أضْلُـعْ زُجَـاْجِيـَّة....وَيَوْمِـيّاْت سَـاْئـحْ

[ناصر حطاب الدهمشي]

أعرفك ..؟
لا ما أعرفكـ.!
أجهلك ..؟
لا ما أجهلكـ .!
بس ودّي اسألِك ..إنتِ منهو تعشقين .؟

[ناصر حطاب الدهمشي]

كنت الغريب ..و ضيقتي كانت الروح=أنا عظمْها و الضياع المفاصل

0
0
0
ناصر الدهمشي

[ناصر حطاب الدهمشي]

الناس تخطي وآتاجل وأكرب إ/حزامي و اصد=بس المصيبة ويش اسـوِّي لا اخطت الدنيا علي ..!

0
0
0

ناصر حطاب الدهمشي

[ناصر حطاب الدهمشي]

[ الضلوع ]

الضلوع أرواح في صدر الحزين=ما تفرق بين جد و مهزلة
تجهل الدنيا وتعرف حاجتين=إنكسار الذات / معنى البهذلة
إسأليها عن غياب وعن حنين=إسأليها عن ضياع و معضلة
و إسأليها عن متاهات السنين=و عن طريق ٍ هـدِّني يا مطوله
إسأليها .... ولا قضيتي إسألين=ودي انفض لك عذاب ٍ احمله
فيني هم / وفيني ضيق / (وفيني مين..!)=ما جهلته بس غصب ٍ أجهله
خايف ٍ هالدمع من عيني يبين=و الزمن مبطي يحاول ينتـله
أسألـِـك بالله من فينا حزين=جاوبيني.؟ .. وإلا باقي أسئلة..!
0
0
0

ناصر حطاب الدهمشي

[ناصر حطاب الدهمشي]

لــ غـُرْبـَتِي

لحظة .. بغنـِّـي ضيقتي و إسمعيني=يمكن حنيني يجرحك و نتفارق

0
0
ناصر الدهمشي

[ناصر حطاب الدهمشي]

نص إستوى ..

( دَاوَرْتـَـهـَا )

داورتها و السنين تدور=وإن طحت ما ينفعك شوفك
الموت يا قلبي المهجور=عقب الغلا خانت سيوفك
لا ضاع عقلك فقدت النور=والناس ما تشوف معروفك
لا ما انت مع آخر الطابور=مع اوِّله تستطع حروفك
شجاع لو هو لحقك الجور=ما بان رغم القهر خوفك
إن جيت ما جيتني بقصور=طيب العرب ساكن ٍ جوفك
وإن رحت .. تمـْـلا المكان حضور=و لو طهبلوا مـحد ٍ يطوفك
مخبور يا خافقي مخبور=ماضيك يـَـحـْـكِـنـِّـه كتوفك
رح علِّم (الخايب) المحقور=كلـِّـش و لا طعـْـنـة ضيوفك

[ناصر حطاب الدهمشي]

بعيدا ًعن الشعر :
( من دفتري العتيـق )
تعالي يا تهاني وإجمعيني=من الغربة بياض وإنثريني
بعيون ٍ تشكي البعد وماتدري=بإن دموعهن في راحتيني
أبنحر هالغياب وفيهن اسكن=واعيش بوسطهن تالي سنيني
وإذا جاك الشقا يسألك عنّي=أمانة لا تقولي بوسطي عيني
أخاف..إن شافني يغصب دموعك=تحوِّلْني من عيون ٍ تبيْني


28/4/1417هـ
0
0
ناصر حطاب العنزي

[ناصر حطاب الدهمشي]

ثرثرتها لا تَلْفِت إنتباهي ..

الرمح إذا ما اعوِّده جدع الغريم=ماني بقضـّابه إذا أخطيت إ/نحره
والشعر معناه إن قصر دون الصميم=قدّام يقصر عن مرامي أهجره
حليم .. لا والله ماهي سنيـَّـة حليم=الحلم في بعض المواقف مصخرة
يا لعنبو رجل ٍ يدندف للحريم=ويالعنبو ناس ٍ تولّاهٌم مره
ياقاف شعري .. صاحبي يااحلى نديم=دحدر حروفك ( لخبيلة) دحدرة
العانس اللي تعتقد ناصر خصيم=ماني مقابل ثرثرتها بثرثرة
اللي تظن فراقها عندي عظيم=في ذمتي ماهز في راسي شعره

0
0
ناصر الدهمشي