الهدايا .!!

[عبدالرحمن مازن العطاوي]

.
.

السلام عليكم ورحمة الله وبركاته ،،
تتجدد بينكم .!




العطر والساعه اللي جاتني ضمن الهدايـا=من يديها يوم جتني خايفه ربكّـه خجولـه
قدمتها واسرقتني ولابقـى فينـي بقايـا=وانتهى عندي كلام كنت أنا ناوي اقولـه
كنت ابآهل المشاعر واظهّر علومٍ خفايـا=كنت أبا أعبّر ولكن شدني فالزيـن طولـه
لاتحكت مالي شاهد غير في جمر الشفايـا=ولاستدارت ويل حالي الزهر يعلن ذبولـه
إن مشت الله عليها خلفها جيش وسرايـا=بإيدها تأمر وتنهي دربهـا مابـه ميولـه
مستقره في خفوقي وإسمها بيـن الحنايـا=إسمها لامن سمعته كالمزن لحظة هطولـه
دائمٍ أبحث رضاها ومثلـي إدّّور رضايـا=ماتفكر فالعلوم اللي من إلسـان العذولـه
واثقة بنت الآكابر ماتـرى أحـدٍ سوايـا=ولاارى احدٍ سواها من بدايـات الطفولـه
كانت ورب اليتامى منيتي وصارت منايـا=وجاتني جيّت مليك عايفٍ مليـون دولـه
مستحيل إني اقول بشوفها شفت وكفايـا=لو بيديني كان أحقـق ماأبيـه وماأنولـه
غايتي .وصلٍ معاها.. بعدها هم وعنايـا=قربها نصرت شجاعٍ منتصر عقب البطوله
ليلها ليل الطروق اللي تغنّت فـي سمايـا=صبحها صبح البشايرفي مسامات الرجوله
كلها كل الحروف اللي تبعّثر فـي حشايـا=نهجها نهج الذي ماخالـف الله ورسولـه
يادوا حالي وقلبي ..يابعد روحي ودوايـا=يوم جتني جيّت اللي داخله خوفٍ يجولـه
في يديها عطر وساعه جاتني ضمن الهدايا=وسطها بوكٍ معطر فآخره إسم الخجولـه


وسلامتكم ،،


.
.

[سعـد الوهابي]

القدير

" عبدالرحمن مازن العطاوي "

وهديتك هذه أثمن الهدايا

صح فكرك وبوحك

ودام ضياؤك

احتراماتي

سعـد

[هـيـفـااللاّفـي]

,’

,’

{..عبدالرحمن العطاوي

شاعر يملك أدوات العذوبه
وبحرفنه يصنع الشعر الأجمل ..

,’

نص في غاية الجمال ..

صح نبضك ..

[ماجد العمر]

عبدالرحمن العطاوي
شاعر يملك زمام القوافي
ويطوعهاحسب ارادته
كل التقدير ياعبدالرحمن

[وليد الفالح]

عبدالرحمن العطاوي
حضور فاخر كالعاده
مودتي

[خالد الحافي]

ليلها ليل الطروق اللي تغنت في سمايا
صبحها صبح البشاير في مسامات الرجوله

------


دائماً متججد ياعبدالرحمن

هنا وهنا يابو مازن انت مبدع وفي كل مكان

حضور شعر يشبع الذائقه

اخوك /

[خالد العقيل]

عبدالرحمن العطاوي
سعيد بــ مروري على هذا المتصفح
الغني بالشعر
دمت بــــ هذا التألق
تقديري

[عبدالرحمن مازن العطاوي]

.
.

الغالي

سعد الوهابي

صح بدنك ولاهنت على مرورك


تحيتي لك


.
.

[عبدالعزيز سحل]

الغالي عبدالرحمن العطاوي

نص اكثر من رائع يحمل الكثير من الصور الشعريه

دمت بخير