المخاييل(الأهداء للأخ بندر المجلاد)

[سعد المطلق]

يكفيني من الطيبين ذكرهم


يانجم ياللي في دجى الليل لايح=جتك الحقوق تصب وبل المخاييل
قل أقبلت وأقول مدح ونصايح=قل أدبرت وأقول تبقى محاصيل
رجل كريم ورجل بالوجه شايح=ورجل على طاريه تزهرتعاليل
عفيه قصيدي ما مدح كل طايح=اليا انتهض منصاه روس الرجاجيل
أمانتك ياللي على الشرق رايح=تسوقها للقرم سوق الفناجيل
عنز لبندر لا شكى الوقت صايح=تموت من دونه قلوب مغاليل
بيت الكرم بيت به الطيب فايح=يا زين ريح الهيل وسط المعاميل
بيت رفض بالجوع جمع المنايح=لكن ذبحها للضيوف المقابيل
يوم إنها بدو عرايا نزايح=ناره تصوت للعرب تالي الليل
ماهو خساره فيه سوق المدايح=تكبر حروفي لا أنحنت للمداهيل

[عبدالعزيز النصيري]

أبدعت أبدعت أبدعت


والله ماأدري وشقول لكن المادح والممدوح على راسي


لك كل المحبه كان لي شرف السبق دمت بالف خير

[جُمان]

سعد المطلَق ..
ويكفينَا مِنك هذا النّص الجَميل لِنَرتقي للأعلى
طِبتَ وطَاب المَمدوح


وَشُكراً لِقلبِكَ النّابِض بالشّعر

.

.

[ماجد العمر]

من كريم الى مستحق
وفاء غير مستغرب ياسعد
محبتي وودي

[عاطف هادي]

قل أقبلت وأقول مدح ونصايح


الله عليك والله قصيده كلمة رائعه لا تفيها حقها


أشكر المادح والممدوح هذا النص الشامخ يبقى رمز للشعر


تقبلوا إحترامي

[قايـد الحربي]

سعد مطلق
ـــــــــــ
* * *



وفاؤك يا أبا بندر غير مُستغرب ..
و الكريم : بندر المجلاد يستحقّ القصائد كلها .

شكراً لك كثيراً .

[فهد الصقري]

ونعم بالطيبين


قصيده تحكي عن نفسها


قلت فأجدت ويستاهل بندر المجلاد



لك وله كل الإحترام

[حمد الرحيمي]

سعد المطلق ...





و لأن الممدوح يستحق ذلك و أكثر كان المدح في حقه عدلاً ...





صح لسانك ولا هنت ...

[عبدالعزيز سحل]

ابو بندر

من كريم الى مستحق

بندر المجلاد يستاهل وهو من شجره اصلها ثابت وفرعها في السماء

سمعتها من لسانك العذب قبل القراءه واستمتعت بها

شهادتي فيك مجروحه

دمت بخير

[فهد مفلح]

صح لساااانك


لاهنت


تحياتي لك

وتقبل مروري

[عبدالله الحجيلان]

سعد


صح لسانك



مع الود لمن كتبته به

[عبدالمجيد العنزي]

إبداع لله درك دون شك يستحق الممدوح هذه القصيده الجميله

[عاطف هادي]

قصيده تستحق القراءه أكثر من مره

[سعد المطلق]

أشكر لك مرورك الجميل أخوي عبد العزيز الشكر كل الشكر لك