[ رَسَائِل أُخَوِيّة ] :

[خالد صالح الحربي]

:
يقول وليد المانع:
حبيب الظلّ، يتوطن على شانه ولا يلهى
‏نديم الشمّع وشْموس المصابيح لـ محبّينه

‏كسره الماء ويتصدع على صدره حزن أدهى
‏من اللي بلّل فتوق اليباس وضم له طينة؟!

وأقول :
من اللي أو من اللي.. بمنتهى قُبحه يجي أبهى ؟!
من اللي أو من اللي.. دَينه اللي بقبضة يدينه ؟!
‏
يقولون إنّ هذا "الكوكب المترامي" الملهى ..؛
وأقول " أوكيه " لكن هـ " القنا " وش حوّله قينه ؟!!

🌹

[خالد صالح الحربي]

http://www.ab33ad.info/up/uploads/images/ab33ad.info-a0d381dd60.png

:
ياماجد العيد؛ من غيمك إلى ضِفّة سرابك
.. . قطّارتك " لا تقالَلْهَا " .. تراها شيّ واجد .

ياماجد العيد ..؛ كلّك عيد حتى في غيابك
.. . غيابك " يجيب فينا العيد" ؛ لكن دون ماجد !
🌹

[خالد صالح الحربي]

:
للجميع :
____________
:
للغايبين..
اللي اقطنوا هنا هنا
ثمّ ارحلوا ..
اللي بقايا رسومهم وهمومهم ونجومهم ..
بير وتبي منهم " دلو "..
عودوا ترى الغيبة حرام
عودوا ترى الغيمة غمام
عودوا .. بلا ليه الغياب ؟!
وليه انمحى سطر الكتاب ؟!
عودوا ورجعتكم عُذر
كافي ووافي للإياب .
:
وللغايبين
اللي وفوا
أنتم " كفو ".
🌹

[خالد صالح الحربي]

:
" الله يعظّم أجرك " بفقد قلبك.
.. وياجعلنا ما نفقد اللي: بقى مِنك.

🌹

[خالد صالح الحربي]

:
في رحلتي بأبعاد ؛ لو أشكر الكلّ
.. وأردّ لـ أصحابي: " سلال المعاريف ".

بأعجز عن اللي: كل ما زِلّ ما زَلّ ..
.. سيف السّعَد؛ أو اعكسوها :سعد سيف !

[خالد صالح الحربي]

:
كتب عبدالله الخزمري تحت هذه الصورة :
http://www.ab33ad.info/up/uploads/images/ab33ad.info-ba5ee45831.jpeg

يوم تحطّك بطل النص
‏.. . ويوم تحطّك [....] ومات..!

‏شعر الانثى لصق وقصّ
‏.. . [يلعن جد الهرمونات]...!

ورددت عليه :

اعقل اعقل خلّك لص
.. . ‏ياللي عمرك كلّه : فات
‏اسمك عبد " الله " وإصّ
‏.. . لا يخلّنك : عبد اللّات !

🌹

[خالد صالح الحربي]

*

:
قال عبدالعزيز الردادي:

كل الكلام من البشر متوارب
‏من أبيض حروفه إلى أسودها

‏بعض البشر إن قال أحبك كاذب
‏والبعض قول أكرهك ما يقصدها

وقلت:
بحْر اللغة أكبر مدى من القارب
‏أقرب سواحل مانقول.. أبعدها ..

‏نقدّر اللحية ونقصد : شارب
‏ونلعّن الدنيا .. ونمسك يدها!

🌹