أدفع لجيّتك عمري / بخاشيش 00

[سعد الجميلي]

نص جديد اتمنى ان يجد القبول


في ذائقتكم 00



روّح الليـل/ ماباقـي عراميـش=والفجر قـرب/ وولـع سراجـه
والمشاعر /على وصلك معاطيـش=وأنـت/ عنـيّ بخيـل بالمواجـه
كل ما قلت: قدر لقمـة العيـش=قلت :طارت بالاحلام/ العجاجـه
ليش؟ طفيت شمعات الغلا /ليش؟!=يوم فكيت عن قلبـي/ سياجـه !
تحسبني ليا من غبت/ أبااعيـش !=وأنت شوفك /هنا القلب وعلاجه !
لا /ورب السما/ دونك/ فلانيـش=أنت ضحكة زمانـي / وابتهاجـه
أدفع لجيّتك عمـري / بخاشيـش=بس أبي منك / لامن جيت /حاجه
لاتزيّـن لـي/ بلبـس الدنانيـش=الذهب مايزيـن / وانـت تاجـه
لو تجي/ لابس /قطعة من الخيـش=كان حسنك /يزوّد فـي رواجـه
فيك /ملح /ودلع غنج /وولع طيش=من جينـك/ لتقويسـة حجاجـة
لاتبّسمـت /بالغـر المراهـيـش=يعلن/ الثلج /للجمـر /إحتجاجـه
ياوجودي/ على لامـاك/ حتّيـش=لو وصالك /صعيب /وبه عواجـه
دونك /الغبـن /وكثـر المحاريـش=والصدر ممتلي /شـوق ولجاجـه
كم تحرّيـت؟ يلفـون المطاريـش=مثل من: ينتظـر ليلـة زواجـه !
وانت مرتاح/ وفراشك /من الريش=ماشغلـك القصيـد/ ولا مزاجـه
روّح الليل / مثل: مقابل الجيـش=وإنكسر خاطري/ مثل الزجاجـه!

منشوره بجريدة اليوم
http://www.alyaum.com/issue/page.php?IN=12775&P=23&G=2

[عبدالله بن صخيل]

الله الله ياسعد

صح لسانك ياسعد أشبعت ّذائقتي بهالباسقة


لاتزين لي بلبس الدناديش
......الذهب مايزين وانت تاجه

الله عليك ياسعد

[نواف التركي]

سعد الجميلي


جميل بحراً وفكراً

صح قلبك

ودمت بخير

[ناجي الطرقي]

وانت مرتاح/ وفراشك /من الريش=ماشغلـك القصيـد/ ولا مزاجـه
روّح الليل / مثل: مقابل الجيـش=وإنكسر خاطري/ مثل الزجاجـه!


الليل //جيش وخاطرك //زجاجه
ما اقسى الليل هكذا !!

تناغم عذب
صح لسانك

الف شكر لكـ

[سعد الجميلي]

الف تحية وتقدير



لك اخي عبدالله التومي

[وليد الفالح]

سعد الجميلي
نص يستحق الأحتفاء
مودتي ياسعد

[خالد العقيل]

سعد الجميلي
سعيد بــ مروري هنا
ومصافحة هذه الرائعة
دمت بــ هذا التألق
تقديري

[ماجد العمر]

رائعة ياسعد
صح نبضك