالشبيره ( تصغير شبر http://www.ab33ad.com/vb/images/icons/icon8.gif ) تتغلى علينا

أمي منهبله تبي تشوفك وينك من زمان ماجيت ياحرامي الشباصات بس تسرق شباصاتي http://www.ab33ad.com/vb/images/icons/icon9.gif


علي : تعرفين عزوبي واحتاج شباصاتك بنشر الغسيل وبعدين انتي ووجهك اذا انا اسرق شباصاتك انتي ماخليتي شي براتبي من كثر طلباتك ( أروح لك فدوه انا وراتبي )


ميرندا فراوله : طيب متى بتجي ؟؟


علي : قريب ان شاء الله .. ليه محتاجه شي طال عمرك تبين اسدد فاتورتك والا تبين فلوس
قولي وش تبين ؟؟


ميرندا فراوله : الحين من قال اني داقه عشان هالشي أصلاً انا لقيت وظيفه وراتبها حلو


علي : اقول الله يخلف على اللي بتتوظفين عندهم ... مساكين طاحو فيك يالكابوي http://www.ab33ad.com/vb/images/icons/icon10.gif


ميرندا فراوله : احترم نفسك انا مو كابوي http://www.ab33ad.com/vb/images/icons/icon8.gif


علي : نسينا الحفله التنكريه اللي سويتوها انتم وبنات عمي ترى امي علمتني بكل شي http://www.ab33ad.com/vb/images/icons/icon10.gif

انتي كابوي وفلانه رجل مطافي و ,,, و ,,, و الباقي ماتغير


ميرندا فراوله : ايواااااااا انت كل همك فلانه

مالت على حظها ان كانها بتآخذك مارحمت الا عيالكم والله من زين الأم والأبو


علي : يؤ يؤ هههههههههههههههههههههههههههه طيب هي وش ذنبها

انا معاك يوم تقولين والله من زين الأبو http://www.ab33ad.com/vb/images/icons/icon10.gif بس هي بصراحه تنفع ام http://www.ab33ad.com/vb/images/icons/icon10.gif


ميرندا فراوله : الله يخليها لأهلها هي حبوبه وحسافه عليك يالماصل http://www.ab33ad.com/vb/images/icons/icon10.gif


علي : هذي نتيجة الدلع قاعده تهزئين بأخوك الكبير والوحيد لكن يالله وش بيدي الا اتحمل .


ميرندا فراوله : يوووووووه والله امزح معاك يالدب بس بجد نبي نشوفك مره وحشتنا


علي : ان شاء الله يالغاليه سلمي لي على امي وابوي وخواتي


ميرندا فراوله : Ok يالله اخليك تنام .. احلام سعيده


علي : الله يسعد قلبك


ميرندا فراوله : لحظه لحظه ياشبيرتي


علي : هلا


ميرندا فراوله : وش الشي اللي يمشي فوق الجدار ويقول مياااااااااو ولونه أسود


علي : بسه سوداء


ميرندا فراوله : لا .....


علي : أجل ايش ؟؟


ميرندا فراوله : غراب يستهبل .. هع هع هع نيههههههاااااااااااااي


علي : هههههههههههههههههههههههههههههههههههههههههههههههههه ه

يالله وريني عرض أكاتفك يامجنونه


ميرندا فراوله : باي


علي : باي

[علي المحمد]

(3)



بدر يتصل بك .......


بدر : هااااااااااي

علي : لحووووووووول وش تبي يالمتحرر http://www.ab33ad.com/vb/images/icons/icon10.gif

بدر : ياخي مشتاق لك ومالقيت أحد أفقع مرارته إلا أنت

علي : والله عليك صووووووت يقطع الرزق يابدر

ياخي شف لك حل اشرب يونسون والا بنزين والا موية نار

أهم شي شف لك أي طريقه قسم بالله صوتك كأنه صوت بانشي


بدر : هههههههههههههههههه منت عاقل يالنتفه صاير لسانك طويل وقاعد تذب


علي : يقولون انك آخر مره تقابلت فيها مع شباب الاستراحه صجيتهم بموضوع تحرير المرأه

واللي أعرفه إنِك أنت ماعمرك تعديت الطايف وعرعر اللي يسمعك يقول عايش لك سنين بلندن

أتذكرك قبل عشر سنوات كنت متابع قوي لبرنامج مضارب الباديه

الحين جاي تتكلم عن تحرير المرأه يالمتفتح http://www.ab33ad.com/vb/images/icons/icon10.gif


بدر : ههههههههههههههههههههههههه هذاك أول ياحبيبي

ياخي ملينا منكم ومن أفكاركم يالمتخلفين

حنا في عصر العولمه وبصراحه لازم نفك القيود اللي على المرأه

علي : لحظه بدق على ناصر بقسم شرطة الروضه بخليه يجيب معاه مفاتيح الكلبشات

نفك قيود هالمسكينات http://www.ab33ad.com/vb/images/icons/icon10.gif

اللي يسمعك يقول إن المراة قبل الاسلام كانت تمشي بالبكيني بين القبايل

وجا الاسلام وحرمها من هالحريه اللي كانت فيها ياخي حريمنا بخير اي تخلف تتكلم عنه

بدر : نبيهم يسوقون ويكون التعليم مختلط

علي : لحوووووووووووول http://www.ab33ad.com/vb/images/icons/icon10.gif والله انت فيوزات مخك ضاااااربه

وش أخبار شبك الغنم حق أخوك اللي على طريق الثمامه ماودك نروح هناك ونضبط لنا مندي http://www.ab33ad.com/vb/images/icons/icon10.gif

موب أصرف من سواليفك السامجه والله ماعندك سالفه وأنا عارف ان كل الأفكار اللي براسك

سببها ارتفاع الأسعار وبالذات الرز وأدري إنك ماتحب الأندومي

ترى الأندومي كويس يابدر ورخيص وتقدر تاكل منه أنت وشغالتكم من صحن واحد http://www.ab33ad.com/vb/images/icons/icon10.gif

من قدك ياعم انت والشغاله بالمطبخ اختلاط وفله وعيش وملح واندومي بس انتبه لاتصيدك أمك

والله ان تنتف الباقي من صلعتك يالأقرع خل بنات الناس بحالهم الله يسترهم بستره

بدر : ياخي أنت باااااااااااارد وعربجي وبنفس الوقت رومنسي أكيد انت راعي بنات ؟؟

علي : ههههههههههههههههههههههههههههه لحوووووووووووول مااعرف بنات

بس أعرف بنات منتدى أبعاد

أرد على مواضيعهم واذا جا يوم العيد ارسلت لهم رسايل خاصه اعايدهم

بدر : انت للحين تكتب بالمنتديات يالشبيره http://www.ab33ad.com/vb/images/icons/icon10.gif !!

علي : شبيره هههههههههههههههههههههههه من اللي علمك http://www.ab33ad.com/vb/images/icons/icon10.gif

بدر : علمني ولد خالتك http://www.ab33ad.com/vb/images/icons/icon10.gif

علي : أي واحد فيهم http://www.ab33ad.com/vb/images/icons/icon10.gif

بدر : تركي

علي : هههههههههههههههههههههههههههههه الله يفضحه

تصدق تركي هذا يذكرني بفوزيه الدريع

خخخخخخخخخخخخخخخخخخخخخخخخ راعي قرق وسواليفه كثيره

بدر :هههههههههههههههههه الله يرج ابليسك والله ان أمك مسكينه مالها غيرك

وش جاب طاري فوزيه الدريع على لسانك

علي : ههههههههههههههههههههههههههههههه ليه ماتروح تدق على 905 وتسولف معهم

ترى فاضين وماعندهم شي http://www.ab33ad.com/vb/images/icons/icon10.gif هذا إذا ردو عليك

هالوقت تلقاهم يبلعون من التميس والفول محد حولك يعني دق بعد نصف ساعه لا تفشل نفسك

أنا بالدوام وقدامي معاملات لازم أخلصها

بدر : هههههههههههههههههههههههههههههه أوكي يالنتفه بكلمك بعدين

فمان الله http://www.ab33ad.com/vb/images/icons/icon7.gif

علي : فمان الله http://www.ab33ad.com/vb/images/icons/icon10.gif

[علي المحمد]

(4)





( أم فيصل ) يتصل بك ....



أم فيصل : صباح الخير ياقلبي


علي : صباح النور هلا بالغاليه بنت الغالين وش أخبارك ياخالتي


أم فيصل : والله ضايق صدري ياعلي دقيت على أمك وماردت شكلها نايمه


علي : أفا ليه ياخالتي وش صاير عسى ماشر


أم فيصل : أبد طفش وأنتظر العيال يخلصون من الإختبارات عشان نسافر


علي : هههههههههههههههههههههههههههههههه أشوى حسبتك تطلقتي http://www.ab33ad.com/vb/images/icons/icon10.gif


أم فيصل : بسم الله علي فال الله ولا فالك الله يامجرررم الله يخلي لي ابو عيالي
أنا ضايق صدري لأني مليت من الروتين اليومي وابي اسوي اي شي يغير من هالروتين


علي : طيب شوفي عندي لك فكره حلوووووه وراح تحسين بأنواع الوناسه والفله


أم فيصل : يالله ياابو الأفكار قول اللي عندك


علي : بعد ماأقفل من عندك جيبي جوالك وسوي انشاء رساله جديده
إكتبي ( ياليل دانه لدان دانه ) وارسليها لعشر أشخاص
وراح تحسين بشكشكه خفيفه بإذن الله http://www.ab33ad.com/vb/images/icons/icon10.gif


أم فيصل : ههههههههههههههههههههههههههههههههههههههههههههههههه يمه منك الله يعين اللي بتاخذك انت مجنووووووون


علي : أصلاً من قال لك اني أفكر بالزواج الحين ؟؟


أم فيصل : انت مو صاحي والله بقول لأمك تزوجك يالشايب حرام عمرك الحين 29 سنه وماتزوجت


علي : قولي لأمي اذا انتي تبين تسوين فيني خير علي يبي يتزوج رجل المطافي ( راجع المتصل رقم 2 اذا إنت داخل تدربي راسك )


أم فيصل : وجع وش تتزوج رجل مطافي انت صاحي !! لا أكيد انت انهبلت


علي : ههههههههههههههههههههههههههههههههههههه أفا ياخالتي تشكين بأخلاقي
اتصلي على امي وقولي علي يبي يتزوج رجل المطافي اللي كان عندكم بالبيت يوم الحفله التنكريه


أم فيصل : هههههههههههههههههههههههههههههههههههههههههههههههه يالدب حاط عينك على مين !!


علي : عيني بوجهي ماحطيتها على احد نييييهههااااااااااااااااااااااااااااي


أم فيصل : هههههههههههههههههههههههههههههههههههههههههه انت وش ناوي عليه اليوم ناوي تذبحني بهبالك


علي : لا ياخالتي انتي تعرفين يوم جابتني امي راحو لمصر ونسوني عند الأهرامات ولقاني عادل امام بمهادي ومعاي رضاعتي وقاعد أضحك
أول ماشافني قال : ايه اللي قابك هنا ياشبيره ...
وعطاني بوستين وانتقل الهبال اللي براسه لراسي ... وشافني ابوي وجا وأخذني
لو تأخر أبوي دقيقتين كان تلقيني أبيع فول وكبده بشوارع القاهره http://www.ab33ad.com/vb/images/icons/icon10.gif


أم فيصل : هههههههههههههههههههههههههههههههههههههههههه ياحيوووووووووووووووووووان خلاص انقلع عني بطني اوجعني من الضحك


علي : شفتي وش لون تو مكلمتني وضايق صدرك والحين قاعده تضحكين ومبسوطه
يابعد عمري ماعاش والله من يضيق صدرك ان شاء الله ينجحون عيالك وبتسافرون وبقعد أنا هنا بلواهيب السعوديه وانواع التسدح تحت المكيفات
ومن قدك ياخالتي راح تتشمتين فيني انتي وعيالك لين ينشق صدرك من الوناسه http://www.ab33ad.com/vb/images/icons/icon10.gif


أم فيصل : هههههههههههههههههههههههههههههههههههههههههههه ياحبني لك ان شاء الله تروح معنا توسع صدورنا وتفتك شوي من دوامك


علي : الله يخليك لي ياخالتي والله ودي اروح بس ظروف العمل ماتسمح تروحون وترجعون بالسلامه


أم فيصل : الله يسلمك ياعلي
يالله ماأطول عليك انتبه لنفسك واذا جيت للرياض مرني عازمتك على العشاء وعندي لك هديه


علي : هديـــــه !!


أم فيصل : إيه هديه انت تعال بس


علي : هههههههههههههههههههههههههههههههه لاتكون مثل هدية عمتي جوجو ظرف مكتوب عليه ( تهادو تحابووو ) وفيه اشرطه دينيه وكتيبات
والله انها احلى هديه جتني بس مدري ليه أول ماأخذتها حسيت اني سربوت وداشر وعمتي تبي تنصحني http://www.ab33ad.com/vb/images/icons/icon10.gif


أم فيصل : ههههههههههههههههههههههههههههههه لا ياعلي عمتك تحبك وتبي لك الخير


علي : لاتجيبين طاري الخير لأنها ماااااااااصعه قلبي http://www.ab33ad.com/vb/images/icons/icon9.gif


أم فيصل : وش اللي ماصع قلبك !!


علي : بطاقة سامبا الإئتمانيه (ماستركارد الخير) علي مديونيه فيها 8000 ريال


أم فيصل : هههههههههههههههههههههههههههههههههههههههههههههههههه
خلك عشان تتأدب نسيت سالفتك اللي قلتها لي أنا وخالاتك ياقليل الأدب


علي : أي سالفه !! http://www.ab33ad.com/vb/images/icons/icon10.gif


أم فيصل : يوم كان ماعندك بحسابك الا 800 ريال وانت بالراشد بمحل أولدو قاعد تتميلح قدام البنت اللي بالمحل وسألت عن الجزمه وقال لك راعي المحل بــ 800 ريال
وشريتها بس عشان البنت كانت تطالع فيك مسوي كاش انت ووجهك وبالاخير تقول انك تفطر وتتغدى وتتعشى خبز وجبن لين نزل راتبك http://www.ab33ad.com/vb/images/icons/icon10.gif


علي : هههههههههههههههههههههههههههههههههههههههههههههههههه ه يووووووووووهـ للحين مانسيتي
والله كنت وقتها مراهق الحين تغيرت


أم فيصل : أجل ليش عليك مديونيه هالقد مررررره كثير ياعلي الله يهديك http://www.ab33ad.com/vb/images/icons/icon9.gif


علي : انتي تعرفين ان عندنا بالبيت آفــــة البرستيج والموضه والترزز اللي ماله سنع
كل خواتي طالعين عليك ماطلعو على أمي محد خربهم إلا انتي
الخميس اللي طاف دخلت البيت وانهبلت لقيت سبع فلبينيات
حسيت اني بمانيلا مو بالرياض
قلت لهم وش السالفه لايكون سفارة الفلبين نقلوها لبيتنا
قالو لا الليله زواج بنت آل فلان وهذولي جايين عشان الشعر والمكياج والبودي كير والموني كير
يالله يا لولي ياحلى اخو بالدنيا ( اللي يسمعهم يقول عندهم عشر اخوان واحد ويخب عليهم بعد )
ترى حسابهم 3500 ولاتنسى يالولي تروح تمر محل العبايات عشان عباياتنا الجديده ولاتنسى تجيب فستان خوخه من أسواق الموسى
مو مشكله أنا سويت هذا كله بس يوم جو يروحون للزواج وحده منهم ذبت علي ذبه قويه http://www.ab33ad.com/vb/images/icons/icon9.gif

أم فيصل : ههههههههههههههههههههههههههههههههههههههههههههه وش قالت !!


علي : http://www.ab33ad.com/vb/images/icons/icon8.gif تقول شبيره ودك تدخل معنا عند الحريم ترى عادي يدخلونك يالنونو
محد راح يشوفك عادي أخبيك بعبايتي


أم فيصل : هههههههههههههههههههههههههههههههههههههههههههه الله يخليك لهم وان شاء الله يجيك نقل للرياض وتكون عندهم بالبيت

علي : آمين


أم فيصل : يالله طولت عليك ولاتنسى تمرني http://www.ab33ad.com/vb/images/icons/icon7.gif


علي : ان شاء الله وانتي بعد لاتنسين ( ياليل دانه دان دانه ) http://www.ab33ad.com/vb/images/icons/icon10.gif


أم فيصل : ههههههههههههههههههههههههههههههههههههههههههه ماراح انسى فمان الله


علي : فمان الله http://www.ab33ad.com/vb/images/icons/icon7.gif

[علي المحمد]

(5)


(سعود ) يتصل بك ....


سعود : سلام ياواحشنا

علي : وعليكم السلام هلا بالغالي

سعود : وينك ليه ماعمرك جيتني بالمكتب

علي : أستحي من أبوك ياسعود والله أبوك حبوب ومره يحرجني

سعود : أبوي يغليك ياعلي دايم يسأل عنك

علي : الله يديمه لكم سلم لي عليه :)

سعود : كم الساعه الحين !!

علي : الساعه 9:30

سعود : طيب تعال عندي للبيت نشوف مباراة تركيا وألمانيا سوى

علي : والله مدري ياسعود بحاول أجي

سعود : الحين أموت وأعرف وش عندك !!

اليوم ربوع ( اجااااااازه ) أكيد ماعندك إلتزامات وبعدين ليه صوتك كذا من اللي مضايقك

علي : محد مضايقني وصوتي مافيه شي ... نجحو أخوانك ؟؟

سعود : دايم انت كذا ماتعلمني إذا تضايقت من شي وتصرفني ... ابشرك إخواني كلهم نجحو :)

علي : ماشاء الله ألف مبروك :)

سعود : الله يبارك فيك المهم لازم تجي ياعلي وإلا ترى بزعل منك لأن صوتك مو عاجبني

علي : ابشر طال عمرك

سعود : عمرك طويل

علي : ممكن سؤال ياسعود

سعود : ايه اكيد تفضل إسأل عن اللي تبي

علي : سعود اذا انت حسيت انه بداخلك شي يضايقك وش بتسوي

سعود : علي انت مره متضايق تعال للبيت لازم تجي وتقول اللي بخاطرك أحسن من مكالمه بالجوال

علي : ان شاء الله ... عطني نصف ساعه وبكون عندك

سعود : توصل بالسلامه

علي : لحظه سعود ...

سعود : سم

علي : سم الله عداك ... عندكم بالبيت كهرباء !!

سعود : يـــؤ أكيد عندنا

علي : ايه حسبت مافيه قلت أمر سوق الخضار واجيب معاي اثنين كهرباء :)

سعود : ههههههههههههههههههههههههههههههههههههههههههههههه ياحبني لك يالله تعال لا تتأخر

علي : ان شاء الله .. فمان الله

سعود : فمان الله

[علي المحمد]

( 6 )


( القلب الحنون ) يتصل بك ....


القلب الحنون : ألو .. السلام عليكم وشلونك ياوليدي

علي : وعليكم السلام ياجدتي وحشتيني يالغاليه أنا الحمد لله بخير

القلب الحنون : أنا زعلانه عليك

علي : أفا ليه بس والله ياجده إلا زعلك

القلب الحنون : ليه ماعلمتني انك بتسافر

علي : والله علمت امي عشان تقول لك اني بسافر ليه هي ماقالت لك

القلب الحنون : قالت لي وخفت عليك اخاف تروح هناك ويصير فيك شي وانت توك صغير

علي : هههههههههههههههههههههه لاياجده أنا رجال كبير وان شاء الله ماراح يصير شي

جدتي انا بروح هناك ومعاي زملاءي وإلا كان آخذك معاي

القلب الحنون : لايوليدي يازين الأرض أنا ماأحب الطيارات ومافيني حيل للسفر تعب علي

علي : ولايهمك اذا رجعت من السفر بآخذك انتي وأمي ونروح ناخذ عمره

القلب الحنون : الله يقويك ويبارك بعمرك ويصلح قلبك

انتبه لنفسك ولاتترك الصلاة وخذ هذي خالتك بتسلم عليك

علي : الله يخليك لي ولايحرمني منك ياحلوه ولامن دعواتك

خالتي : هلا ياعلاوي

علي : هلا بك ياخالتوووو وش أخبارك وكيف الدنيا معاك

خالتي : الحمد لله انا بخير ... تدري اذا شفتك بذبحك ياعلي

علي : ههههههههههههههههه ليه تو العيد لايكون سامعتني اقول مبااااااااع

خالتي : لاياشيخ تستخف دمك علي

علي : والله ماسويت شي ليه تبين تذبحيني

خالتي : لأنك ماتمرني وتسلم

علي : وش اسوي أنا ......... كل يوم وانتي مسافره مع ابن بطوطه زوجك

خالتي : ههههههههههههههههههههه بطو عينك ياقليل الأدب

علي : http://www.ab33ad.com/vb/images/icons/icon10.gif استغفر الله بسم الله على عيني وكل شي فيني

خالتي : وش عندك بتروح لأمريكا

علي : أبد عندي مقابله مع أوبرا مستضيفتني بالبرنامج حقها وراح تتتزوجني بعد البرنامج

خالتي :ههههههههههههههه وععععععععععععععععععععععع مالقيت إلا هالشينه السوداء

علي : اللي يسمعك يقول اني (براد بيت) على غفله مافيه أشين من أوبرا إلا ولد أختك

خالتي : هههههههههههههههههههههههههههههههههههههههههه

يمه منك ياشيطووووووووووون ... الله يكفيك شر نفسك وشر الناس

علي : على طاري شيطون وش أخبار سمو الشطانه وملك العفاريت ولدك

خالتي : يوووووووه ياعلي جنني انا وأبوه يبي همر

علي : ايه عيال النعمه انا لو ابي من اهلي تمر ماعطوني http://www.ab33ad.com/vb/images/icons/icon10.gif

خالتي : وانت ماتبي همر ؟؟

علي : ههههههههههههههههههههههههههههههههههههههههههه

لا مابي

خالتي : ليه عادي اشتري لك همر مع ولدي

علي : الله يكثر خيرك وخير زوجك وعيالك انا ماابي الا انك تكوني راضيه علي

خالتي : الله يخليك لي ... قبل تسافر مرني بعطيك حاجه

علي : بتعطيني حاجه والا بتذبحيني http://www.ab33ad.com/vb/images/icons/icon10.gif

خالتي : لابذبحك http://www.ab33ad.com/vb/images/icons/icon10.gif

علي : لا ماراح أجي http://www.ab33ad.com/vb/images/icons/icon10.gif

خالتي : إلا بتجي وإلا برسل عبد الباري يجيبك http://www.ab33ad.com/vb/images/icons/icon10.gif

علي : مين قصدك اندر تيكر السوداني

لا خلاص بجي وخلي عبدالباري يحرس بيتكم http://www.ab33ad.com/vb/images/icons/icon10.gif ويرد على السنترال

خالتي : يعني بتجي http://www.ab33ad.com/vb/images/icons/icon10.gif

علي : مدام فيه بودي قاردات أكيد بجي

خالتي : سددت بطاقتك الإئتمانيه

علي : مين مئصووووووووف الرئبه اللي علمك ؟؟ http://www.ab33ad.com/vb/images/icons/icon10.gif

خالتي : ماعليك من اللي معلمني انت تعال ويصير خير اذا جيت كل شي بيصير تمام

علي : http://www.ab33ad.com/vb/images/icons/icon11.gif أجي بلحالي

خالتي : تعال لحالك لاتخاف ماراح أذبحك

علي : http://www.ab33ad.com/vb/images/icons/icon10.gif اوكي يالله أشوفك بعد ساعه مع السلامه

خالتي : الله يحفظك مع السلامه

[علي المحمد]

(7)


( تركي ) يتصل بك ...


تركي : هلا بالامريكي

علي : هلا بالراحجي http://www.ab33ad.com/vb/images/icons/icon10.gif

تركي : هههههههههههههههههههههه يالنتفه ورب البيت اشتقت لك

علي : لحووووووووووووووول ياخي انا مو مشتاق لك ليه تدق http://www.ab33ad.com/vb/images/icons/icon10.gif

تركي : الحمد لله على سلامتك متى جيت !!

علي : جيت يوم الأحد اللي طاف

تركي : أخبار الوالد والوالده وخواتك !!!

علي : انت ياتركي يمكن تعرف اخبارهم اكثر مني ... الحمد لله كلهم بخير ويسلمون عليك

تركي : كيف امريكا حلوه !!!

علي : http://www.ab33ad.com/vb/images/icons/icon10.gif لا مو حلوه

تركي : ههههههههههههههههههههههههههههههه طيب ياعلي راح امشيها لك

بذمتك ماوحشتك ؟؟

علي : الا والله ياتركي كلكم وحشتوني وفاقدكم ... واكثر واحد اشتقت له ناصر

تركي : ناصر ناصر ماغيره اللي أطول منك بشوي

علي : http://www.ab33ad.com/vb/images/icons/icon10.gif ايه ناصر ناصر ماغيره هذاك اللي اذا جا يسلم عليك يحط مركى ويرقى عليها

تركي : ههههههههههههههههههههههههههه الله يرج ابليسك وش جابه على بالك


علي : ناصر مره قلبه طيب وخفيف دم ... إلا ماقلت لي يــ تركي أخبار الدباب معاك ؟؟؟

تركي : مثل منت خابر أطلع من الدوام ونتواعد انا والشباب اذا الجو حلو ونقلبها هجوله بشوارع الرياض
وبعدين تراني مانسيت ان اليوم عيد ميلادك 8 / 8 هابي بيرث دي يالنتفه http://www.ab33ad.com/vb/images/icons/icon10.gif

ابي آخذك اليوم معاي بالدباب انا والشباب مجهزين لك مفاجأه


علي : http://www.ab33ad.com/vb/images/icons/icon10.gif قال مفاجأه قال ..... قل مجهزين لأهلك فاجعه

والله مابعت عمري بيوم ميلادي اروح معاك انت واخوياك شكلكم مجهزين لي كفن

والا حاجزين لي غرفه بقسم العظام بمستشفى الشميسي

تركي : ههههههههههههههههههههههههههههههههههههههههه والله ماراح يجيك شي

علي : مرني وخلني اشوفك ويصير خير وقتها

تركي : بعد صلاة العشاء بكون عندك

علي : اوكي انتظرك ان شاء الله اخلص من كتابة الوصيه قبل تجي تاخذني http://www.ab33ad.com/vb/images/icons/icon10.gif

تركي : لحوووووووووووووول إلبس ولاتتأخر ترى على طول بنمشي

علي : يعني شرايك نتفق من الحين على السرعه http://www.ab33ad.com/vb/images/icons/icon10.gif

تركي : راح نتعدى سرعة الصوت

علي : الله يعين http://www.ab33ad.com/vb/images/icons/icon9.gif

تركي : فمان الله

علي : فمان الله وتراني بمسك خط الشرقيه بعد ساعه

ابيك تدعي لي أوصل بالسلامه

تركي : من جدك تتكلم http://www.ab33ad.com/vb/images/icons/icon8.gif

علي : والله يـ تركي كان ودي انبسط معاكم بس ظروف العمل تحتم علي اكون الليله بالشرقيه

تركي : طالبك ماتمشي لين نشوفك .. والله الشباب مجهزين لك مفاجأه وبيجي واحد انت مرررره تعزه ياعلي

علي : أمري لله بمسك الخط متأخر ... خلاص انا بنتظرك بس اتمنى مانطول

تركي : فديت قلبك ايه كذا تعجبني وان شاء الله ماراح نطول

علي : ان شاء الله ... يالله وريني عرض أكتافك

تركي : عرض أكتافي !!!

الوعد اذا ركبت معاي ورى وانت متمسك بأكتافي يالنتفه

انت اركب ويصير خير http://www.ab33ad.com/vb/images/icons/icon10.gif

علي : ادري اني طول الطريق وانا متعلق بخصرك يالشين

الله يصبرني ولاتنسى تستخدم منظم تعرق http://www.ab33ad.com/vb/images/icons/icon10.gif

تركي : http://www.ab33ad.com/vb/images/icons/icon8.gif اقول رح جهز نفسك ولايكثر يالشبيره

علي : طيب

طوط طوط طوط طوط طوط

http://www.ab33ad.com/vb/images/icons/icon10.gif

[علي المحمد]

( 8 )


( نايف ) يتصل بك ....


نايف : علي بسرعه افتح باب الشارع

علي : بسم الله الرحمن الرحيم طيب سلم أول

نايف : علي بسررررررررعه إفتح الباب

علي : لا ماراح افتح http://www.ab33ad.com/vb/images/icons/icon10.gif

نايف : يالدرج افتح الباب معي كرتون فيه أغراض للبيت

علي : لا ماراح افتح http://www.ab33ad.com/vb/images/icons/icon10.gif

نايف : خلاص لاتفتح أنا بدق على أهلك يفتحون http://www.ab33ad.com/vb/images/icons/icon8.gif

علي : أهلي معزومين عند عمتي ومافيه أحد بالبيت ... ولو تموت ماراح أفتح http://www.ab33ad.com/vb/images/icons/icon10.gif

نايف : ههههههههههههههههههههههههههههه يعني أنا وش أسوي فيك يالنتفه والله لا أموتك http://www.ab33ad.com/vb/images/icons/icon9.gif

علي : هع هع تموتني أتحدااااااااك ياابو نسب صدقني الليله بخليك تنام بالشارع لأني بعلم خوخه عليك http://www.ab33ad.com/vb/images/icons/icon10.gif

نايف : أقول إفتح الباب تراك دبلت كبدي http://www.ab33ad.com/vb/images/icons/icon10.gif

علي : طيب بفتح بس إحلف بالله ماتطقني

نايف : والله ماأطقك http://www.ab33ad.com/vb/images/icons/icon10.gif انت بس افتح الباب

علي : لا ماراح افتح أمي تقول ياعيالي لاتفتحون الباب لأحد اذا صرنا برا البيت http://www.ab33ad.com/vb/images/icons/icon10.gif يعني اركب سيارتك لو سمحت

وتعال وقت ثاني يا الأطخم

نايف : ذابحك ذابحك يالنتفه خلني أشوفك بس http://www.ab33ad.com/vb/images/icons/icon10.gif

طوووط طوووط طوووط


(( بعد خمس دقايق بالضبط ))


يتبع ....

[علي المحمد]

( 9 )


( خوخـــه ) يتصل بك



خوخه : ألو هلا علي http://www.ab33ad.com/vb/images/icons/icon10.gif

علي : أهليييييييييييييييين أم غلا http://www.ab33ad.com/vb/images/icons/icon10.gif

خوخه : ممكن تفتح لزوجي الباب http://www.ab33ad.com/vb/images/icons/icon10.gif

علي : لا http://www.ab33ad.com/vb/images/icons/icon10.gif لو تنبرش كبدك على مفرق ضلوعك مافتحت له الباب http://www.ab33ad.com/vb/images/icons/icon10.gif

خوخه : هههههههههههههههههههههههههههههههه لاتنكت انت ووجهك

ليه ياشبيرتي ماتبي تفتح له الباب

علي : لأنه بيمردغني عند باب الشارع http://www.ab33ad.com/vb/images/icons/icon10.gif

خوخه : هههههههههههههههههههههههههههههههههه الله يعينني عليكم

طيب افتح له عشان خاطري http://www.ab33ad.com/vb/images/icons/icon9.gif

علي : شوفي بفتح له بس ترى ان سوى لي شي بعلمه عيارتك وانتي صغيره http://www.ab33ad.com/vb/images/icons/icon10.gif

خوخه : ههههههههههههههههههههههههههه ياويلك لو تقولها

يالله علااااوي قم افتح له الباب وبعطيك اللي تبي

علي : امممممممممم ابي تجيبين غلا عندنا للبيت اليوم وتنام عندنا

خوخه : خلاص والله لا اجيبها وأخليها تنام عندكم

علي : ايه الحين الواحد ينفرش على شي يستاهل http://www.ab33ad.com/vb/images/icons/icon10.gif

يالله بقوم افتح له

خوخه : باي http://www.ab33ad.com/vb/images/icons/icon10.gif

علي : قود باي آند آي ويل سي يو إن ذا هوسبيتل http://www.ab33ad.com/vb/images/icons/icon10.gif

خوخه : ياليت أشوفكم اثنينكم بسريرين جنب بعض بالمستشفى http://www.ab33ad.com/vb/images/icons/icon10.gif دبلتو كبدي http://www.ab33ad.com/vb/images/icons/icon9.gif

علي : ههههههههههههههههههههههههههههههههههههههه يالله باي

خوخه : باي http://www.ab33ad.com/vb/images/icons/icon10.gif

[علي المحمد]

( 10 )


( آخر العنقود ) يتصل بك


آخر العنقود : علي http://www.ab33ad.com/vb/images/icons/icon9.gif

علي : هلا حبيبتي وش فيك http://www.ab33ad.com/vb/images/icons/icon5.gif

آخر العنقود : <<<<<<<<<<<<< بثالث ابتدائي و تبكي

علي : <<<<<<<<<<<<<<<< الإتصال الساعه ( 3 ) الفجر ونايم وحاط ايده على قلبه http://www.ab33ad.com/vb/images/icons/icon9.gif مايدري وش السالفه

بسم الله عليك وش فيك !!!

آخر العنقود : دفتري ياعلي

علي : عيدي ماسمعتك http://www.ab33ad.com/vb/images/icons/icon9.gif

آخر العنقود : دفتري انت وش فيك ماتسمع

علي : http://www.ab33ad.com/vb/images/icons/icon10.gif هههههههههههههههه شفيه دفترك نسيتيه بالمدرسه

آخر العنقود : لا بس اختي فلانه مخبيته عني ومو راضيه تعلمني وين http://www.ab33ad.com/vb/images/icons/icon9.gif

علي : الحين مصحيتني من نومي و فاجعتني عشان دفترك مخبيته اختك اللي اكبر منك بسنه

آخر العنقود : http://www.ab33ad.com/vb/images/icons/icon9.gif انت مو تحبني

علي : ايه احبكم كلكم واحب دفاتركم وكتبتكم ... الله يعينني عليكم بس http://www.ab33ad.com/vb/images/icons/icon9.gif

من اللي عندك يضحك !!!

آخر العنقود : http://www.ab33ad.com/vb/images/icons/icon10.gif ماعندي أحد

علي : http://www.ab33ad.com/vb/images/icons/icon8.gif من اللي عندك اكيد كالعاده فاضين وتبون تصحوني من النوم انتي والشيطونه اللي سارقه دفترك

آخر العنقود : علي انت مو تحبني

علي : ايه احبك ياشيطونه ... بس زعلان منك لأن اللي سويتيه غلط

آخر العنقود : أحسن عشان انت صار لك ثلاث ايام ماتكلمني بعد مااطلع من المدرسه ولا تدلعني http://www.ab33ad.com/vb/images/icons/icon9.gif

علي : خلاص بكلمك كل يوم وأدلعك

آخر العنقود : وتجيب لي ألعاب وحلويات !!!

علي: أجيب لك كل اللي تبينه

آخر العنقود : http://www.ab33ad.com/vb/images/icons/icon10.gif بس أنا

علي : ايه بس انتي والباقين مااشتري لهم شي

آخر العنقود : وتشتري لي بطاقة شحن عشان اكلم صديقاتي وبنات عماتي

علي : ان شاء الله كل حاجه تبينها بجيبها بس بشرط ماعاد تسوين اللي سويتيه اليوم وتصحيني

من نومي وانتي تبكين لأني أخاف عليكم حسبت فيكم شي

آخر العنقود : http://www.ab33ad.com/vb/images/icons/icon11.gif خلاص اتوب وماأسويها ياللا روح نام

علي : تصبحين على خير http://www.ab33ad.com/vb/images/icons/icon7.gif

آخر العنقود : وانت بخير




<<<<<<<<<<<<< طار عنه النوم وحن قلبه وخانته دمعه

[علي المحمد]

(11)






( أم فيصل ) يتصل بك ....



أم فيصل : السلام عليكم


علي : وعليكم السلام هلا بالغاليه http://www.ab33ad.com/vb/images/icons/icon11.gif


أم فيصل : تقبل الله ياعلاوي


علي : منا ومنك يارب


أم فيصل : لقيت حجزك بمكه هيلتون


علي : ماقصرتي ياخاله انتي وابو فيصل بس والله زعلت منكم http://www.ab33ad.com/vb/images/icons/icon9.gif


أم فيصل : ليه !!


علي : أنا قلت احجزو لي بس ماقلت احجزو وإدفعو ليه تدفعون http://www.ab33ad.com/vb/images/icons/icon8.gif

وبعدين السويت مررره كبير علي وانتي تعرفين اني عادي انام بسرير أطفال ويكفيني http://www.ab33ad.com/vb/images/icons/icon10.gif


أم فيصل : هههههههههههههههههههههه تتهنى يارب أهم شي لاتحرمنا من دعواتك


علي : دعيت ياخاله ان زوجك مايتزوج عليك http://www.ab33ad.com/vb/images/icons/icon10.gif انتي وخالاتي كلهم

قلت يارب اشغل ازواجهم بأنفسهم http://www.ab33ad.com/vb/images/icons/icon10.gif وافتنهم في محبتهن ولاتزوجهم غيرهن امانه ياخاله لاتعلمين ابو فيصل أخاف يكلم حقين الفندق ويخليني أدفع الأجار http://www.ab33ad.com/vb/images/icons/icon10.gif


أم فيصل : هههههههههههههههههههه ياعلي انت متى بتتوب من حركاتك وهبالك


علي : الله يخليك لي ياخالتي أنا اللي أحتاج دعواتك http://www.ab33ad.com/vb/images/icons/icon7.gif


أم فيصل : والله ياعلي أدعي لك مع عيالي وغلاك أنت تدري به ... اذا نزلت لجده علمني


علي : ان شاء الله ياخالتي سلمي على ابو فيصل وعلى عيالك


أم فيصل : يبلغ ياقلب خالتك انتبه لنفسك


علي : ان شاء الله فمان الله http://www.ab33ad.com/vb/images/icons/icon7.gif


أم فيصل : فمان الله وحفظه شبيرتي http://www.ab33ad.com/vb/images/icons/icon10.gif


علي : http://www.ab33ad.com/vb/images/icons/icon10.gif

[علي المحمد]

(12)






( فهد ) يتصل بك ....



فهد : السلام عليكم


علي : وعليكم السلام أهلتن وسهلتن


فهد : وينك بسرعه !!


علي : بالسياره بطريق الملك بجده وجنبي راعي يوكن وبنوقف عند الاشاره الحين http://www.ab33ad.com/vb/images/icons/icon10.gif


فهد : هههههههههههههههه قول بجده ويكفي مابقى الا تعلمني من اللي راكب باليوكن http://www.ab33ad.com/vb/images/icons/icon10.gif


علي : اللي بـ اليوكن سواق ومعاه سكر نبات قصدي بنات http://www.ab33ad.com/vb/images/icons/icon10.gif


فهد : ههههههههههههه غض البصر يالشبيره http://www.ab33ad.com/vb/images/icons/icon10.gif


علي : وش تبي بسرعه مواعد سلطان وتركي بالمقهى ابي أدق عليهم أشوف هم وين http://www.ab33ad.com/vb/images/icons/icon6.gif


فهد : يقولون انك صاير ليبرالي http://www.alqasab-city.com/smails/smile_albums/mbtsm/mb324.gif


علي : إيه أنا وتركي الحمد وجهان لعمله واحده وناكل من صحن فول واحد ونفس الطول كلنا شبيرات http://www.ab33ad.com/vb/images/icons/icon10.gif

فهد : هههههههههههههههههههه لا بجد ياعلي صدق هالكلام


علي : انتم وش جايكم علي كل شوي واحد متصل ويستهبل

أمس طالباني واليوم ليبرالي وباكر الله يستر لا يدق أحد ويقول سمعنا انك كاثوليكي http://www.ab33ad.com/vb/images/icons/icon9.gif


فهد : ههههههههههههههههههههههه طيب وش تعرف عن اللبراليه عندي بحث وابيك تساعدني


علي : طيب اسمع انا بعطيك تعريف عن اللبراليه وفكني من شرك

اللبراليه يافهد انك تاكل خبز وجبن بسيارتك وانت رايح للدوام ومعاك عصير ربيع وتوقف عند الإشاره وتشوف بنت حلوه تسوق رانج روفر وفاتحه علبة المكياج وتحط روج ومسكره بدال ماتشوف لك هندي جنبك بالاشاره ويلعب بخشمه وتحوم كبدك


فهد : ههههههههههههههههههههههههههههه


علي : اللبراليه هي انك تدخل السوبرماركت تبغى تشتري دخان وموس حلاقه
وقتها بيقتلب مخك ما تدري أنت داخل سوبرماركت وإلا داخل قصر أفراح
يعني بالعربي عبايات مافيه http://www.ab33ad.com/vb/images/icons/icon10.gif جنزات وفساتين وتنانير
و جوالاتك مفصووووووله من قوة الفواتير


فهد : ههههههههههههههههههههههههههههه وناسه


علي : وش تحس فيه أنت !! http://www.ab33ad.com/vb/images/icons/icon10.gif


فهد : http://www.ab33ad.com/vb/images/icons/icon10.gif أحس اني دبلت كبدك


علي : ياحبني لك http://www.ab33ad.com/vb/images/icons/icon10.gif صح دبلت كبدي وأحس انك لو كتبت كلامي ببحثك راح تآخذ حرمان من الماده http://www.ab33ad.com/vb/images/icons/icon10.gif


فهد : هههههههههههههههههههههههههههه انتبه لنفسك وسلم على سلطان وتركي


علي : يبلغ ان شاء الله وانت سلم لي على عمتي وحب لي راسها


فهد : ان شاء الله ... فمان الله

علي : فمان الله http://www.alqasab-city.com/smails/smile_albums/mbtsm/mb029.gif

[علي المحمد]

[ 13 ]


[ تميم ] يتصل بك ....


تميم : الو

علي : الو

تميم : السلام عليكم

علي : السلام عليكم http://www.ab33ad.com/vb/images/icons/icon10.gif

تميم : الووووووووو علي تسمعني

علي : الووووووووو تميم تسمعني http://www.ab33ad.com/vb/images/icons/icon10.gif

تميم : ياشبر تستهبل انت ووجهك http://www.ab33ad.com/vb/images/icons/icon10.gif

علي : هههههههههههههههههههههههههه هلا تميم

تميم : الحمد لله على السلامه نورت الرياض والله ياعلي

علي : أدري http://www.ab33ad.com/vb/images/icons/icon10.gif

تميم : هههههههههههههههههههههههه الله يعين بس .... متى بتجي للإستراحه يالحوت

علي : حوووووووووت هههههههههههههههههههه أنا سردينه أي حوت ياتميم http://www.ab33ad.com/vb/images/icons/icon10.gif

تميم : ههههههههههههههه الله يرج ابليسك تصدق لايقه عليك سردينه ... اي واحد يروح جده ويغوص أنا اسميه حوت http://www.ab33ad.com/vb/images/icons/icon10.gif

علي : http://www.ab33ad.com/vb/images/icons/icon10.gif تبي الصدق ياتميم انا لو اني حوت واشوفك بالبحر والله ما أبلعك

بيجيني تسمم http://www.ab33ad.com/vb/images/icons/icon10.gif

تميم : ههههههههههههههههههههههههه قويه

ياليت كل الحيتان مثلك كيف الغوص ياعلي ؟

علي : بصراحه فاتك ياتميم طلعنا من 7 الصباح ومارجعنا الا على الغروب بجد ياتميم

كل شي كان خيالي وكان عددنا كبير مره تقريبا بحدود الثلاثين وكل شي متوفر ... القارب دورين

افطرنا وتغدينا بالبحر ... بعضنا نزلو يغوصون وبعضنا كانو يصيدون سمك ... طبعاً أنا مانزلت للغوص اكتفيت بالصيد بس :)

تميم : ليتني معكم ياعلي بس ان شاء الله المرات الجايه

علي : ان شاء الله يالغالي

تميم : بتجي اليوم للإستراحه !!

علي : ماراح اجي الا بشرط http://www.ab33ad.com/vb/images/icons/icon10.gif

تميم : http://www.ab33ad.com/vb/images/icons/icon6.gif ؟؟؟

علي : إذا دخلت اسلم على العيال ووصلت عند فهد لا تحط مركى ياهيوان http://www.ab33ad.com/vb/images/icons/icon10.gif ترى أنحرج

تميم : ههههههههههههههههههههههههههههههههههههههههه طيب يالشبيره

تعال ويصير خير فمان الله

علي : لحظه لحظه

تميم : سم

علي : اليوم عيد الام ياتميم خلك ذوق وحبوب

وانا اقترح توديها للجسر المعلق والا طريق الشيخ جابر الصباح وتوقف عند سيارة ايس كريم

وتشتري لها ايس كريم بسكوت وتقول لها (هابي ماذر دي) يا أمي صدقني بتدعي لك يالداشر

http://www.ab33ad.com/vb/images/icons/icon10.gif

تميم : هههههههههههههههههههههههههههههههههههههه وربي فكره حشاشه

طيب انت وش بتسوي بعيد الام

علي : بلعب انا واياها كيرم وبخليها تفوز http://www.ab33ad.com/vb/images/icons/icon10.gif تميم امي حطت الغداء على السفره لازم أقفل

اشوفك الليله ياطخمتي

باي

[علي المحمد]

[15]


[ تركي ] يتصل بك ...



تركي : سلام

علي : وعليكم السلام هلا تركي

تركي : هلا بك أخبارك

علي : تمام ياتركي كم الساعه الحين

تركي : الساعه الحين خمس الفجر

علي : عسى ماشر فيه شي صاير ياتركي

تركي : معليش صحيتك من النوم أبد مافيه شي بس أبي أسألك عندك مكينة أسد

علي : هههههههههههههههههههههههههه أسد يعض راسك ان شاء الله

تركي : هههههههههههههههههههههه بجد عندك وإلا ماعندك

علي : عندي لصقة الأسد ولصقة جونسون بحطهم على فمك عشان ماعاد تصحيني من النوم

ليه تبي مكينة أسد عندك قطو تبي تعدل فيه http://www.ab33ad.com/vb/images/icons/icon10.gif

تركي : هههههههههههههههههههههههه لا والله ياعلي اتكلم جد أقصد مكينة خياطه ماركة الأسد أو الفراشه

علي : لو عندي كان جبتك و سحبت براطمك وثبت الابره عليهم وصرت رايح جاي بإبرة المكينه عليهم

والله لو يجتمع الدكتور الربيعه وفريق فصل السيامين اللي معاه مايفكون الخياطه من فمك

أنتم وش جاكم انهبلتو !! مافيكم عقول !!

تركي : هههههههههههههههههههههههههههه ماتنتحارش يالشبيره

علي : حرام عليك الحين ماراح يجيني النوم

تركي : طيب ممكن طلب

علي : سم

تركي : عازمك اليوم على فوتشيني ولازانيا بالمطعم الإيطالي يحبها قلبك

علي : ههههههههههههههههه كالعاده ياطلاب جامعة البترول تعزموننا وحنا ندفع الحساب

تركي : http://www.ab33ad.com/vb/images/icons/icon10.gif

علي : خلاص وعدنا هناك ولا تنسىتجيب معاك ( تنر ) و ( مسحه طبيه ) عشان امسح رقمي من جوالك يامزعج

http://www.ab33ad.com/vb/images/icons/icon10.gif

تركي : باي

علي : باي http://www.ab33ad.com/vb/images/icons/icon9.gif

[علي المحمد]

[16]



( نايف ) يتصل بك ...



نايف : السلام عليكم

علي : وعليكم السلام هلا نايف

نايف : يقولون حاطينك بكاس مويه دافي http://www.ab33ad.com/vb/images/icons/icon10.gif

علي : حطوك بغوانتنامو ونسوك يا قليل الأدب http://www.ab33ad.com/vb/images/icons/icon10.gif

نايف : ههههههههههههههههههههههههههههههههه سلامات والله

باين الأنفلونزا لاعبه فيك http://www.ab33ad.com/vb/images/icons/icon10.gif

علي : ايه باقي خمس دقايق ويصفر الحكم http://www.ab33ad.com/vb/images/icons/icon10.gif لعبت فيك جنيه انت وزوجتك

وش تبي متصل تتطمن وإلا تتشمت http://www.ab33ad.com/vb/images/icons/icon9.gif

نايف : ههههههههههههههههههههههههههههه لا بتطمن ياخال عيالي http://www.ab33ad.com/vb/images/icons/icon7.gif

علي : والله لعيالك الشرف اني اصير خالهم http://www.ab33ad.com/vb/images/icons/icon10.gif انت بس خلهم يكبرون اذا ماخليتهم وانت تاكل علك يحددون سكسوكتك

نايف : ههههههههههههههههههههههههههههههههههههههه الله يعينني عليك يابو لسان

انت متى بتجي للرياض !!!

علي : مدري يانايف احتمال كبير ما اجي هالاسبوع عندي أشغال لازم أخلصها

نايف : الله يعينك عموما بس حبيت اتطمن عليك

علي : ربي يطمن قلبك بطاعته

نايف : آمين وياك ... تامر شي

علي : ايه http://www.ab33ad.com/vb/images/icons/icon10.gif

نايف : سم آمر

علي : أبي أشرطة عدنان ولينا ياخي وحشني عبسي http://www.ab33ad.com/vb/images/icons/icon10.gif

نايف : هههههههههههههههههههههههههههههههههه لا لا واضح .... لاعبه فيك الحراره

علي : بجد دبرهم لي والله يانايف طفش وزهق قبل أمس قاعد أعد النملات عند الدرج

وصلت 28 وبعدين جو نملتين وخربو الطابور وبغيت انهبل http://www.ab33ad.com/vb/images/icons/icon10.gif

نايف : ههههههههههههههههههههههههههههههههههههههههه يالشبيره لاتكذب قل انك قاعد تلعب معهم

علي : هههههههههههههههههههههههههه ايه ألعب معهم وش فيها http://www.ab33ad.com/vb/images/icons/icon10.gif

أصلاً وحده من النملات مرت من عندي قالت الله يعافيك

ممكن تشيل معاي سكر وأعطيك بوسه http://www.ab33ad.com/vb/images/icons/icon10.gif

نايف يالله رح انا مقدر أضحك حلقي يوجعني http://www.ab33ad.com/vb/images/icons/icon9.gif

نايف : هههههههههههههههههههههههههههههه ياحبي لك ماتشوف شر

علي : انتبه لإختي وبنتها فمان الله

نايف : فمان الله

[علي المحمد]

[ 17 ]



( أحمد ) يتصل بك ....


أحمد : السلام عليكم

علي : وعليكم السلام هلا ابو حصه http://www.ab33ad.com/vb/images/icons/icon10.gif

أحمد : هلا بك .. أخبارك

علي : مندبله كبدي والطفش لاعب بوجهي بوكسينق http://www.sh6ee6.com/wp-includes/images/smilies/a5.gif

أحمد : أنت وينك الحين

علي : أنا بالخبر قبل شوي مريت على اسماعيل المصري

اللي بملحمة مكه أخذت من عنده اثنين كيلو لحم نعيمي أبي أطبخ اليوم

الله يحييك تعال انت ومن يعز عليك

أحمد : لحالك وإلا معاك أحد

علي : معاي عبدالله و تركي والبلايستيشن رابعنا http://www.ab33ad.com/vb/images/icons/icon10.gif

أحمد : انا متواعد مع فواز على اساس اننا بنتعشى برى شكلي بجيبه معاي

علي : فواز ماغيره هذاك اللي اذا شافه ابليس يقول إبليس أعوذ بالله من الشيطان http://www.ab33ad.com/vb/images/icons/icon10.gif

أحمد : ايه هو هو مافيه غيره http://www.ab33ad.com/vb/images/icons/icon10.gif

علي : هههههههههههههههههههههههههه جبه معاك يا أحمد خلنا نشوفه قبل رمضان

أحمد : وش قصدك يا النتفه http://www.ab33ad.com/vb/images/icons/icon10.gif

علي : برمضان يتصفدون يا كمخه http://www.ab33ad.com/vb/images/icons/icon10.gif

أحمد : هههههههههههههههههههههههههههههههههههه والله لو يدري عن كلامك ان يذبحك

علي : أقول لا يكثر بس تعال انت و فواز ويصير خير

أحمد : خير ان شاء الله بدق عليه وان شاء الله نجيك ... تبيني أجيب معاي شي وأنا جاي !!!

علي : بما إنك راح تمر فواز بحي الدوحه مر على تمور التويجري عندهم لبن اسمه الأبقار النجديه

جب معاك اثنين حجم كبير

أحمد : ههههههههههههههههههههههههههه شكلها بروفات سحور الليله

علي : الله يبلغنا رمضان أهم شي لا تتأخر

أحمد : ان شاء الله بعد صلاة العشاء بكون عندك فمان الله

علي : فمان الله

أحمد : علي لحظه شوي عندي سؤال

علي : سم آمر

أحمد : اللي بالعصر الحجري وش كانو يسترون عوراتهم فيه

علي : هههههههههههههههههههه يسترونها بورق عنب يا ماصل http://www.sh6ee6.com/wp-includes/images/smilies/173.gif

ضف وجهك أنت وأسئلتك البايخه ولا تتأخر http://www.ab33ad.com/vb/images/icons/icon10.gif

أحمد : ههههههههههههههههههههههههههههههه ايه صح ورق عنب

مع السلامه

http://www.ab33ad.com/vb/images/icons/icon10.gif

[علي المحمد]

[ 18 ]


( بدر ) يتصل بك .....



بدر : سلام

علي : وعليكم السلام

بدر : وينك مختفي الدنيا مقلوبه عليك

علي : مقلوبه والا برياني http://ab33ad.com/vb/images/icons/icon10.gif

بدر : هههههههههههههههههههههههههههه يرحم امك اهجد لو مره بحياتك بطل استهبال

علي : على طاري يرحم أمك

تذكر يوم انا وانت نلعب أتاري ( حرب النجوم ) بملحق بيتكم

يوم جت امك من ورى الباب وهاوشتنا عشان الصلاة تذكر وش قالت http://ab33ad.com/vb/images/icons/icon10.gif

بدر : ههههههههههههههههههههههههههههههه ورى ماتسكت يالنتفه ترى ذليتني بهالسالفه

علي : الله يخليها لك يابدر قسم بالله يوم قالت

قومو للصلاة أنتم ماشفتو ربكم وش سوى بأصحاب الفيل

اني قلت من الخوف إلا شفنا والحين بنروح نصلي

بدر : هههههههههههههههههههههههههههههههههه احمد ربك طلعنا بدون ضرب

علي : سلم لي عليها يابدر كثير السلام تراها بحسبة امي

بدر : يبلغ ان شاء الله ... بجد وين مختفي هالايام

علي : بعدين اعلمك السالفه طويله يابدر وانا بخير الحمد لله :)

بدر : الحمد لله ... علي ماخبرت لي وظيفه !!

علي : يمدحون البكسنه http://ab33ad.com/vb/images/icons/icon10.gif

بدر : البكسنه !!

علي : البكسنه يعني تتبكسن يعني تلبس لبس باكستاني وتطق لك ليموزين

تكد عليه لين تموت شهيد تحت كبري من كباريات البطحاء

بدر : هههههههههههههههههههههههههههههههههههههههههههههه

والله وجهك يبي له بكسنه وتبقيس لين تتأدب يالشبيره

علي : أحسن تستاهل http://ab33ad.com/vb/images/icons/icon10.gif ليه وش شايفني وزير العمل تسألني عن وضايف

ياخي افتح لك محل والا افتح لك علبة ببسي والا افتح راس القصيبي بماصوره وادخل مؤبد بالحاير
اهم شي دبر نفسك ولا تقعد بكبد اهلك http://ab33ad.com/vb/images/icons/icon10.gif

بدر : ههههههههههههههههههههههههههههههه لعنة الله على شوشو

علي : انت مادمرك الا شوشو ... ابليسك قوي الله يعين اهلك عليك http://ab33ad.com/vb/images/icons/icon10.gif

بدر : تدري وش اللي دابل كبدي ياعلي

علي : أنا اللي دابل كبدك صح http://ab33ad.com/vb/images/icons/icon6.gif

بدر : ههههههههههههههههههههههههههههههه لا http://ab33ad.com/vb/images/icons/icon10.gif

اللي دابل كبدي ان ابليس صارو يدلعونه شوشو وانا من طلعتي على الدنيا محد يدلعني

علي : بتلقى وظيفه ان شاء الله وبتتزوج وبتلقى الانسانه اللي تدلعك

أنا بسأل لك عن الوظايف وبعطيك خبر وان شاء الله ربك يفرجها

بدر : لا خلا ولا عدم

علي : لا عدمتك :)

بدر : فمان الله

علي : فمان الله وتعوذ من شوشو http://ab33ad.com/vb/images/icons/icon10.gif

بدر : أعوذ بالله من شطحاتك http://ab33ad.com/vb/images/icons/icon10.gif فمان الله

[علي المحمد]

[ 19 ]


( نايف ) يتصل بك ....




نايف : هلا علي فيك شي

علي : لا مافيني شي ليه تسأل غريب سؤالك ؟

نايف : اليوم ليه ماجيت للاستراحه

علي : تبي الصدق يانايف ما احس الدنيا لها طعم ولا احس لها لون

نايف : تعوذ من الشيطان ان شاء الله الأمور بتكون أحسن

علي : ان شاء الله

نايف : بتجي باكر

علي : اذا الله أحيانا جيت

نايف : طيب وين رحت اليوم

علي : رحت اشوف الفحل ( رمان ) حق عبدالعزيز بن فهد

نايف : وين تشوفه

علي : بمخيم عمي عبدالله

نايف : لقيت احد بالمخيم يوم رحت !!

علي : لا ماكان فيه احد جلست لحالي لين ذبحني البرد ورجعت

نايف : انت يبي لك جلسه خاصه لازم اشوفك واحكي معاك

علي : ابشر يانايف

نايف : انتبه لنفسك ... تصبح على خير

علي : وانت من اهله

[علي المحمد]

( عبدالكريم ) يتصل بك ....



عبدالكريم : السلام عليكم

علي : وعليكم السلام هلا كرووووم وش اخبارك

عبدالكريم : بخير يالغالي انت اخبارك وين هالغيبه انت للحين بالدنيا

علي : لا بالآخره طال عمرك http://www.ab33ad.com/vb/images/icons/icon10.gif

الحمد لله لازلت بالدنيا .... انت وينك فيه ... بالدنيا بعد http://www.ab33ad.com/vb/images/icons/icon10.gif

عبدالكريم : هههههههههههههههههههههههههههههههههههههههههههه

عساني ما افقدك يالنتفه

اخبار الاهل واخبار اخويانا اللي كانو معنا بالدراسه

علي : الاهل الحمد لله كلهم بخير ... واخويانا اللي بالدراسه منقطع عن بعضهم ... وبعضهم ما اشوفه الا مرات قليله

عبدالكريم : الحمد لله عساه دوم يارب ... على طاري ايام الدراسه تذكر واحد معنا كان ايام الثانوي اسمه عبدالعزيز كانو يلقبونه عميد ثانوية الاندلس

علي : ههههههههههههههههههههههههههههههههههه ايه اذكره فديته ... هذاك يحلفون انه بالثانويه من ايام الدوله العثمانيه مو قادر ينجح http://www.ab33ad.com/vb/images/icons/icon10.gif

عبدالكريم : ههههههههههههههههههههههههههههههه قويه الله يرج شيطانك ... تصدق اليوم قابلته بالبنك عندي وسألته عن اخباره وقال انه بخير وانه يشتغل اعمال حره

علي : الله يوفقه يارب ... يستاهل لانه انسان كافح واجتهد ... ربي يزيده من خيره

عبدالكريم : امين ... اخذت رقمه وبعزمه الاسبوع الجاي وابيك تكون موجود

علي : والله ما اوعدك لكن ان شاء الله بكون موجود

عبدالكريم : ربي يحفظك

علي : وش تقصد http://www.ab33ad.com/vb/images/icons/icon10.gif يحفظني يعني ياخذ وداعته واموت

عبدالكريم : هههههههههههههههههههههههههههههه لا اقصد يحفظك من كل شر ويخليك لاهلك واللي تحبهم ويحبونك

علي : وانت بعد ربي يحفظك http://www.ab33ad.com/vb/images/icons/icon10.gif

عبدالكريم : ههههههههههههههههههههههههههه وش تقصد http://www.ab33ad.com/vb/images/icons/icon10.gif

علي : ماني معلمك http://www.sh6ee6.com/wp-includes/images/smilies/173.gif

عبدالكريم : عساني ما افقدك يارب

علي : آمين و لا افقدك يالغالي :)

عبدالكريم : لا تنسى وعدنا وفمان الله

علي : ان شاء الله ... ربي يحفظك http://www.sh6ee6.com/wp-includes/images/smilies/smile.gif

عبدالكريم : هههههههههههههههههههههههههههههههههههههههههههههه

آمين وافتك من هبالتك

علي : استغفر الله والله اني احبك وما اقصد ربي يحفظك انك تموت ... واذا منت مصدق ... الحين موت ... وشوف من اكثر واحد يبكي عليك http://www.sh6ee6.com/wp-includes/images/smilies/a2.gif

عبدالكريم : هههههههههههههههههههههههههههههههههه الله يبارك لنا بأعمارنا ويحسن خاتمتنا ... نبقى على اتصال ان شاء الله

علي : امين ... ان شاء الله يالغالي

عبدالكريم : فمان الله

علي : في أمانه :)

[علي المحمد]

( خوخه ) تتصل بك ...

خوخه : ههههههههههههههههههههه خخخخخخخخخخخخخخخخخخخخ يقولون ان اصبع رجلك مكسور http://www.ab33ad.com/vb/images/icons/icon10.gif

علي : :( ايه الله يكسر اصبع زوجك http://www.ab33ad.com/vb/images/icons/icon10.gif

خوخه : ههههههههههههههههههههههههههههههههههههههههههههه آمين

علي : هههههههههههههه ليه ليه تبين فزعه والا شي

خوخه : لا ما أبي منك شي داقه عليك أبي أتشمت وأسأل عن أي أصابع رجلك اللي مكسور ؟؟

علي : الإبهام :(

كنت العب كوره أنا و أخوياي و يوم جيت اشوت الكوره حط واحد منهم رجله قدامي وجت رجلي برجله حسيت اني شايت ماصوره

وقتها أتذكر ان النبض نزل من الجهه اليسرى بالصدر وبقدرة قادر صار الابهام ينبض من شدة الألم

والله اذا تبين تدعين على أحد قولي الله يكسر ابهام رجلك

ههههههههههههههههههههههه رحت المستشفى وكفنوه لي ... مرات أطالع فيه و أقول مسكين مكفن ومره أطالع فيه و أضحك صاير كأنه أسير عراقي حاطين على راسه كيس أبيض http://www.ab33ad.com/vb/images/icons/icon10.gif

خوخه : ههههههههههههههههههههههه ماتشوف شر ولا عاد تلعب مع مواصير http://www.sh6ee6.com/wp-includes/images/smilies/a2.gif مع السلامه

علي : هههههههههههههههههههه مع السلامه http://www.sh6ee6.com/wp-includes/images/smilies/a5.gif



إلهي لقد مننت علي و وهبتني بأغلى من كنوز الدنيا أناس أرق من الزهر و أنقى من الماء العذب

أرى فيهم براءة الحب وسلامة القلب ... اللهم إكتبهم من عبادك المخلصين ممن أحببتهم وذكرتهم فيمن عندك

ولا تحرمني منهم ولا تحرمهم مني ... آمين

[علي المحمد]

( نايف ) دقيت عليه وابي أقفل عشان يكلمني وبسرعه رد ودايم يسوي ذا الحركه عشان يقهرني http://www.ab33ad.com/vb/images/icons/icon8.gif ...


نايف : هلا بخال العيال

علي : خال ان شاء الله يدبجك لين يليًن عظامك http://www.ab33ad.com/vb/images/icons/icon10.gif ليه ترد يا نذل يالله بقفل وإرجع دق وبعدين كم مره قلت لك لا ترد

نايف : ههههههههههههههههههههههههه طيب قفل وبدق

نايف رجع يتصل مره ثانيه

نايف : ألو

علي : هلا أخبارك

نايف : تمام ولابس فروه ... و أنت أخبارك

علي : تمام ولابس هيلا هوب ... الحين انت و وجهك انا سألتك وش لابس !!

و إلا بتعلمني إنه عندكم برد .... والله لو يجيكم نصف البرد اللي عندنا الحين كان ما تقدر تطلع من البيت http://www.ab33ad.com/vb/images/icons/icon9.gif

ما فيه فرق بيني وبين ابو الهول دايم قاعد بالبيت الدنيا ثلوج ودرجة الحراره اليوم -14

نايف : خلصت كلامك !! وش لون الهيلا هوب اللي لابسه يا أبو الهول http://www.ab33ad.com/vb/images/icons/icon10.gif

علي : ههههههههههههههههههههه لا تستخف دمك ياعساني أشوفك منتدب بالأسكيمو اسبوعين و يلعب البرد بعظامك و ماتاكل الا تونه http://www.ab33ad.com/vb/images/icons/icon10.gif

نايف : ههههههههههههههههههههههههههههههه وش تبي داق !!!

علي : ابي ترسل لي بطانيه بطانياتهم ما تزبن والله ماعاد صرت اقدر انام من البرد وأبي ترسل مويه مقري فيها و أبي عشر كروز مالبورو

نايف : ليه المويه المقري عليها ؟؟؟

علي : العجوز البريطانيه اللي ساكن عندها ماهي مضبوطه http://www.ab33ad.com/vb/images/icons/icon10.gif قبل يومين لقيتها تسولف مع نفسها قعدت أطالع فيها قلت الحمد لله ولك الشكر وش فيها هذي http://www.ab33ad.com/vb/images/icons/icon10.gif

كأني سمعتها تقول محد صديقي إلا أنا ... وما أحب إلا أنا ... و الدوري السنه هذي نصراوي http://www.ab33ad.com/vb/images/icons/icon10.gif

نايف : هههههههههههههههههههههههههه لو سمحت لا تطقطق على العالمي يالمحلي

علي : ههههههههههههههههههههههههههه المهم بجد اتكلم أرسل لي الأغراض اللي قلت لك

والمويه المقري عليها أبيها ضروري لانه فيه واحد عراقي معاي في بريطانيا يقول انه تعبان شوي ويحس بكتمه دايم تجيه بصدره

مابي أطول عليك سلم لي على أختي و على أهلك

نايف : يبلغ ان شاء الله ... في أمان الله

علي : في أمانه

[علي المحمد]

.......................... محد اتصل ......... http://www.ab33ad.com/vb/images/icons/icon9.gif

[علي المحمد]

( نايف ) يتصل بك ...

نايف : السلام عليكم .. صباح الخير علوش

علي : وعليكم السلام .. هلا نايف ... مدري ليه حاس انه وراك مصيبه بسرعه انا طالع من الفصل عشان اكلمك

نايف : أبد داق ابي اتطمن عليك وابارك لك بنجاح البنات

علي : الله يبارك فيك

نايف : جالسين نحش فيك انا والعيال بالاستراحه سامحنا http://www.ab33ad.com/vb/images/icons/icon10.gif

علي : http://www.ab33ad.com/vb/images/icons/icon9.gif يارب يارب يارب اشوفكم تبيعون فول وكبده وكشري بميدان التحرير بمصر

ويبقسونكم ذا المصاريا تبقيس لين ترجعون للسعوديه بإخلاء طبي و معاكم حسني مبارك

نايف : ههههههههههههههههههههههههههههههههههههه بقول كلامك للعيال

علي : قل لهم http://www.sh6ee6.com/wp-includes/images/smilies/a2.gif وقل لهم بعد اني ماني مستقبل احد بلندن وقل لبدر بالذات تذاكر مباراة مانشستر اللي حجزها لك علي بتروح عليك

نايف : هههههههههههههههههه ما تنتحارش على فكره ترى امك بتجي الشهر الجاي لندن

علي : لا لا قلها لاتجي تكفى قبل شهر كانت بمصر و انقلب الشعب على حسني اخاف تجي هنا و ينقلبون على اليزابيث http://www.ab33ad.com/vb/images/icons/icon10.gif

نايف : ههههههههههههههههههههههههههههههههههه يا داشر والله لا اعلمها

علي : ههههههههههههههههههههههههههه امزح ورب البيت http://www.ab33ad.com/vb/images/icons/icon10.gif ... الله يخليها لي بس ما ودي تجي هالوقت لانه برد عليها وما ابيها تجي و تتعب

احسن وقت بعد شهرين من الحين بيكون الجو رايق يا نايف

نايف : تقول انها بتجيك ودها تشوفك ومنها تغير جو

علي : انت خلها تجي اذا ما خليت برقعها يرفرف بأعلى قمة لندن آي ما أكون ولد محمد http://www.ab33ad.com/vb/images/icons/icon10.gif وبخليها تحظر مباراة للمان يونايتد وبلبسها شال الشياطين الحمر

نايف : ههههههههههههههههههههههههه والله ياعلي اتحداك

علي : زين الايام بيننا http://www.sh6ee6.com/wp-includes/images/smilies/a2.gif... يالله اكلمك وقت ثاني و لاعاد تدق علي هالوقت لاني اكون بالفصل

باي

نايف : باي

[علي المحمد]

http://www.youtube.com/watch?v=79tn91O_1mk&feature=related