إستشاره ..؟؟

[عائشه المعمري]

مرحبا آل أبعاد

كيفكم ..
عساكم طيبين ؟


أكيد مستغربين من العنوان
طيب

أدش في السالفة على طول


الله يسلمكم
بعد ما خلصت إختكم من الثانوية
صار وقت التسجيل( ترا للحين ما طلعت نتايج الفصل الثاني )
بس التسجيل الإلكتروني راح يكون مفتوح لنا من ألحين




والله ما عارفة وين أروح

اللي يقولي إنتي فيج ملامح دكتورة خذي طب
واللي يقول شخصيتج تناسب القانون ( هذا وانا طالبة علمي )
واللي يقول إدارة أعمال
واللي يقول روحي إعلام
واللي يمزح وايد ويقول إقعدي فـ البيت ( ماله أمل )


بس أنا ودي بهندسة
وحلمي أدرس هندسة في الخارج

بعثة

* أشكر من دعاني لـ أستشيركم



بشو تنصحوني ؟؟
أريد أستفيد من تجاربكم ؟

أنتظركم ؟


أختكم في الله < مسيكينة البنت

[تركي الحربي]

أنت ِ : [ ميولك شنو يا همس ] ؟

[عائشه المعمري]

هندسة






لكن هنيه المشكلة

أنا أفضلها يعثة


؟

[صالح العرجان]

أنتي قولي يا كريم


وعلى اقرب عريس يتقدم لك

طيعيني 14 سنة عمل وخاش على بدايات الطموح للتقاعد


أحسن كلية ( الزواج ) حتى وظيفتها مضمونة :)



واذا انتي مصممة وما بذنك مآي أنصحك [ آدب أنجليزي ]


وبالتوفيق

[تركي الحربي]

وليش الغربه


مافيها كلية هندسه بـ عمان تأدي الغرض ، ضروري [ غربه يعني ] :(

[عائشه المعمري]

أنتي قولي يا كريم


وعلى اقرب عريس يتقدم لك

طعيني 14 سنة عمل وخاش على بدايات الطموح للتقاعد


أحسن كلية ( الزواج ) حتى وظيفتها مضمونة :)



واذا انتي مصممة وما بذنك مآي أنصحك [ آدب أنجليزي ]


وبالتوفيق
















هذي كليه الزواج مب موجودة في دليل الطالب

والمشكلة إنه نسبتي ما تأهلني لها

ههههههههه


واللي يسلمك صالح / اخاف على الموضوع يروح المرح

خلنا في الجد



...

أدب إنجليزي ..

لا أفكر فيه كـ دراسة



وبعدين أنا طالبة علمي



صالح \


كلمني عن تجربتك
اللي صار عليها 14 سنه على قولتك ؟؟

خلنا نستفيد ؟؟


الله يهداك بس

[تركي الحربي]

صالح


لا تدش عرض البنت [ إستشارتني ] أنا قبلك



خلني أخلص كلام معها بعدين أدخل بـ الموضوع أنت



:)

[عائشه المعمري]

وليش الغربه


مافيها كلية هندسه بـ عمان تأدي الغرض ، ضروري [ غربه يعني ] :(


هندسة عمان

ما في التخصص اللي أنا أريده بالضبط

وإذا كان فيه شي

بالحظ

صابت يابت

.
.
وبيني وبينك

ما أريد أكون أنا وأصيلة في نفس الجامعة

لأنه جامعة السلطان هيه الوحيدة اللي أحسها أوكي




.

والله الغربة حلوة



ما قلت لي عنك ؟؟

[تركي الحربي]

همس

تحقيق هذي مو إستشاره


بعدين شفيها أصيله والله طيبه : عادي أدرسي وياها :D


[ إذا التخصص مو موجود إعقليها وتوكلي على الله وسافري ] وربي يوفقك

[عائشه المعمري]

صالح


لا تدش عرض البنت [ إستشارتني ] أنا قبلك



خلني أخلص كلام معها بعدين أدخل بـ الموضوع أنت



:)


يا تركي

بلاها

بلاها



هههه


يالله قول اللي عندك

[عائشه المعمري]

همس

تحقيق هذي مو إستشاره


بعدين شفيها أصيله والله طيبه : عادي أدرسي وياها :D


[ إذا التخصص مو موجود إعقليها وتوكلي على الله وسافري ] وربي يوفقك


طيب

خلاص ما في داعي
نفتح ملفاتك


بالنسبة لـ أصيلة

أنا اقصد

إني أريد أشتاق لها يعني

عاد أنا أحب التواصل الروحي

:")





يالله حصلنا صوت موافقه على البعثة
بعد الوالد

[تركي الحربي]

إني أريد أشتاق لها يعني

عاد أنا أحب التواصل الروحي




مو دراسه هذي تحضير أرواح ياكافي :(

[صالح العرجان]

هذي كليه الزواج مب موجودة في دليل الطالب

والمشكلة إنه نسبتي ما تأهلني لها

ههههههههه


واللي يسلمك صالح / اخاف على الموضوع يروح المرح

خلنا في الجد



...

أدب إنجليزي ..

لا أفكر فيه كـ دراسة



وبعدين أنا طالبة علمي



صالح \


كلمني عن تجربتك
اللي صار عليها 14 سنه على قولتك ؟؟

خلنا نستفيد ؟؟


الله يهداك بس















همس

بعد الثانوية عام 93 ميلادي توجهت لطموح كنت أنقش حروفة على كل طاولة
تكون لي
KFUPM
جامعة الملك فهد للبترول والمعادن

وبفضل من الله قُبلت والتحقت بها وبعد أول سنة ( أوريا :) )
وقد إجتزتها بحصولي على التوفل لغة في أرامكو آنذاك

ولكن كبرت براسي فكرة الحياة العملية والاعتماد على النفس

وبرضوة تكوين اسرة من بكير وصار كل شي تمام التمام

قدمت على شركات سابك وكانت اول شركة أحتضنتني ( بتروكيما )
وبعد إدارة الخدمات في سابك قسم المستودعات

كل هذا وما زال هناك شي لم أدركة فبيت تلك السنين العملية أكملت
دراستي بالانتساب في جامعة الملك عبدالعزيز بجدة ( إدارة وأقتصاد )
حصولا للشهادة الجامعية وحصل الطموح بتتويج النجاح العلمي والعملي
لسا باقي الدرب مفتوح على رصيفية .


وأخيرا وليس اخيرا

الحمد لله من قبل ومن بعد

[عائشه المعمري]

مو دراسه هذي تحضير أرواح ياكافي :(






تعال إقرا صالح شو يكتب

وخلك من الأرواح



< تقارن بين الأفكار
يا ملف مغلق

[سكر الجرح]

همس

أولاً ربي يوفقك وتصيرين الأولى :D
<< دعوتها مضمونه :D


ثانياً إنتي متأكده من رغبتك !؟
يعني إنتي ودك بالغربه عشان الدراسه !؟
وإلا ودك بالدراسه عشان الغربه !؟
<<< قولي قسم :D



أنا بـ رأيي /
دام الأهل ماعندهم أعتراض بالتخصص اللي بالخارج
وإنتي بعد ودك فيه !
أستخيري رب العالمين :)




وموفقه يابعدهم ..

[عائشه المعمري]

همس

بعد الثانوية عام 93 ميلادي توجهت لطموح كنت أنقش حروفة على كل طاولة
تكون لي
KFUPM
جامعة الملك فهد للبترول والمعادن

وبفضل من الله قُبلت والتحقت بها وبعد أول سنة ( أوريا :) )
وقد إجتزتها بحصولي على التوفل لغة في أرامكو آنذاك

ولكن كبرت براسي فكرة الحياة العملية والاعتماد على النفس

وبرضوة تكوين اسرة من بكير وصار كل شي تمام التمام

قدمت على شركات سابك وكانت اول شركة أحتضنتني ( بتروكيما )
وبعد إدارة الخدمات في سابك قسم المستودعات

كل هذا وما زال هناك شي لم أدركة فبيت تلك السنين العملية أكملت
دراستي بالانتساب في جامعة الملك عبدالعزيز بجدة ( إدارة وأقتصاد )
حصولا للشهادة الجامعية وحصل الطموح بتتويج النجاح العلمي والعملي
لسا باقي الدرب مفتوح على رصيفية .


وأخيرا وليس اخيرا

الحمد لله من قبل ومن بعد



















أحلى ما فيك

طموحك


وإنه كان عندك إصرار
والحمد لله كل ما تبي صار



تأكد / إنه هذا الرد راح أرجع له

كثير

وأنا أقرر


فـ فيه من الإصرار والطاقة ما يكفي



صالح ( مشكور )

[صالح العرجان]

صالح


لا تدش عرض البنت [ إستشارتني ] أنا قبلك



خلني أخلص كلام معها بعدين أدخل بـ الموضوع أنت



:)



هلابوه

سو سوري داد

نايس تايم

[تركي الحربي]

صالح

ملف مفتوح لإنه ماشاء الله عليه عنده شي يقوله ودارس ومتعلم ، أنا ماعندي شي أقوله لإني لادارس ولا متعلم حدي [ رابعه إبتدائي ]

زين جذي

[عائشه المعمري]

همس

أولاً ربي يوفقك وتصيرين الأولى :D
<< دعوتها مضمونه :D


ثانياً إنتي متأكده من رغبتك !؟
يعني إنتي ودك بالغربه عشان الدراسه !؟
وإلا ودك بالدراسه عشان الغربه !؟
<<< قولي قسم :D



أنا بـ رأيي /
دام الأهل ماعندهم أعتراض بالتخصص اللي بالخارج
وإنتي بعد ودك فيه !
أستخيري رب العالمين :)




وموفقه يابعدهم ..

وبعد التنفس
جاتنا الحياة

.

الله يخليج يا رب
وأنا في هـ الوقت
أحتاج دعواتكم كثير
الله يحفظج



نرجع لموضوع البعثة
وتنفست الصعداء
إنزين
أنا أريد البعثة لـ الدراسة طبعا
وانا ما قاعده أفكر بـ لحظات الوداع و و و
كثر ما أفكر فـ اللحظة اللي برجع فيها

.


تدرين عاد أصيلة مشجعتني على الفكرة
ما ادري عاد تبي الفكة
ولا تبيني أصير أحسن منها على قولتها

.


ورأيج يالغالية محط الإهتمام
:)

[عائشه المعمري]

صالح

ملف مفتوح لإنه ماشاء الله عليه عنده شي يقوله ودارس ومتعلم ، أنا ماعندي شي أقوله لإني لادارس ولا متعلم حدي [ رابعه إبتدائي ]

زين جذي






مستحيل أصلا


أنا اعرف

وخلاص


ما في داعي تخبرهم

:)


< تراها تكذب كذب أبيض

[سكر الجرح]

وبعد التنفس
جاتنا الحياة

.

الله يخليج يا رب
وأنا في هـ الوقت
أحتاج دعواتكم كثير
الله يحفظج



نرجع لموضوع البعثة
وتنفست الصعداء
إنزين
أنا أريد البعثة لـ الدراسة طبعا
وانا ما قاعده أفكر بـ لحظات الوداع و و و
كثر ما أفكر فـ اللحظة اللي برجع فيها

.


تدرين عاد أصيلة مشجعتني على الفكرة
ما ادري عاد تبي الفكة
ولا تبيني أصير أحسن منها على قولتها

.


ورأيج يالغالية محط الإهتمام
:)

يخليك ربي :)

أكيد أصيله تبيك بأعلى مكان والله يكتب اللي فيه
خير لك يارب ..

بس حبيت أسأل :
نظام البعثات عندكم كيف !؟
يعني تتحدد على أساس النسبه المرتفعه !؟
أو .. . .!!!؟


الموضوع صعب شوي ويبي له تفكير !!
المهم إنتي وش تبين !!



سلام :)

[عائشه المعمري]

يخليك ربي :)

أكيد أصيله تبيك بأعلى مكان والله يكتب اللي فيه
خير لك يارب ..

بس حبيت أسأل :
نظام البعثات عندكم كيف !؟
يعني تتحدد على أساس النسبه المرتفعه !؟
أو .. . .!!!؟


الموضوع صعب شوي ويبي له تفكير !!
المهم إنتي وش تبين !!



سلام :)

نظام البعثات
حسب الدرجات في المواد اللي تناسب التخصص
يعني أنا كـ طالبة مواد علمية ما يصير أروح أتخصص تاريخ مثلا ..

ترا الموضوع لو ما هو صعب
ويتلف الأعصاب ؟

كان ما مشورتكم ؟


مشكورة سكر

[ريم علي]

همس اولا واخيرا ودائما وابدا
ادعو الله ان يكتب لك التوفيق والنجاح ان شاء الله
انا بقولك رايي ..وان شاء الله يفيدك .

من المفترض تضعين خطط لتنفيذ طموحك نحو الهندسه

يعني

انتي ميولك هندسه وودك تبتعثين للخارج من اجلها

اذا اتخذتي قرارا بهذا ثم تم قبولك بالبعثات

ادعو الله لك التوفيق .

لكن ماذا لو لاقدر الله لم يتم قبولك لسبب او اخر

هنا يجب ان تكوني جاهزة نفسيا لتقبل هذا الامر

وذلك بوضعك لخيار اخر.....والذي من الافضل ان

يكون قريبا جدا من ميولك .

او ممكن ايضا ..ان تدرسي الهندسه في السلطنه

لكن يكون تخصصك المباشر هو التخصص الاكثر حظا

والمرغوب في عمان ...حتى يسهل لك بأذن الله

وظيفه مناسبه .


يعني هذا باختصار

واتمنى لك التوفيق

[أمل عايد]

خوذيها مني ياهمس ...

إذا حلمك مباح ومتاح ... لاتتركينه مهما صار ...

إسألي مجرب ...

وبالتوفيق لك بأي مجال ...

[ديم بنت فيصل]

صباحكِ ورد عزيزتي همس



قرارك صعب جدا والله يكون بعونكِ ويسهل أمركِ



لكن بحكم خبرتي المتواضعه أقول لك



أنتِ تشوفين البعثه أحسن لكِ دراسه ومضمونه



وهذا ماحسيت من كلامكِ



بغض النظر عن التخصص لـ إنك أنتِ تحددين هذا الشئ بميولك




أقول لك مثال




أختي تخرجت من الثانوي وطلبت مني ترشيح قسم




لـ أن تخصصها علمي وماعندها ميول لقسم معين




طبعا من وجهة نظري رشحت لها قسم وسجلت فيه




بعد أسبوع ماعجبني وضعها سالتهاليش؟



قالت القسم ماعجبني ولكن عشانكِ دخلته



بصراحه عصبت ليش تدخلين قسم عشاني



أنتِ اللي بتدرسين مو أنا



وحولت لتخصص ثاني



كانت تميل له ميول بسيط والحمد لله الان من المتفوقات فيه



الخلاصه من كلامي



أنتِ ميولكِ لـ أيش



وإذا على الوظيفة فهي توفيق من ربي مالها علاقه بالتخصص



إلا إذا كان تخصص فيه إحتياج كبير كطب



وإذا على تجربتي الحمدلله دخلت قسم ماأميل له



أبدا ومشيت فيه وتخرجت



وماأستفدت منه في وظيفه لـ أنه قسم مستهلك



لكن الحمدلله أخذت خبرات في مجالات أخرى



وأهم شي راحة البال



وربي يكتب لكِ التوفيق



وأهم شي أستخيري قبل كل شي

[تركي الحربي]

الله يوفقك

[م.عبدالله الملحم]

:
:

همس
أدخلي : قانون
أسمعي كلامي ... أنا أرى أن مستقبلك مستقبل : محامية :)

ما أنصحك بـــ الإبتعاث ..
و هندسة الشبكات : أحس أنه عمل رجولي أكثر
ربما هندسة برمجيات : أفضل . إن أصريتي على الــ هندسة

إن قررتي الــ إبتعاث
أنصحك بــت تخصص رائع جِداً : هندسة انظمة أمن معلومات
Information Security System Engineer




لا أعلم لماذا أجد أن مستقبلك : محامية :)


تقديري

[نواف التركي]

أنا أقول سجلي ( عسكري ) وإرتاحي

تراها أريح وظيفه بالدنيا

[هـيـفـااللاّفـي]

/



همس اتمنى لك التوفيق عزيزتي..

[شــمــ نـجـد ــس]

:

مع أني متأخرة كثيرااااا

إلا أنه يا عزيزتي همس ..

دعي كل شيء حتى النسبة وإن كانت 100% ...
أنتِ ماذا تحبين ماذا ترغبين لأن سنوات الدراسة مؤقتة لكن الاستقرار النفسي الوظيفي مدى العمر ...فأحذري من أخطاء غيرك ..

دعواتي لك بالتوفيق ..

[نجمة أمل]

بسم الله الرحمن الرحيم








الغالية : همس
يعني تبغي تصيري مثلي [ بشمهندسة ] .!
:D


بـ أقولك تجربتي .‘ وبعدين النصيحة ..
أنا مثلك كنت علمي ، استخرت الله اولاً قبل كل شيء
ويوم التقديم لـِ الطب
دخلت القاعه وجلست اتفرج بالبنات ..
وتروح وتجي بي الأفكار ..
أخرتها شلت شنطتي وقلت لصديقة لي خذيني قسمك .. :D
قالت والطب ...!
قلت مابيه خلاص بلا هم ..
وبعد خمس سنين والحمدلله .. صرت بشمهندسة
وإن شاء الله ناوية أكمل ماجستير بالخارج .. نترافق شرايك .!؟
:D

رأيي الطب دراسة طول العمر .‘ يعني لو دخلتي هالقسم
لازم تخلي هالشيء ببالك ..
بالاخير ربي يختار لك اللي فيه الخير .. موفقة بإذنه غلاتي ..







نجمة أمل

[أصيله المعمري]

عواش ما عليج منهم

يمدحون كلية الزراعه والعلوم البحريه
بجامعة السلطان قابوس


خوش فله والله

[أمجاد محمد]

مرحبـآحـبـيـبـتي هـمـسس
حـلوٍ انكـ تـدرسيـن برى بـس أهـم شي انـه ينآسب ميوٍلكـ وقدرآتكـ
<<كآنت نآوٍيه انهـآتكمل دراساتها العليا برى لاكـن السلطآت العليا رفضت ( ماماتها وٍبآبآتها)

[عائشه المعمري]

همس اولا واخيرا ودائما وابدا
ادعو الله ان يكتب لك التوفيق والنجاح ان شاء الله
انا بقولك رايي ..وان شاء الله يفيدك .

من المفترض تضعين خطط لتنفيذ طموحك نحو الهندسه

يعني

انتي ميولك هندسه وودك تبتعثين للخارج من اجلها

اذا اتخذتي قرارا بهذا ثم تم قبولك بالبعثات

ادعو الله لك التوفيق .

لكن ماذا لو لاقدر الله لم يتم قبولك لسبب او اخر

هنا يجب ان تكوني جاهزة نفسيا لتقبل هذا الامر

وذلك بوضعك لخيار اخر.....والذي من الافضل ان

يكون قريبا جدا من ميولك .

او ممكن ايضا ..ان تدرسي الهندسه في السلطنه

لكن يكون تخصصك المباشر هو التخصص الاكثر حظا

والمرغوب في عمان ...حتى يسهل لك بأذن الله

وظيفه مناسبه .


يعني هذا باختصار

واتمنى لك التوفيق


أهلا ريم

والله كانج تقرين حبل أفكاري

كذا خطتي إن ما صار فيها تعديل

مشكورة الغالية

[عائشه المعمري]

خوذيها مني ياهمس ...

إذا حلمك مباح ومتاح ... لاتتركينه مهما صار ...

إسألي مجرب ...

وبالتوفيق لك بأي مجال ...


أهلا بك أمل عايد
بصراحة تواجدك بالنسبة لي في أي مكان في أبعاد
يبعث راحة نفسية

نحن ولله الحمد
نحظى بفرص رائعة جدا
ولكن نحتاج من يخطط
ويطمح


والأمل والحلم والطموح
موجود
وأنتظر النتيجة







إدعيلي

[عائشه المعمري]

صباحكِ ورد عزيزتي همس



قرارك صعب جدا والله يكون بعونكِ ويسهل أمركِ



لكن بحكم خبرتي المتواضعه أقول لك



أنتِ تشوفين البعثه أحسن لكِ دراسه ومضمونه



وهذا ماحسيت من كلامكِ



بغض النظر عن التخصص لـ إنك أنتِ تحددين هذا الشئ بميولك




أقول لك مثال




أختي تخرجت من الثانوي وطلبت مني ترشيح قسم




لـ أن تخصصها علمي وماعندها ميول لقسم معين




طبعا من وجهة نظري رشحت لها قسم وسجلت فيه




بعد أسبوع ماعجبني وضعها سالتهاليش؟



قالت القسم ماعجبني ولكن عشانكِ دخلته



بصراحه عصبت ليش تدخلين قسم عشاني



أنتِ اللي بتدرسين مو أنا



وحولت لتخصص ثاني



كانت تميل له ميول بسيط والحمد لله الان من المتفوقات فيه



الخلاصه من كلامي



أنتِ ميولكِ لـ أيش



وإذا على الوظيفة فهي توفيق من ربي مالها علاقه بالتخصص



إلا إذا كان تخصص فيه إحتياج كبير كطب



وإذا على تجربتي الحمدلله دخلت قسم ماأميل له



أبدا ومشيت فيه وتخرجت



وماأستفدت منه في وظيفه لـ أنه قسم مستهلك



لكن الحمدلله أخذت خبرات في مجالات أخرى



وأهم شي راحة البال



وربي يكتب لكِ التوفيق



وأهم شي أستخيري قبل كل شي






أهلا بك أختي / ديم

شكرا لتفاعلكِ معي

بالنسبة لـ الميول
أنا احاول أن أستفيد من الجميع
وأستجمع خبراتهم
والأخطاء التي وقعوا فيها حتى أتلافها

لك ودي

[عائشه المعمري]

الله يوفقك


أمين يا رب

:)

[عائشه المعمري]

:
:

همس
أدخلي : قانون
أسمعي كلامي ... أنا أرى أن مستقبلك مستقبل : محامية :)

ما أنصحك بـــ الإبتعاث ..
و هندسة الشبكات : أحس أنه عمل رجولي أكثر
ربما هندسة برمجيات : أفضل . إن أصريتي على الــ هندسة

إن قررتي الــ إبتعاث
أنصحك بــت تخصص رائع جِداً : هندسة انظمة أمن معلومات
Information Security System Engineer




لا أعلم لماذا أجد أن مستقبلك : محامية :)


تقديري


مرحبا عبدالله

بالنسبة لـ القانون
ما أحبه :)


ما أدري أش دخلني في المحاماه
والله ما أدري إنت كيف ، تشوف فيني هـ الشي
عطني دليل :)

هندسة شبكات
هي تخصصات وتفرعات وايد حلوه
راح يكون ضمت إختياراتي


وهندسة أنظمة أمن معلومات
وايد أحبه

لذلك راح يكون المتصدر



ومشكور ياأخي

[عائشه المعمري]

أنا أقول سجلي ( عسكري ) وإرتاحي

تراها أريح وظيفه بالدنيا



هلا بنواف
ياهلا والله
اه يالعسكري
والله ودي فيه
خصوصا إن إنه خالتي في هـ المجال
والله وناسه


لكن أحب الهندسة
ما عليه
أدرس هندسة
وأشتغل تبع وزارة الدفاع
كذا أحسن
صح

[عائشه المعمري]

/



همس اتمنى لك التوفيق عزيزتي..



أهلا سحر المسا

شكراً لروحك الطيبة


:)

[عائشه المعمري]

:

مع أني متأخرة كثيرااااا

إلا أنه يا عزيزتي همس ..

دعي كل شيء حتى النسبة وإن كانت 100% ...
أنتِ ماذا تحبين ماذا ترغبين لأن سنوات الدراسة مؤقتة لكن الاستقرار النفسي الوظيفي مدى العمر ...فأحذري من أخطاء غيرك ..

دعواتي لك بالتوفيق ..



أهلا بك شمس نجد
مهما تأخرتي فتاكدي بأنكِ تأتين بالمفيد

بالفعل
اختياري الآن
هو أساس سأبني عليه
مستقبل


شكرا لروحكِ الغالية

:)

[عائشه المعمري]

بسم الله الرحمن الرحيم








الغالية : همس
يعني تبغي تصيري مثلي [ بشمهندسة ] .!
:D


بـ أقولك تجربتي .‘ وبعدين النصيحة ..
أنا مثلك كنت علمي ، استخرت الله اولاً قبل كل شيء
ويوم التقديم لـِ الطب
دخلت القاعه وجلست اتفرج بالبنات ..
وتروح وتجي بي الأفكار ..
أخرتها شلت شنطتي وقلت لصديقة لي خذيني قسمك .. :D
قالت والطب ...!
قلت مابيه خلاص بلا هم ..
وبعد خمس سنين والحمدلله .. صرت بشمهندسة
وإن شاء الله ناوية أكمل ماجستير بالخارج .. نترافق شرايك .!؟
:D

رأيي الطب دراسة طول العمر .‘ يعني لو دخلتي هالقسم
لازم تخلي هالشيء ببالك ..
بالاخير ربي يختار لك اللي فيه الخير .. موفقة بإذنه غلاتي ..







نجمة أمل


أهلا نجمة أمل ..
يا باش مهندس إنتي


أول شي ألف مبروك على التخرج
.
.

الطب مش بس دراسة صعبة
تعجيز


الطب هَم

.
.
لأ أجدني فيه

.
.

شكراً لكِ ولـ نصائحكِ الثمينة

[عائشه المعمري]

عواش ما عليج منهم

يمدحون كلية الزراعه والعلوم البحريه
بجامعة السلطان قابوس


خوش فله والله


احم احم


انا كليه العلوم ما أحبها
تبيني أروح كلية الزراعة

الله يهداج بس

[عائشه المعمري]

مرحبـآحـبـيـبـتي هـمـسس
حـلوٍ انكـ تـدرسيـن برى بـس أهـم شي انـه ينآسب ميوٍلكـ وقدرآتكـ
<<كآنت نآوٍيه انهـآتكمل دراساتها العليا برى لاكـن السلطآت العليا رفضت ( ماماتها وٍبآبآتها)


أهلا بكِ أمجاد

أستبشر بالأسماء الجديدة ..

بالطبع
الأهم هو الميول
والطاقة النفسية

.
.
شُكراَ لكِ

[حسن الشحرة]

أخية
يبدو أني دخلت متأخر هنا
لكن
هلا
أخبرتيني إلام توصلت؟
هل دخلت هندسة؟وفي أي مكان؟
أم ماذا؟
أسأل الله أن يكون التوفيق حليفك

[عائشه المعمري]

أخية
يبدو أني دخلت متأخر هنا
لكن
هلا
أخبرتيني إلام توصلت؟
هل دخلت هندسة؟وفي أي مكان؟
أم ماذا؟
أسأل الله أن يكون التوفيق حليفك

يااااااااااااااه
ذكرتني بـ مرحلة رائعة من حياتي
أولاً / شُكراً لـإهتمامك :)

نعم ولله الحمد
أنا الآن أدرس هندسة في جامعه السلطان قابوس

،
شُكراً لك ،
عن جد أسعدتني بهذا الرد

[ذهول اللقا]

أَنتَيْ مِثَل خَوَاتِيْ ثَالِثْ ومحَتَارِيِنْ أَيْ قِسَمْ يِدخَلَوُنْ :)

وَأَنَآ بـ َ أَقَوُلِكْ رَايِيْ

شَيْ أَنتَيْ مََانتِيْ حَابِتَه مَارَاح تِبدَعيِنْ فَيِه مَهَمَا كَانْ

أَدخَلِيْ الشَيْ الَلِيْ أَنتَيْ حَابتَه وُ نَفسِك فَيِه مَهَما كَانْ بـ ِ تَبدَعَيِن فَيه وُزيِادَة بَعَد :)

وَقَبِل كِل شَيْ أَستِخَيِرَيْ

والله يِوَفقِكْ

:)



عَائِشَة :)

هَذَا كَانْ رَدِيْ عَلَيِكْ قَبِل التَعدَيِل :)

وَأَنَا تأخَرتْ كثَيِيييير بَالرَد :)

الحَمدلله إِنَك دَخَلتَيْ القِسم الَلِيْ تحَبِيِنَه والله يِوَفقِكْ

:)

[عائشه المعمري]

عَائِشَة :)

هَذَا كَانْ رَدِيْ عَلَيِكْ قَبِل التَعدَيِل :)

وَأَنَا تأخَرتْ كثَيِيييير بَالرَد :)

الحَمدلله إِنَك دَخَلتَيْ القِسم الَلِيْ تحَبِيِنَه والله يِوَفقِكْ

:)





الحمدلله ،،

بالعكس ، بـ ردك هذا ،
ذكرتيني بأشياء ، كنت أحتاج إني أتذكرها ،
شُكراً يا ذهول ،


أنتِ مُذ دخلتي هُنا ،
تذهلني نقاوتكِ
كُوني دائماً كذلك :)