وين الطريق اللي يودي على شرق

[أحمد الغبين]

وين الطريق اللي يودي على شرق= صوب الغرام اللي ذبحني غلاها
بنت ٍ وفيها فرق واحساسها فرق= لو تلمس السكر يذوب بحلاها
جيدٍ تمايل والصدر نايح الورق = غنى على ليل السهارى مساها
وجدي عليها وجد شاعر على الطرق= كل القوافي عاندت في بناها
او وجد من هو للمطر خايل البرق=عينٍ على قاعه وعين لسماها
ازرق هميل الدمع باغتني بسرق= كلْ ماأشوف بنظرتي قد عماها
ياقلبها .. والشوق يشكي لي بحرق=حدر الضلوع اللي لهبها غشاها
واكتب على الجدران باطرافي الزرق=حطوا على قبري ( شهيد بهواها)
يامضيع العنوان عنوانها شرق= الغاليه من غيرها في غلاها

[ريم علي]

ياسلام يااحمد
نص رائع جدا
صح لسانك

[فيصل الحلبوص]

وتذهب بأحمد الغبين بوصلة القلب الى جهة الشرق


فأتانا بهذا النص العذب


صح لسانك اخوي



لك ودي

[عطْرٌ وَ جَنَّة]

أحْمَد الْغِبين

../ الْشَرق كُلّه شَرَّع نَوافِذه ..وعَصَر غَيّماته لِيَسْكُبَ عَلَى
شِعْرُك الْمَطر كَ تَحيِّة بَياض ,

شُكْراً لِلإخْضِرَارِ فِيْك

http://www.qamat.net/vb/images/smilies/a36.gif

[ماجد العمر]

حضورك غير وشعرك غير
سأتواجد هنا كثيراً يااحمد
محبتي الدائمة

[جُمان]

أحمَد الغبين

نصٌّ كشَجرةٍ فَارِعة ../ أصلُها ثَابِتٌ وفَرعُها في السّماء
مُكتضٌّ بالعذوبَةِ إلى أخمَصِه

شُكراً وأكثر

.
.

[أحمد الغبين]

ياسلام يااحمد
نص رائع جدا
صح لسانك


يسلم تواجدك وصح بدنك اختي ريم


شكرا لك

احم ــد

[حسين الحوّاس الجباري]

بنتٍ وفيها فرق واحساسها فرق
لو تلمس السكر يذوب بحلاها

صح لسانك