~~ مـ ـطـ ـر .. وأشـــياء أخــرى ..! ~~ [الأرشيف]

عبدالله بن زنان

06-28-2008, 02:54 AM

.
.

.

صمتك مفاتيح الكلام ولهفتي وجنوني
والليل تفاح الصبايا .. قبل صبح جنونك

إن جيت أدور للكلام آضيع مثل عيوني
وان جيت أدور للحكايا ضعت بين عيونك

كلك على بعضك حكاية تستفز طعوني
وكلي على بعضي غريب مسافرٍ لطعونك

احلمي بالعمر كيفك .. وان بغيتي دوني
بس أنا .. لا حلم بيدي .. دام عشت بدونك

.
.

.[/B]

عبدالله بن زنان

06-30-2008, 01:55 PM

.
.

.

عذري / أني موت أحبك وأنت تدري

وعذرك / أني موت أحبك وانت ذايب ..!

.
.

.

عبدالله بن زنان

07-02-2008, 01:55 AM

.
.

.

حبيبي الصبح من دونك
أغصان تسأل عن الورقا

قبايل الريح يطرونك
وحبال هالذاكرة غرقا

لاتسأل الغيم وش لونك
بآعيش بك والسما زرقا

باعيش بغيابك عيونك
واحضنك واتنفسك وارقا

من قال بآموت من دونك
بحياك لو عاشت الفرقا ..!

.
.

.

عبدالله بن زنان

07-05-2008, 03:56 AM

.
.

.

الحنين ..!

انحسار الوجد ..

خلف ستارتين من الألم ..

واقف وراها بعض حلم وبعض تين ..!

الحنين ..!

إرتعاش عروق ..

قبل يفوق ياس ..

يبدل الحاله بسين يجر سين ..!

الحنين ..!

لخبطة أنفاس ..

في لحظة تسامي..

بين ورد الروح واشواك الغيوم ..

بـ صدر بستان الحزين ..!

الحنين ..!

غصة الأشواق في كاس الأمل ..

عند إنثيال الذكريات الصامدة في وسط عين ..!

الحنين ..!

لعنة الحب الوحيدة ..

لاذكرت أنك وحيد ..

ودمعة الشوق .. انتظارك في وجيه العابرين ..!

الحنين ..!

اختناق الدمع بين حزام غربة ..

يربط الأحلام بـ ايدينه ..

وعينك واقفة تلمح مشاوير السنين ..!

الحنين ..!

إنحسار وإرتعاش ولخبطة ..

غصة ولعنة واختناق ...

ولملمة أشلاء في ركن السما ..

لامن تساءل دفتر الأضلاع ..

ليه تموت بدري .. ؟

ليه بـ اشواقك تعيش ..

ولـ جل ميييين ..!

.
.

.

عبدالله بن زنان

07-05-2008, 08:09 PM

.
.

.

استحله واستحل اللي معاه
مابقى بالقلب شي .. الا معه

لو منعته عن خفوقي مانساه
ولو منعني عن خفوقه بمنعه

اتفقنا ... نسكن الحلم وشذاه
واختلفنا .. من يموت بمدمعه ..!

.
.

.

عبدالله بن زنان

07-09-2008, 01:34 AM

.
.

.

البحور جروحي اللي ماهدت
موجها بركان حلم .. بلا هدوووء

تبني من الريح رقصاتٍ بكت
في جبين الليل ترسم لي / نتوووء

استغيث الما سحابه مانشت
واستحث النور لو طال النشووء

كل ماسافرت خطوة عودت
روحي لداره .. وخطواتي تسوء

من ربيع العمر شمسه ما غفت
شوقي الأنهار ووصاله وضوء

والليالي صوت دمع وما رقت
للصباح اللي سرقني في هدوووء ...!

.
.

.

عبدالله بن زنان

07-09-2008, 02:39 AM

.
.

.

ديرة بدون الما .. فلا هي بـ ديرة
وقلبٍ بلا حبك .. فلا عاد له قلب ..!

.
.

.

عبدالله بن زنان

07-09-2008, 02:57 AM

.
.

.

الجنون عيون .. وعيونك وطن
والوطن من غير عينك وش يكون ??

لا شوارع .. لا أماني .. لا سكن
لاحياه ... ولا ممات ... ولا طعون

انت بلحالك ..... زمن داخل زمن
كيف عمري ينحسب لو يحسبون

أنت لحظة حلم في لحظة شجن
والتزامن .. يعطي اللحظة عيون

لو تغيب العمر ... باهديك الثمن
الثمن : باسـمك خلاااايا ينبضون

يسهرونك.. يرسمونك لي وطن
ولا وطن دونك .. ولا غيرك يمون ..!

.
.

.

عبدالله بن زنان

07-09-2008, 03:08 AM

.
.

.

مساء الصبح ياصبح المسافر
مساء الهمس واللي فاح غيه

مساءك صبح ياروح المشاعر
تعال أسهرك دام الروح حيه

وحيدك ذاب من جور الخناجر
وخنجر رغبتك مازال فيه

تعال أهديك مني روح شاعر
حروفه نبض واحساسه شظيه ..!

.
.

.

عبدالله بن زنان

07-09-2008, 01:46 PM

.
.

.

يخرب مطن الصباح الممتلي برد برد
وش حيلتي دام شمس الحال متغربه

أشوف هالصبح سال ولا تناسيت ورد
ميرالهزيمة جفاف غيوم متهربه

يافتنة الليل ترتيبي على كف نرد
كل احتمالات روحك عطر متسربه ..!

.
.

.

عبدالله بن زنان

07-10-2008, 05:47 PM

.
.

.

ربماا ..

أسكن إثنان لا ثالث لهما :

أنتِ والغياب ..!

بكِ أجدني ..

وبـ غيابكِ أجدك ..

وكلاهما سكر ..!

فأين مرارة الغياب الذي يدعون ..!

.
.

.

عبدالله بن زنان

07-11-2008, 06:07 AM

.
.

.

صوت الحنين اللي قراني غصبني
آمد كفي للسما واسقي النور

آحس نبض الروح فيني نهبني
وآحسه أقرب لي ولا بلل الدور

ماء الحياة اللي كسرني سكبني
كلي حنين وحيلتي شعر وشعور

يافتنة الصبح المسا ما شربني
إلا وأنا فيني مطر يغزل البور

هات الأيادي دام نورك تعبني
مابين روح وروح مافيه دستور

خل التعب يبني جروحه ونبني
سور الفرح دام الليالي لنا سور

أنت الوحيد اللي خياله خطبني
ماغيرك أحدٍ لمني طيش وعبور

سماي تمطر والجفاف اغتصبني
وش حليتي وانا بهالحال منثور

تدري ببال الريح سحرك كتبني
وتدري أحبك كلها نبض ممطور

تعال فيني .. دام نورك غلبني
البيت بيتك والتفاصيل للنور ..!

.
.

.

عبدالله بن زنان

07-14-2008, 01:31 AM

.
.

.

أرتويك ..!

هذا حلم أصعب من اللي جاي

واصعب من صباح يمر ..

حاول يهتديك ..!

كيف أجيك ..؟

وكل خطوات السما عرجا

وكل الغيم مالامس يديك ..!

يا جنون الحال

ياصبح المدى ..

وينك أبيك ..!

انتظاري يشبه لصبح اليتيم

الهارب من الناس ..

في ركن السما .. يسأل عليك ...!

آآه ياصبح السجين الغافي

بحضن التعب

لاباع دمعه لجل لحظه يشتريك ..!

ياخيوط البال ..

يانور السنين العابثة ..

هذا الصباح اللي سهرته

في عيون الليل ..

في روحي وفيك ..!

.
.

.

عبدالله بن زنان

07-15-2008, 03:28 AM

.
.

.

تغيب شمس ... ويحتفل حبر وكتاب
يغيب صوت ... ويحتفل صمت ظلي

واقف على غيمة مسا ناطر احباب
امطر غلا .. وانا الضمى في محلي

آدور بين الأسئلة ... واسأل اسراب
هو ليه أنا ذايب ..؟ ولا ذاب خلي ؟

ليه الغياب .. يسلّم الروح لـ غياب ؟
ليه المسا يسكر من عذوق غلي ؟

ليه المسافة سارقه همس الاهداب ؟
ليه العطر مافاح ؟ ليه انت قلي ؟

تعبت اصبّر في حنيني .. ولا تاب
تعبت حـرب الليل ... واتعبت كلي

بالله من لي لـ امطر الشوق بغياب
أسأل ولا رديت ..! بالله من لي ..؟؟؟؟

.
.

.

عبدالله بن زنان

07-15-2008, 02:43 PM

.
.

.

كل مافي الأمر .. نبض

وموت لحظات وسنا ..

وانتظار بلا فنار

وتمتمة ليل ودنا ..

واحتراف الصمت صوت

والصهيل اوتار

واللحن العنا ..

ليه أنت ؟

وليه همسك ؟

ليه رسمك ؟

ليه روحك ؟

... في تفاصيلي أنا ..!

.
.

.

عبدالله بن زنان

07-21-2008, 05:22 AM

.
.

.

خلاني الشوق وفضاك ..آدورك.. في ساحل أحزاني .. وفي دمعة رجا .. تظهر على سيلٍ تحدر من علّي ..!!

وآرتب ...أمواج الحنين الثايره .. واغسل مزاجي : صبر .. واشواق .. وعنّا .. وانت ولا أنته هناااك .. ماغير أنا .. في زحمة الساعة .. أشيل أضلاع مالت بي معك .. والجمر بكفوف الأمل يغلي غلي ..!!

قطفت لك لولو .. من البحر القديم وساحلي .. وأهديت لك :
ورد .. وأغاني .. وانطلاق .. وعزف مرسم .. ماقرته إلا عيونك .. من جنونك .. وأعترف أني قريتك ... وأنت تتهجا وفااااي .. وتنجلي ..!!

هاتك هنا .. بعضك ولا كلك .. وهات المارد الغافي على روضة لهيبك في منصة مابها غيري وغيرك يابعد موتي وروحي تعتلي ..!!

هاتك دفا .. قصدي وفا .. واسكب مواعيد الجفا للريح .. يمكن .. أستعيد البعض مني .. قبل لا يطعن حنيني مقتلي ..!!

هاتك حبيبي .. هات فوحك .. هات نوحك .. مابقى فيني خطاوي للجديد .. ولا بقى فيني زهور .. وخاطري كله أمل يتعثر بخطوات شوق .. ويحترق مني ولي ..!!

.
.

.

عبدالله بن زنان

07-23-2008, 02:33 AM

.
.

.

شانك علو وكل مافيك عالي
من طلتك .. لآخر متاهات ظلك

انت الضيا مهما تمادى خيالي
الشمس بعضك والضيا من محلك

أدري غلاك أكبر جنون احتمالي
يا أحتمال الروح .. من هو يملك

كلك على بعضك سكاكر سؤال
وكلي على بعضي تمنيت كلك ..!

.
.

.

عبدالله بن زنان

07-24-2008, 07:13 PM

.
.

.

غيابه .. جنون وغطرفة جرح واوهام
غيابه .. حنين الدمع والدمع غايب

غيابه .. سؤال وطاح في عين الايام
يعني .. سؤال من الوله عاش ذايب

ليه الحنين يزورني .. قبل الاحلام ..؟
ليه (الحبيب) بـ عين خله (حبايب) ..؟؟

.
.

.

عبدالله بن زنان

07-26-2008, 04:34 AM

.
.

.

ألم حلم وأمل حيرة / وغربة تسرق الأنسان

وما بين الأمل والحلم .. ملتني عناويني

وحشتي كل مافيني / وضاقت بالعيون اوطان

يكفيني أقول اليوووم : ( ياروووحي وحشتييييني ) ...!

.
.

.

عبدالله بن زنان

07-27-2008, 02:56 AM

.
.

.

أصنع من اللاسلم أبجديات للفرح ..

قلصَ المساحة المترامية الفقد ..

حاول أن تجمع هشاشة السنين لتبني بها لحظة مضيئة ..

أستنطق مسامات الآآآه .. ليصل صوتك بلا ألم ..

حاول أن ترمي حجر النرد بعيدا عنك .. لتحصل على وجه آخر للورد ..

...........

قال كل ذلك ومضى ..

ولم يعلم أن طرقات الفقد يبَست الخطى ..

وأن صباحات العمر لم تضيء عتمة الغربة ..

وأن أصوات العابرين خنجر من سراب لايمطر إلا وجعا كللته الثواني بطوق العقل ..

وأن حدائق الإبتسامة أغلقت منذ وفاة آخر أطفال الصبر ..

لم يعلم كل ذلك .. !

ولكنه يعلم أنني أحبه حباً جما ..

أوليس أبي الذي جمعني ذات دمع بحضنه الصباح وقبل رأسي ..!

.
.

.

عبدالله بن زنان

09-20-2008, 06:10 AM

.
.

.

الغياب اللي ورى صدري غياب
وانت غايب لكن بصدري تعيش

والرحيل المرَ .. ماله أي باب
مثل طيرٍ حر مات بدون ريش..!

.
.

.

عبدالله بن زنان

09-21-2008, 04:33 AM

.
.

.

أغنيتي

جرحي

فوضاي

جوهرتي

عبثي

غربتي

كلها تشير إليك ..

عندما تكون بوصلة الزمن هي روح ..!

.
.

.

عبدالله بن زنان

09-21-2008, 04:37 AM

.
.

.

أسراب من النور تغفو بك

وقوافل غيابك تحث السير

ومابين الأرض والسماء ..

قطرة فارهة النبض تلجأ إليك ..!

.
.

.

عبدالله بن زنان

09-21-2008, 07:35 PM

.
.

.

الحي طيفك والمدى روح مع روح
والموت كل الموت .. لاغبت عني

أنت الوحيد اللي له البال مفتوح
وانت الوحيد اللي غيابه طعني ..!

.
.

.

عبدالله بن زنان

09-24-2008, 03:04 AM

.
.

.

الحب فلسفة القدر في أقبية الروح ..

الروح ملابس آلهية لا يعترف بها سوى الأموات الأحياء ..

الأحياء أنفاس مائلة بزاوية اللهفة ..

اللهفة عنوان النار ..

النار ماء ..

الماء أنشودة الحياة ..

الحياة ضرب من الجنون ..

الجنون نقمة لايشقى بها سوى العقلاء ..

العقلاء جمادات آيلة للتطرف ..

التطرف زاوية أخرى في بيت الطين ..

الطين كلام الماء على شفاه يابسة ..

اليابسة ضفاف من العطش وقافلة من البشر ..

البشر حيوانات ناطقة إلا مارحم الله ..

الله .. سبحانه عما يصفون ..!

.
.

.

عبدالله بن زنان

09-25-2008, 03:34 AM

.
.

.

علمَ طيوف الليل لاتجرح الليل
وعلمَ جفافك كم من الما سقيتك

أهديت لك نبضي على حروة السيل
واهديت روحي ليتني ما هديتك ..!

.
.

.

عبدالله بن زنان

09-26-2008, 04:31 AM

.
.

.

في كل عام انت الفرح بسمة الضي
الشوق قسمي .. والغلا عاش قسمك

( مـ(ن) العايدين ) بجنب (اسمك) ولاشي
تقصر حروف العيد في حضرة اسمك ..!

.
.

.

عبدالله بن زنان

09-28-2008, 05:45 AM

.
.

.

كل عام وكل يوم وكل حين
لكِ بقلبي ذكريات ولكِ شجن

أنتي لحالك فرح كل السنين
وأنتي أوطاني ولا غيرك وطن ..!

.
.

.

عبدالله بن زنان

09-29-2008, 04:34 AM

.
.

.

كذا يعني ..!

يموت الورد بيدك

وانت تدري

اني افراحك وعيدك ..!

من وريدك

كم شهقت

وكم بكيت

وكم سقيت

ولا لقيت

إلا الفرح ذابل على زحمة قصيدك ..!

لا تقول أهواك

وابغى اسمع جديدك ..!

مابقى بالشعر معنى

والليالي تصفع شموعي بريح الفقد

والخاسر رصيدك ..!

لاتعلمني عليَ

ولاتقول

الموت تفاح السنين

ودمعتي تشبه عبيدك ..!

قول كنا

قول متنا

قول أي حروف

غير انك تحاول تزرع شفاهي أمل

وأنت الألم

واللي بقى لك كل من بعضي

وزحمة جرح

خذها تسهر بليلك

وتعبر بك متاهاتك

عساها من لظى فقدك تعيدك ..!

.
.

.

عبدالله بن زنان

10-02-2008, 03:16 AM

.
.

.

أنتي سحابة.. راقصة في سحابه
وأنا معك .. قطرة مطر / أبني السيل

لولا حنين الروح / خنت الكتابه
ولاكتبت لخاطرك .. دمعة الحيل

أنتي شموخ البال/ وآنا الغرابه
وش عاد والفارس .. يزاحم به الويل

يرقا السؤال .. ولا حسب لـ الأجابه
وسيرة جموحه/ سابقة سبق الخيل

روحي فديتك .. كل ابونا قرابه
حوا وآدم .. شمع والضو لـ الليل ..!

.
.

.

عبدالله بن زنان

10-04-2008, 06:03 AM

.
.

.

جيت بأول حنيني .. ضعت والصبح راح
مادرت شمس روحي .. عن ظلام الحنين

وحدي أنظم من الأوطان / عقد الكفاح
وحدي أبكي على الذكرى / وهمس السنين

التفت حولي القاهم / خيانة صباح
وارجع لبيت صمتي .. واحتفل بالأنين

غابرة .. كل خطوات الرضا والسماح
صاغرة كل دنيا .. تستغل الحزين

آآه ياوجد روحي .. في زمان النباح
كل صوتٍ سمعته .. خان قمرا وطين

والبحر لاذكرته .. عشت معنى اجتياح
واغرق بكيف نبضي / حلم ماله يدين

يازمان الغرايب .. فيك ذنب الرياح
وفيك لاعشت ميت .. صار للموت دين ..!

.
.

.

عبدالله بن زنان

10-09-2008, 01:13 AM

.
.

.

تعاال .. وينك ..؟

ما بقى فيني سحاب ..

إلا وجرحه مرَ..

مثل العمر ..

يزرع أبعادي ألم يسقي جبالك ..!

تعال فيني

واكتب آمالك على شمعة وصالك ..!

تعال كلك

واشرب احساسي ..

وخذ مني أنا

يمكن على جال السنين العابثة ..

تبهر دلالك ..!

يا غريب النبض

كلي أرض ..

وأنت أعذب مطر

همسه شجن دافي

وحضنه صبح ..

يتهادى على بالي ..

ويتمادى دلالك ..!

وين رحت

ووين غبت

وداخلي فوضى

ترتبني جروح

وتشتعل فيني مواويل الحنين

وتبتدي حمَى جدالك ..!

" كيف حالك "

أسهل من الموت

واصعب من شفاه تمرها ..

وتعيد لي فوضى احتمالك ..!

" كيف حالك "

ماتلم اللي مضى

لكنها أهون من رياح الأسى

لاجت تفاوضني

على دمعة شقا

مرت على خد السنين

ولا لقت طيفك

ولا نوض اشتعالك ..!

ليه أنا كلي هنا ..!

وليه أنا

دون كل الناس ..

ما ألقى جوااب

ولا ولا .. ألقى سؤالك ..!

.
.

.

عبدالله بن زنان

10-09-2008, 03:45 PM

.
.

.

الغريب أني مع صغرك كبرت
والغريب انك مع شوقي صغير

انكسر فيك الوفا يوم انكسرت
وابتدا عزف المواجع لـ الأخير ..!

.
.

.

عبدالله بن زنان

10-10-2008, 03:02 PM

.
.

.

غربلة

فيَ وهجير ..!

بين رمضا شوق

واحساس الأنا

عايش هنا

ميت هنا

لكن أنا كلي هناك

آروض احزاني وفا

يمكن مع روحي أطير ..!

انت تدري

وانت صدري

وانت موالي

غناي

وفرحتي

كلي

وانا كلك

ولا يمكن بدون احضانك اكبر

أو أحس أني كبير ..!

كيف ؟؟

ليه ؟؟

ولامتى ؟؟

أسئلة تبني حصار من التعب

وابني من اشواقي مطر

يمكن تحس أنك وطن روحي

وروحي من عناك

تهدهد الجرح بشذى ذكراك

يالعطر المثير ..!

خلني بيني وبيني

عطني احزاني وديني

لاتخليني هنا

ماني أنا

كلي مساحة موت

اوأشبه لدمعة مرمرت خد الأسير ..!

انت تدري وش تكون

لاتساءلني

ولا تبني حصون

انت أنا

وأنا بكل احساس هالدنيا

أحبك لـ الأخير ..!

.
.

.

عبدالله بن زنان

10-11-2008, 11:08 PM

.
.

.

عطرَت ذكرى بسمتك .. في خيالي
وفاح الشذى / دمعه وغصه وترحال

سافرت فيك لحالي / ابكي لـ حالي
لقيت صدك .. جيش ورماح ونبال

إلى متى حربي معي وانت سالي؟
إلى متى والطير بالهمَ رحال ؟؟

العمر خنجر/ والدما في سؤالي
لاوين يالغربة .. تذلين رجال ..!

.
.

.

عبدالله بن زنان

10-12-2008, 07:43 PM

.
.

.

كم قلت لك .. روَح وانا روح عاادي
غربه على غربه .. وصدري لها يمَ

الحب .. ماهو لـ الجسد والأيادي
ولا هو غواية في زمن " قلة الدمَ "

الحب .. طير يعيش في كل وادي
الحب .. روح وصرخته مالها فمَ

لا تجبر كسور العطا في ودادي
دام الضماد جروح / لاعاد تهتمَ

قم ولع الفرقا .. بزيت المبادي
وآآنا بولع لي .. مصابيح لـ الهمَ

غربه بغربه .. والمطر عاش حادي
ولا خير في غيمه بلا مااء ياعمَ ..!

.
.

.

عبدالله بن زنان

10-13-2008, 10:21 AM

.
.

.

لاصباح

لا مطر

لا حياة

مجرد شمس عابثة وحنين قاتل على لوحة الفقد ..!

ياأنثى المطر ..

يافوضاي وأنيني وكل تفاصيل العروق ..

أنا لست أنا ..

مع أنني لازلت أعشق الأزرق ..

ولازلت أرتب بسمتي قبل أن تضحكي على أوتارها

وترتيب حضورها ولعثمة أنفاسي حينها ..

ولازلت أوقد شمعة يتيمة في كل ليلة ..

ولازلت أردد كلماتك لأشعر بي على قيد الحياة ..

و ..

و...

هل يمكن أن تذوب مياه الوجد ..؟

هل يمكن أن تقتل سنابل الوفاء ..؟

هل يمكن أن أنساك ..؟

وهل وهل وهل

لا أدري ..!

ربما أضعت طريقي ..

وبحث عني طريق الفراق ..

ولكنني على ثقة بأنني .. أحبك ..!

.
.

.

عبدالله بن زنان

10-13-2008, 08:56 PM

.
.

.

تعالي بصدري هنا

يمكن ألاقي الدمع في حضنك

بليلة موت ..

والقاني أنا..!

.
.

.

عبدالله بن زنان

10-14-2008, 10:05 AM

.
.

.

لاتسألين الصبح عن نجمة الصبح
يكفي الظلام يعيد لي نكهة النور

الحاضر بدونك سنابل بلا قمح
والماضي بروحي تفاصيل ممطور

دام الغياب حضور يطلبني الصفح
خلي السحاب يسمَي غيابك حضور ..!

.
.

.

عبدالله بن زنان

10-14-2008, 10:22 PM

.
.

.

السنين .. الله يانقش السنين ..!

أسامينا ..

أغانينا ..

أمانينا ..

نقشناها على روح الصباح ولا لقينا نور ..!

كتبنا الأزرق الهادي ..

وعلينا البيارق شوق ..

وخيل الذوق .. فرحانه ورويانه ..

وعاشت بالوفا الممطور ..!

كتبنا .. واحد اثنين وثلاثة

كتبنا .. " أحبك " في جدار العمر ..

لمينا المسافة بالعطا ..

كان الغياب حضور ..!

كان الجبل وادي ..

وكان الما على جناح المدينة ..

ينقش الأرواح باركان الفضا ..

ويسامره عصفور ..!

كان .. كل الكون مينا ..

والسحاب اللي سكنَا .. كان منَا ..

وكانت دموع الزمن لولو فرح منثور ..!

ليه كنا ..؟

ليه ماصرنا .. ؟

وفاس العمر يقطع مابقى ..

من جذع وافي مايخون البور ..!

ألا ياروح من حبك ..

قليله كلمة " أتألم " ..

ودمي في خريف النبض ..

يسهرني على غصة عنا ..

ويزفني مكسور ..!

انا ماودي اشرح لك ..

ولكن ودي الدمعة تمر وتسقي جروحي ..

وتسقي بالضلوع طيور ..!

تعبت اطلب دموع ولا يجيني غير خنجر ..

في ضفافه موت يتثنى ويتأنى ..

وانا ماعاد لي خاطر أمرر هالممات السور ..!

ألا ياشمعتي ..

ياملح عمري ..

مابقى في شهقتي دستور ..!

نويت ابعد على شانك ..

على شان العهود اللي رقت فيني ..

وتشقيني ..

وتنخر في عظامي ..

بالحنين الماطر المجبور ..!

دخيل الشمع ..

دخيل الدمع ..

ليه الأسامي ماتخون .. ؟

ليه الزمن ماهو حنون ..؟

ليه البشر دايم على باب العطا ماتحتفل وتثور ..!

ليه احتراقي .. له عطور ..؟

ليه انت أنا ..؟

ليه المطر صار القهر .. ؟

ليه الدقايق في حسابات الوفا ..

تحسب عليَ شهور ..!

يكفي ويكفي يا أنا ..

مالي على فرقاك حزمة من " قدر " ..

ولالي على معنى الغياب ..

إلا الصبر فوق الصبر يمكن يعيد النور ..!

.
.

.

عبدالله بن زنان

10-16-2008, 03:35 PM

.
.

.

هنا ولا هنا ولا هنا ..؟؟

مدري اشوفك فين في كل جسمي ..!

الأكيد ..

أنك على جال العرروق ..

تمربي .. وتعيد رسمي ..!

.
.

.

عبدالله بن زنان

10-17-2008, 11:47 PM

.
.

.

ياللي سرقت من الفتن فتنة الروح
لا لا تغيب .. وفتنتك تشتعل ضي

تعال لمَ جروح / صاحت من جروح
تعال فيني شي .. ماعاد بي شي ..!

.
.

.

عبدالله بن زنان

10-18-2008, 11:07 PM

.
.

.

الحقيقة / الوطن / حنَا .. وهُمَ ..!

أربعة اضلاع والموت الغياب ..!

ليه سيفك ياغريب

ليه موالك على ريح الألم ..!

ليه حنَا للحقيقة ..

نبني الأوهام في زحمة ألم

ونسمي الظلما ضباب ..!

ماسألت الناس

لكن بالعيون

زحمة افكار وتعب

زحمة جروح ولهب

من يسمي الأرض فستان السراب

ومن سقى التربه مواويل الحزن بعد الغياب ..!

من يعلمني عليك

وآآنا في حضنك أعيش

والمواني في غياب البحر

تسألني عن اطرافك وعن ثوب الفرح ليلة حساب ..!

لاتعلمني عليك

والتفاصيل الثمينة في يدي

تسأل عن الساعة ..

وعن شمس الحقايق

لـ أشرقت مثل الذهب ..

في صدر دافي للتراب ..!

ياوطن ياحلم

يا أغلا الجواهر في عذوق القلب

يكفيك اغتراب ..!

مابقى بجوف الليالي

غير دمعه

ظل شمعه

تمتمةأحزان ..

فوضى ..

وانثيال الما على وجه العتاب ..!

يا جنودالروح

ماعادت معارك غربتي تسأل عن الموعد

لحرب الذنب في غابة ذئاب ..!

مابقى للنصر قيمه

ولابعد للدم شيمه

والمدى أزرق

وكل الكون يتساءل

وتتمادى النجوم تغيب في حفل الكلاااب ..!

.
.

.

عبدالله بن زنان

10-19-2008, 11:06 PM

.
.

.

ماغير نورك ساكنٍ في جفوني
ولا غيرك أحدن في عروقي قريته

وشلون تبعد عن عيوني عيوني
وشلون ينسى المغترب حضن بيته ..!

.
.

.

عبدالله بن زنان

10-22-2008, 09:59 PM

.
.

.

طفلين / وستارة مدى أزرق / وماء وطين
والتلال .. اصواتها حية / وعزف انسان

اختصارات الرياح .. أجواء / تين وتين
وانتصارالملح عذب .. ألوان في ألوان ..!

.
.

.

عبدالله بن زنان

10-22-2008, 11:29 PM

.
.

.

يخرب مطن التوت .. في فاصلة ورد
ويخرب سنين البوح / والقاطف أعمى

ياورد حنَ .. لـ خاطر الدم والبرد
همس السحاب عيون .. والدمع ظلما ..!

.
.

.

عبدالله بن زنان

10-23-2008, 03:29 PM

.
.

.

نخاف الحب نتمادى غياب ونطعن الأسباب
نموت بزحمة الغربة / عطش والما يخاوينا

تعب كل السنين اللي نجمَلها برسم عتاب
تعب كل الدروب اللي .. نستنا ماتنادينا

ألا ياشمعة الآتي .. وروح الماضي المنصاب
متى حرب السؤال تموت .. في زحمة أمانينا

أنا وأنتي مثل دمعه تعيش بخاطر الأغراب
نسوا ملح العمر وقت انتظار الحلم بالمينا ..!

.
.

.

عبدالله بن زنان

10-23-2008, 11:43 PM

.
.

.

قم ولع الفرقا .. على ظلمة الحال
خلَ الضيا يفرح .. بـ فرقا يدينا

رحمة عيون الليل / ماريحت بال
ودمعة سحاب الوجد .. ترتاح فينا

قلَ لـ الغياب يعيش في صدر رحال
دام الدروب حروب .. بالموت جينا

ما لـ الغريب الا وطن نصه آمال
ونصه جروح ... تسمي الرمح مينا

ياصبح روحي / مابقى للضيا فال
النور فرقا .. والحطب من يدينا ..!

.
.

.

عبدالله بن زنان

10-24-2008, 12:42 AM

.
.

.

مهمله .. دمعة الرحال عند الغروب
مذنبه .. كل خطوه في طريق الغياب

المواجع / مدينة ظلم .. زحمة هبوب
كل غصنٍ سقيته عدل / يكبر عذاب

ماحصدت الجروح الا بنبض القلوب
ولا عمرت الليالي غير حزن الكتاب

سمني ماتشاء .. النبض ماهو ذنوب
يكفي اني زرعت الحب بين الهضاب

ويكفي اني جبل من عاليات الجنوب
ويكفي اني نحتَ الصخر بيد السحاب

خذ من الدمع طرس ومن عيوني دروب
واشبع الليل ماااء ولا تملَ العتاااب

الزمن مايصب اللين .. وقت الحروب
والمدى مايجف .. الا بـ ماء السراب

خذ من اعداك حكمه واعترف بالخطوب
وخذ من احبابك البسمه ولين الجناب

خذ حروفي نصاب ولا تصيراللعوب
وخذ مداين ورود .. ولا تعلَ الخطاب

غربتي خنجري / والليل مهما يتوب
ذنبه أني قريته .. واعترف بالغراب

لويطيَر جنونه .. صرت كلي شبوب
بندق الصبح ثارت .. ما عليها حساب

ياوسيع المدارك .. خذ عيوني دروب
وخذ من الرحلة القشرا عيون السحاب ..!

.
.

.

عبدالله بن زنان

10-24-2008, 10:19 PM

.
.

.

يطعن الرغبه بغربه .. وش يسوي بالحنين
دام نص الليل شوق / ونصه الثاني جروح

ياهلا بطعون حالي / هذا أناطول السنين
الجمر مجنون صدري .. واللهب مجنون روح ..!

.
.

.

عبدالله بن زنان

10-25-2008, 07:15 PM

.
.

.

أيا وطن .. خذ توبة الذنب عنوان
يكفيك صمت .. يعيدني لـ التمني

همي تكون انسان بـ عيون الانسان
وحلمي تشيل الصبح / لا طاح مني

هذا الشتات المرَ / مايقبل ألوان
وآنا معك .. مثل العقارب نغني

الوقت خنجر / والدما صمت جدران
قمَ شكل اللوحة .. مع لون ظني

أنا الوطن / واقرا تفاصيل الأوطان
وش هو الوطن ؟؟ والليل حضنه سكني ..!

.
.

.

عبدالله بن زنان

10-30-2008, 12:48 AM

.
.

.

تفاصيل الغرق لوعة / حديث النافذه للريح
وتهذيب الورق متعة .. غريب يسابق حصانه

شتا يطعن شتا وأنتي / فضا ماهمه التلويح
وفصول الحزن تسرق .. ربيع العمر والوانه

" أحبك " كلمه اكبر من سحاب يمرني ويصيح :
دخيل الله تعبت أثني غصون البال لـ احزانه ..!

.
.

.

عبدالله بن زنان

10-31-2008, 12:37 AM

.
.

.

ليلة حنين / ودمع / والشمع خافت
ليلة وجع .. ترقص / على خاطر العمر

أحس فيها.. بـ الورق / حيل نابت
وآحس فيها .. شوق / يسرقني الصبر ..!

.
.

.

عبدالله بن زنان

10-31-2008, 02:56 PM

.
.

.

الأصابع نور / والبلدة ظلام
والكتابة أرض / والغيمة قلم

اسرقوا نور المواجع .. بالكلام
لجل يحيا الما / على جال الألم ..!

.
.

.

عبدالله بن زنان

11-01-2008, 03:05 AM

.
.

.

الصمت حكمة / في زمن .. زحمة الصوت
والصوت رحمة / في زمن .. غصة الصمت

والليل .. مهما طال / مافاتك الفوت
بيعيش صبحك .. ذكرياتك .. ولو مت ..!

.
.

.

عبدالله بن زنان

11-02-2008, 09:48 PM

.
.

.

كم من أحرار عاشوا .. لقبوهم عبيد
وكم من اسياد سموهم .. عبيد البشر

يازمان الكذب .. صار الشقي السعيد
وكل ماطاحت عيوني .. رفعت النظر ..!

.
.

.

عبدالله بن زنان

11-03-2008, 06:34 PM

.
.

.

الياسمين / وضي روحك / وطاريك
رحلة مطر / ما بين روحي وروحي

إما تعااالي اليوم / واسقي أراضيك
ولاَ هديتك .. مابقى من جروحي

الى متى .. والسيل ماءه يراضيك
إلى متى وانتي .. حكاية طموحي ..!

.
.

.

عبدالله بن زنان

11-03-2008, 11:49 PM

.
.

.

في مهب الليل برد / ولا جديد
ذكريات / وسيرة الغصة / وأنا

لا نحرت الليل .. باطراف الوريد
فاح عطرك .. والدما/ تكتب عنَا

ولا لبست البرد / بعيون البعيد
جيت يمك غصب .. والبرد انثنى

غربة الأنفاس / تكتبني وحيد
والحنين .. جيوش وانصال وفنا

لوحة الأيام / أحلام وجليد
والمطر .. ماعاد له لون السنا

السيادة غيم / واشواقي عبيد
والمدينة صمت .. والليل اغتنى

هات بعضي .. لجل كلي بك يزيد
وخذ عيوني .. لاتخليني هنا ..!

.
.

.

عبدالله بن زنان

11-05-2008, 02:12 PM

.
.

.

بعض المطر .. غيمه وديمه وإحساس
وبعض المطر .. مافيه مـ الذوق حاجه

وبعض البشر / ودك تشيله على الراس
ويصير تاجك .. وانت بالضبط تاجه

وبعض البشر .. ودك تغطيه بنحاس
وأقرب بحر .. ويعيش مأخذ خراجه

الفرق واضح .. بين معدن وألماس
قلبٍ لطيف / وقلب .. كنه زجاجه

ياصاح / لا تتعب على شيلة الفاس
دام السواقي .. واقفه في حراجه ..!

.
.

.

عبدالله بن زنان

11-07-2008, 11:27 PM

.
.

.

حين يحاول السكر أن يذوب بين عروقك فلاحيلة له سوى الإنتظار ..

الإنتظار رحلة ..!!
طويلة في عيون الوفاء .. وقصيرة في عيون الخيانة ..

الخيانة .. كائن يعيش بقلوب لم تخلق للحياة ..

الحياة ممطرة دائما .. فقطرات النبض ليست سعيدة دائما ..

دائماً .. تبكي الأنثى في أوقات كثيرة بماء وملح ..
ولايبكي الرجل سوى بمااء .. وفي الأوقات التي لاتبكي فيها الأنثى ..

الأنثى .. نبضة دافئة .. تحب السماء وتحب
الظل ..

ولهذا فهي غير مستقرة بين السماء والأرض ..

الأرض .. مجرد طين لايحس إلا حين نُحس به .. ولا يموت إلا حين نموت جميعنا ..

جميعنا وطنيون إسماً .. وبعضنا وطنيون قولاً ..
وبعضنا وطنيون فعلاً .. وآخرون لم يجدوا وطن ..!!

وطن / تكتب ..

(و)ترٌ (ط)ـهره (ن)ـبض
(و)ردٌ (ط)ـوقه (ن)ـجاه
(و)بلٌ (ط)ـعنه (ن)ـزف
(و)ليدٌ (ط)ـعمه (ن)ـهر
(و)حده (ط)ـار (ن)ـسياناً
(و)رقٌ (ط)ـيشه (ن)ـحن

فاقرئه كماتريد أن تكون ليكن ..!!

ليكن باب الحلم مغلقاً .. لامشكلة

ماعليك سوى أن تقفز إليه من شباك الأمل ..!!

.
.

.

عبدالله بن زنان

11-10-2008, 09:53 PM

.
.

.

الديمه اللي زلزلت / خاطر الروح
بين الحنايا .. تزرع غصون كادي

ماهي مطر / لكن لها صوت مبحوح
أوتار شحت بالندا .. وانت غادي

لاوين أبهدي هالمدى / عطر وجروح
لاوين بآعيشك .. وموتي ينادي

واللي خلق من نظرتك .. سحر وجموح
ماشوف غيرك سال .. في كل وادي

هذي شرايين الوله ... تحكي النوح
وهذي خيوط الغبن .. لفت ايادي

زحمة قيود .. تعذب الليل وتروح
ولاجا الصباح أشوف عينك بلادي

وحدك حضنت الما وانا اعاشر طموح
ووحدي بكيت الحلم / في ركن هادي ..!

.
.

.

عبدالله بن زنان

11-12-2008, 10:17 PM

.
.

.

راحت مواعيدك .. على باب " يمكن "
وباب الوّله .. مفتوح لك طول عمري

إما تجيني .. مزن بـ الحضن تسكن
ولا بجيك دموع .. وتشوف صدري ..!

.
.

.

عبدالله بن زنان

11-15-2008, 11:17 PM

.
.

.

طيور الود ..

ماخلت اغصون الشتا البارد

تموت من الحنين ..!

بين أخذ وبين ردّ ..!

زحمة رياح وأماني

واقفة بشموخ شيخ ..

واقفة باحساس وردة ..

غافيه / ديمه على روض الحنايا ..

تهدي النصل الحياة

وتسرق الأحلام من عين السنين ..!

قصر عالي

من ظلام ومن أنين ..!

تشرق بوجهه سموم العشق

موال الفنّا ..

مابين يأس وبين حمّى نبض مجنونه

بدرب الحايرين ..!

ياتفاهات المطر

والليل فستانه ثقيل

ومن لبسه

إلا دموع تزفني مني

وتهديني سمااء العابرين ..!

.
.

.

عبدالله بن زنان

11-23-2008, 12:46 AM

.
.

.

روح تسكن روح ..

والباقي سماااء ..!

لا جفاف ولا اعتناء ..

كل مابالنور ظلما ..

والعيون الذابلة حمَى رجاااء ..!

يا أمير النور ياطعم البقاء ..

ماسألني عنك غيرك ..

يوم عانقت السحاب المختلف جمره ..

وترحيبي سماااء ..!

هات بعضي ..

لجل بعضك ..

لجل يتسامى على شارع حنيني

صوتك العذب الضياااء ..!

ياحبيب النبض ..

يانبض المساااء ..

مالتعريف الدموع إلا غلا ..

يسكن مواويل الحياة ..

ويحتفي بفراقنا ..

صوت انتماااء ..!

مابكيتك ..

ماهويتك ..

مارجيتك ..

ما احتويتك ..

ما عطيتك ..

ما لقيتك ..

كل ما بالأمر .. نقش لـ روح .. في مجرى الدمااء ..!

.
.

.

عبدالله بن زنان

11-24-2008, 12:27 AM

.
.

.

روحي فيك .. يا معنى الأمل / ياقيمة اللي راح
وباقي لي بعض فوضى .. تزم الجرح باهدابي

أشوف الناس ماهي ناس / دونك ماعرفت ارتاح
ولا حسيت وش معنى الحياه / بزحمة أصحابي

وحيد من الفرح / مالي من الأحباب غير جراح
أتصفح / مواجع من مطر .. وآبلل ثيابي

غريب الما / يذوق الما .. "خيال" بحلمه الفضاح
وغيمة خاطره .. حزن الفقيد الموجع الرابي ...

... على حدب الضلوع أرسى مراكب مالها مفتاح
وضاع بزحمة الغربة .. وضعت بكامل اسرابي

طيور بلا فضا .. حطّت على بالي تقول / اشباح
وصرت أغصان في قصر الخريف / ودمعتي بابي

ألا ياروح من حبك ... ألا يا صبحي اللي طاح
أنت اللي سرقت الناس / وانت الناس واحبابي ..!

.
.

.

عبدالله بن زنان

11-28-2008, 11:39 PM

.
.

.

الغصن غافي / وطير البرد " حال "
والفصول حمول / والدنيا .. تعب ..!

كل ما هبت رياح الوجد .. سال
كل مابي .. والبقا / زحمة عتب

أستخير الما .. واقول الغيم فال
واثر كل الغيم .. تلويحة صخب

ماهقيت من المطر .. ذل السؤال
ولا رجيت من الزمن مال وذهب

كل آمالي .. هدوء / وصبح بال
وكل أحلامي .. على ذاك المهب

أنتظاري يلبس ثياب .. الوصال
ولاحصل له / لا جماد ولا رجب

واقف لحاله .. على شهر الجدال
والسنين تمرّ .. واحواله عجب

الأمل يشرب من عروقي دلال
والعطش رواي حناياي بسبب

كل غيمه تسكن .. حدود الخيال
ما تصب الما / على راس التعب ..!

.
.

.

عبدالله بن زنان

12-01-2008, 01:52 AM

.
.

.

ليل المدينة برد
وشموع في سله

هذي رياح النرد
تله ورى تله

والسيل ماهو فرد
أمطار منهله

يعني دخيل الورد
وش آخر العله

تعل لجل البرد
وجنون عبدالله ..!

.
.

.

عبدالله بن زنان

12-03-2008, 02:42 AM

.
.

.

نصفي أمطار ورياح / ونصفي الثاني غلاك
وانت في كاس الحنايا .. في فراغ الإنتماء

شفت فيك الأمنيات / ولاشربت إلا جفاك
واحتميت بكل ممكن .. سور حلم بلا بناء

ياحبيب النبض ياللي / طرت وجناحي سماك
وين كونك من جنونك / والمقادير ابتلاء

علمّ عيوني تنام ... وعلّم الظلما ضياك
يكفي أن الشمس خدك / والتواضع كبرياء

لا مشيت آحس كلي / يمشي بخطوة رضاك
ولاقفت تشوف رسمي .. صارت اللوحة دماء

تدري انك بالعروق / وتدري ان السيل ماااك
وتدري جنون السحايب / نبض يتسمى بـ مااء

هاك عزف الما .. وعطني / مايخليني دفاك
يكفي انك كل مابي / وانت معنى الإنتـماء ...!

.
.

.

عبدالله بن زنان

12-05-2008, 03:31 AM

.
.

.

لو زرعت العيد .. بـ عيون البشر
ما أشوف إلا أنت عيد / ولا سواك

أعتبرني عيد / مرة في العمر
وبـ اعتبرك العمر ..عيدي ياملاك

.
.

.

عبدالله بن زنان

12-06-2008, 03:14 AM

.
.

.

تدري .. أغانينا فرح ..
وتدري عن القلب الكبير ..

تعااال .. كم عيد أنجرح ..؟
كم راح .. من لحظة عبير ؟

طيوري أمست في ترح
وآنا على بالي تطير ..

بس للحسافة / مابرح ..
.. طيرك / وطيري في هجير ..!

.
.

.

عبدالله بن زنان

12-07-2008, 01:29 AM

.
.

.

علميني كيف أنام ..!!

علميني كيف أغطي الدمع

لافرفرف على صدري وسام ..!

علميني كيف أفارق هالوجع

وجناحي الفوضى ..

وليلي في زحام ..!

علميني كيف أعيش ؟؟

كيف أنسج من براد الليل ريش ؟؟؟

علميني كيف تغريد المطر

كيف السمر

كيف القلوب تعيد للدنيا أماني من وئام ؟؟

علميني كيف أعيش

كيف أطيش

كيف ألم الورد وايدينك سهام ؟؟

علميني كيف همس الليل

يتحول هديل من الحمام ؟؟

علميني كيف أمارس عطلة الأرواح

وبروحي خصام ؟

علميني كيف تدوين السهر

كيف القهر

يصنع من الدمعه لثام ؟؟

علميني

علميني

علميني ... كيف أموت ؟؟؟

.
.

.

عبدالله بن زنان

12-13-2008, 09:47 PM

.
.

.

علمّ جسور الود .. وشلون صبري
دربي يضيق / ولا لمحت انفراجه

أعطيت / لين الليل عشش بصدري
ومثلك يخون النور / يطفي سراجه

أدري / بأنك تعرف اليوم قدري
لكن وش اللي صار بعد المواجه؟

شفتك غريب .. وغربتي فيك قبري
ولقيت فيك الورد .. ذابل حجاجه

لو عشت مهما عشت / مافاح عطري
وعطر المحبة / في بحر / في زجاجه

خلك على صغرك .. وبتشوف كبري
دام الزمن ماعلمك أي حاجه ..!

.
.

.

عبدالله بن زنان

12-15-2008, 11:17 PM

.
.

.

غفرت لك ظلم اشتياقي / وحنيت
ولقيت ظلم الليل : باب اغترابي

طال انتظاري لـ السحابه / ولا جيت
ومن يومها لـ الشوق : قفلت بابي ..!

.
.

.

عبدالله بن زنان

12-17-2008, 11:33 PM

.
.

.

كل مازادت أحوال الغريب اغتراب
شبَ ضوَ الدروب .. بجمرها يعتني

يسأل الشوق ليه احنا سلبنا الحصار
وليه أنا عشت لجلك وانت ماعشتني

كنت لك كل مايمكن وكنت الكتاب
وانت كل العمر خنته ولا كنتني

اشتريتك بكل احساس / زحمة عذاب
كنت لي كل شي / وللأسف بعتني

المطر بلل أطرافك .. وذاب السراب
وانت راوي مطر عمري ولا امطرتني

رحَ لك الله .. وانا بـ سكن دروب الغياب
ذنب عشقك خطية .. وانت طهرتني ..!

.
.

.

عبدالله بن زنان

12-20-2008, 09:54 PM

.
.

.

وين أروح بليلي المعتوه .. حزن / وذكريات
وين أودي وجه يأسي ..؟؟ والوجيه ملونه

كل درب يعيدني : فوضى / وأعيش بلا جهات
وكل نظرة من عيون الصبح / فعلاً محزنه

آآه ياوجد الظروف الثايرة / ظلم وشتات
وآآه من عين السنين .. ودمعها كيف احضنه ..!!

.
.

.

عبدالله بن زنان

12-23-2008, 12:19 AM

.
.

.

الحب وسم أرواح في خاطر الما
الحب طير الصدق والريح الأيام

الحب ومضة نور في بيت ظلما
وأنفاس فوضاها مشاوير واعوام ..!

.
.

.

عبدالله بن زنان

12-29-2008, 12:16 AM

.
.

.

كل ماجيت السحاب القاك أرض
ولا نزلت الأرض ..رفرفتي سما

وين أودي وجه حلمٍ صار فرض
وانتي عيوني ..وفقدانك عما..!

.
.

.

عبدالله بن زنان

01-01-2009, 12:07 AM

.
.

.

قافي على مفرق سنة / يبكي أشياء
موت السنة وغياب روحي بروحي

إلى متى يارب .. بنموت أحياء ؟
وإلى متى يارب .. تنبض جروحي

آسيل في كل المتاهات ... باشلاء
ماني أنا ... والدمع يهدم صروحي

كني شتا / كني مدى .. كل الأنواء
مدري وش آآسمّي : حكاية جموحي

خيلي يقود الصبر / في كل الارجاء
واحفر معه نقش المطر في صروحي

واواجه رياح العنّا / غربة الياء
وارسم جنون الما .. على ضي لوحي

جمر السنين يزيدني / موت واعياء
وليل الحنين .. يعيد لي / نار بوحي

وآآغيب فيني .. واذكر النور حواء
وآضيع في ظلما .. مراسيل نوحي

النور نبض ارواح .. وحكاية الماء
هي حلم روحي / دام روحي بروحي ..!

.
.

.

عبدالله بن زنان

01-03-2009, 10:40 PM

.
.

.

بروحي طيش حلم / وحلم آتي
وحلمٍ مات .. ماله أي قيمه ..!

تموت احلام / والأفراح تكبر
يموت الناس .. وتعيش الهزيمه

لك الله ياوطن حزنك كسرني
ولا لي في سحاب الظلم ديمه

عيوني شافت أبعد من عيوني
وحلم الناس صار أكبر جريمه

قريت اللي بعد ماصار فيهم
وشفت الذل يرقا في غريمه

ألا ياحلم .. وش حيلة جروحي ؟
وانا وافي ... وكلي نبت غيمه

سكوتي حزن / في بعض المواقف
وصوتي طفل .. وافكاره يتيمه

تموت اطفال بعيوني .. وصدري
يعيش الظلم .. وايدينه كريمه

تعبت أشرب جروحي من جروحي
تعبت الليل ... والحرب الأليمه

شرف ضايع / وعزم يموت فينا
خيانة أرض .. والنية سليمه ..!!

وطن يكفيك مني .. دمع عيني
ويكفيني غياب .. أرضٍ عظيمه

تعبنا الحلم .. وجنونه وموته
على الأوراق .. ماله أي قيمه ..!!!!

.
.

.

عبدالله بن زنان

01-12-2009, 10:22 PM

.
.

.

ياكثر زحمة خاطري .. ليل في ليل
واشلاء تهدي جرح .. واشلاء ماتت

كلمة " تعب " فيها تعب ينسج الويل
الصمت عنها جرم والصوت خافت

فيني جبال الهمَ / تركض على خيل
والخيل في درب المسا ماتعافت

متوجهه شريان / ماعاد به حيل
صرخة عروق .. بذل / مايوم نامت

شمعة عيوني / عدلها أسود الميل
مايوم كف النور .. فيها استقامت

فيها أمل / يكبر مع دمعة الجيل
وفيها طيور الحلم .. بالصوت حامت

حسرة زمن تافه / تثنى به السيل
واحتار كيف يعيش .. والناس ماتت ..!!

.
.

.

عبدالله بن زنان

01-22-2009, 11:31 PM

.
.

.

مشواري ومشوارك ..

مساحه لـ الغرق ..

وتعيش روح تزلزل الباقي من اركان الصباح

ويحترق فيني مسارك ..!

سألتك ..

لامتى ..؟؟

وآآنا على باب السنين

أقرا حنين ..

وأقرا ملامح هالمطر ..

لاداعب اغصانك تدلى من جدارك ..!

سألتك ..

صمت

قريتك

كل حكي النااس

لاصار الحكي جرح الدقايق

والشفايف مالها معنى ..

سوى فض الكلااام البكر وغيوم انتظارك ..!

وين دارك ..؟

وين اساسات الغرام الباكي

بأحضان نااارك ..؟

منك ..

من فوضى حصارك ..

مابقى لجناح روحي

غير لون الصبر

وجنون اختيارك ..!

يابعد هالكون ..

ياحمّى الضلوع ..

الغايره بالشووق ..

وش باقي ظلااام

وكل مابالأرض

يتمنى نهااارك ..!

ياحياة اليوم

يابكره

ويا معنى انصهار الما

على خد العطش

لاولّع الوجد الغبي

ناااري وحسيت انشطااارك ..!

وينك ..؟

وانا كلي مساحه لـ الغرق

متوحد بروحك

على قمة أنين

ولا بكيت إلا حصااارك ..!

.
.

.

عبدالله بن زنان

01-26-2009, 11:51 PM

.
.

.

انتظار ..

يعني الزحمه غيوم

وباب روح

وليل مكسوره عظامه ..!

يعني بركن السما

وحدي على زحمة أمل

كلي ألم

مشدود في ليل انتظار النور

وحبالي كلاااامه ..!

لا ملامه يابحر

وانت الذي فيك انشطرت

ولا انهزمت

ورحت ادور فيك عن نصي ..

وعن معنى انقسامه ..!

كل هالدنيا فراغ

إلا من احساس الوفا

لاطاف بين اثنين

يهديهم حياة الماااء

وأغلا ابتسااامه ..!

وش بقى ياروح روحي ..؟

من مطر

ماسال

من غيمه

تزف الطهر

بجناح الوله

دام اشتياقي طير

وغصونك غرااامه ..!

مابجيك ولا تجيني

وانت تدري من أنا

من أنت

من غنى لـ هالدنيا مواويل احترامه ..!

تدري انك غير

ياكل الجنون

اللي سقى الغيمات

روحه ..

فرحته ..

حزنه ..

وصار الكون يمشي في نظااامه ..!

تدري انك غير

غير كل الناس

واحساسك ..

يقدي كل من ظل الطريق الصعب

و الأكثر مرارة

واهتداك

وكل ماحوله ..

من انوار الفضا

تعني ظلاااامه ..!

ياجنون العاطفة والريح

واطراف المدى

ودي له أعذب غيم

من روحي

وردي لي سلاااامه ..!

روحي معه

نامي معه

قولي له أني :

بس معه

قولي له أني :

بسمعه

والكون كله من صدى صوتي

يسابقني عليه

ويبتدي فيني حطااامه ..!

.
.

.

عبدالله بن زنان

01-31-2009, 12:50 PM

.
.

.

لـ الريح / عزف أرواح .. وحكاية سنين
موال صخب .. وصمت / والناس تبكي

رح يازماني في طريقك / بلا عين
يكفنيني اللي شفت / من غير مــ احكي..!!

.
.

.

عبدالله بن زنان

02-01-2009, 11:56 AM

.
.

.

اشتقت لك .. كثرك بقلبي / وحنيت
وش عاد باقي لجل أقول أني اشتقت ..!

.
.

.

عبدالله بن زنان

02-07-2009, 07:47 PM

.
.

.

أحبك باعتيادية بدو .. عاشوا على ديمك
وأحبك باختصارات الحضارة واعذر جنوني

خذ كل الأماني .. في طرف ثوبك مع غيمك
وبلَل كل مايمكن .. يكون الحلم بعيوني ..!

.
.

.

عبدالله بن زنان

02-15-2009, 12:57 AM

.
.

.

ياعظيم الذنب .. في حظن الظروف
لاسيادة نبض .. ترقا فوق نبض

يعني بكل أختصارات .. العزوف
أرفض أدوار المسا / طولٍ وعرض

وحدي اسهر / وحدي أرتب صفوف
والعروق تعيشني : سنة وفرض

همسة الأحلام بـ غياب الكسوف
يبتسم منها المطر .. وتعيش أرض..!

.
.

.

عبدالله بن زنان

02-16-2009, 09:59 PM

.
.

.

الأجمل منك " قدرك "
في متاهة قلب
لوَعني
رضى منك القليل
وعاد بك ..
يفقد هدوئه واتزانه ..!

وش بعد نصبر عليه
ودمعة الغيمة
جمر
فيها عيون الما
تعيد الما
لحزنه وامتهانه ..!

ما ألومك
لو أموت
لأنك أجمل روح
لمَت صبر هذا الكون
في لحظة أمانه ..!

أنت غير
وكل حسن الناس غير
أنت بـ الوان الفرح
بسمة طفل
تعزف شفايفه البراءة
سين صارت ثين
في حزة زهوَ
طاحت حروفه
واخترب فيها لسانه ..!

أعترافي
لك قليل
وانت أكثر من مطر
ديمه / أمل / حلم
ابتدا ..
يوم أعتدى ..
طرفه .. وبعثرني حنانه ..!

خذَ من اوقاتك أنا
كل الهنا
خذَ دمعة العاشق
مع شوق السنين
وهمَل الحبل الحزين
أركض
مع صبري
وروَض لي حصانه ..!

.
.

.

عبدالله بن زنان

03-13-2009, 04:01 PM

.
.

.

كل ماقلت ببعد / جيت كلي دروب
وكل ماقلت بوصل / رحت كلي غياب

يا أمير الحنايا ... ليه لجلك أذوب
وليه نبض الأماكن .. عذر لـ الإغتراب ..!

.
.

.

عبدالله بن زنان

03-23-2009, 11:32 PM

.
.

.

حياته ..
بين ترتيب الجروح
تفوح
تترنم غرابه ..!

كتابه ..
كل مايملك وفا دافي
وبعض انفاس
تتمايل على صدره
بخمرة حلم
تهديه الكآبه ..!

من سكن فوضاه
لايسأل عنه غيره
ولايسأل أهو غيره
يكفيه المدى والملح
بضلوعه
تعيد الجرح
طفل ودمع
يعني شمع
ملَ الليل ..
واحضان الكتابه ..!

لا شبابيك الزعل
تهدي أجل
لا ولا تهدي أغانيه الصبابه ..!

وكل باب
يصيرناب
وكل مايطري عليه الحلم
يتمادى ولع
ويعيش دمع
بغصة الحاضر
يسولف لـ اغترابه ..!

هو كذا معنى الحياة ..
من متى تصفى
متى ننسى مساء الصبح
وجموح اقترابه .!

كلها زحمة قدر
وين المفر ؟؟
واحنا على مفرق حنين
نعيدنا أشباه فرحه
مالقت معنى الفرح
ليله
ولا ليله
ثياب الحزن خلتنا
وعشنا يومنا
صافي
ولا شفنا سرابه ..!

كم نقول
وكم نطول
وكم نعيش أحباب
في صيغة ممات
أبعاد
تجرحنا المسافه
والحسافة
لالقيت أقرب قريب
يلوم حالك
وانت في معنى الصبر
تحتال
أوتختال
تتمنى عروقك
ماتعيد أحلامها
وتثور
وتشكل عصابه ..!

مايعيد الما
لعين الما
سوى بعض المطر
لاهلَ بك
وانثال بك
واخترت صمتك
يصبغ الوان الدقايق
وسط لوحة عمر
تهديك أزرقك
وتعيد لأنفاس المطر
همس السحابه ..!

.
.

.