إلى من يهمه الأمر :

[تركي الحربي]

مَدْخَل :

بعض العرب لاغاب : عااادي ولا شي
ــــــ بعض العرب لاغاب : تدمع عيونك

[تركي الحربي]

الإبتسامه والورق والحكايات
ـــــ الرّد : وأيقونة كلامك : وكلّك
مرّت هنا فالذّاكرة هالروايات
ــــ لين إستويت بـ طاري إسمك وفلّك

[تركي الحربي]

في غيبتك أتنفسك قدر الإمكان
ــــــــــ أحاول أبقى قد ما أقدر : طبيعي

يا أمس ماتدري عن أحزاني الأن
ـــــــــ روحي جسد أبيض وذكراك شيعي

[تركي الحربي]

الـْ مَدى / والمغيب : وسرب من باقي حكايات ليل وإنتباذ
ـــــ بين أصابعك ريشه من دُخان وداخل العين صورة من مغيب

تفرد الساهي من الأمس / وتسولف سماءات كلّك بـ الرذاذ
ــــ تثلج ضلوعك من البرد : منفى : وأنت لا مُغترب لكن غريب

[تركي الحربي]

الحرف ماهو على بعضه : ولا باقي من اللي عتيق
ــــــــ يترنّح بـ حانة اللابُد : لا بايع ولا مشتري

[ أيّووه] : ليتك تشوف البحر وتحس بـ أكُفْ الغريق
ـــــــ أصابعه من بلل والأشرعه بيضا [ ولا تنقري ] !