ابـو متعـــب ,,,

[خالد العنزي]

http://www.m7shsh.com/vb/attachments/2929d1208948668-%C7%E1%E3%E1%DF-%DA%C8%CF%C7%E1%E1%E5-%C7%E1%D4%E6%ED%D1%CF-jpg


في ذكرى البيعه الي مقام الوالد ابو متعب
حفظه الله وأيّده بنصره واطال لنا بعمره






لو كتبت الشعر كله , في جميع اشكاله
........... يستحيل اوصل مقامٍ يستحيل اوصوله


لعنبو جد القصيد ,, ولعنبوها ,, حاله
........... وين ابلقا بيت واحد يوصله واقوله ؟!


والقصيد احيان عاله ,, وانعدامه عاله
........... وقولتـ أني مامدحته ,, ماهي بمعقوله


ويش عذري في غيابي عن مديح خصاله؟
........... ويش اقول اليا نشدني هاجسي وشو له ؟


والمليك اللي يحب الشعب كثر عْياله
........... القصايد لو " تجسّد له " , تحب ارجوله

والله ان الشعر قبله , مستريح وداله
........... مابلش بالمدح كله لين , شاف فعوله

مشكله هالكون في قلة وجود امثاله
........... ومشكله هالشعر يصعد له ولاهو حوله

لنّه البدر المنير بطلته , واقباله
........... لنّه الحيد العظيم ,, اليا ارتكي لحموله

لنه الغيث الغزير اللي تعم افضاله
........... لنه النجم البعيد , اللي محال اوصوله

لنّه اللي لنصرة الاسلام يشغل باله
........... لنّه اللي صان عهده واحتمى للدوله


لنه اللي عز شعبه وانتصر لآماله
........... لنه اللي حقق وعوده ,, وسدد قوله


جعل ربي يحفظه في حله وترحاله
........... لاعدمنا بسمته ,, والطله , المقبوله


ولو كتبت الشعر في مدحه بكل اشكاله
........... تاقف ابيات القصايد عاجزه , مذهوله !!!

[ريم علي]

خالد صح لسانك على هذه الرائعه في
ملك الانسانيه الملك عبدالله بن عبدالعزيز
حفظه الله وايده بنصره .
رغم اني شخصيا لااحب ان تضم القصيدة مفردات
مثل لعنبو ..وماشابه ..!!
لاني اعتبرها تقلل من قيمة القصيده ..الا اني
اشيد بالنص ..فعلا رائع.

تحياتي

[اورنس الهذال]

خالد

وافي .. والله لايهينك


كتبت بمن يستاهل


صح لسانك وعلا شانك

والله لايهينك يالوافي


كل الحب .. لك .. ولحرفك


دم بخير

[عبدالعزيز سحل]

خالد العنزي

لو لم تكتب سوى هذا النص لكفاك

كيف لا وهو في ملك الانسانيه خادم الحرمين

الشريفين الملك عبدالله بن عبدالعزيز آل سعود

الملك العادل الذي ظهر في وقت نحن في امس

الحاجه لظهورة؟

ملك لم يبحث عن الثناء والمديح وجلب الشعراء

ملك القلوب رغم انف اصحابها بكرمه ونبله وابوته

وحنانه ودموعه التي لم تذرف ضعفا بل عطفا ورحمه

لمشاهدة اطفال الشهداء...

ملك كرمه يسبق غضبه وعفوة يسبق عقابه..

ملك يعامل الشعب معاملة ابناءه ..

هو سادس الخلفاء الراشدين ..

شكرا لك خالد على النص الشامخ .

دمت بخير.......

[صالح العرجان]

أبو يزيد

العد القراح صح لسانك وصح فكرك

الله يديم عزهم ولا يفرق شملهم أبو متعب له نبضنا يصير رجال من دونه

بوجه عداه

[م.عبدالله الملحم]

:
:

بيض الله وجهك يا خالد ..
يستاهل أبو متعب كل الخير
تقديري


:

[قايـد الحربي]

خالد العنزي
ــــــــــــــ
* * *



أنْ تكتب ، يعني أنّ الشعر سيكون حاضراً
مهما كان موضوعه ..
كيف وإن اجتمع الوطن و أنتَ !
فسنكون أمام نصين عظيمين جداً جداً .

أبو يزيد
لشعرك مذاق خاص
فلا تحرمنا منه .

[حنان محمد]

خالد العنزي

يكتب الشعر فتخضر القوافي

تعشقه الحروف ويحكم قبضته ع القصيدة

خالد ..

شهادتي دائما وابدا بك محرجة منك لتقصيرها ..

تحياتي

[ظافر الهرمسي الهاجري]

يستاهل أبو متعب

ولا هنت يا خالد