قصاصات شعرية مما في جوالي !!

[فهد عواد]

" هي رسائل قد تكون اكثر تأثيراً لأننا نشعر بالموقف الذي كتبت له من دون ان نعايشة
رسائل الجوال هي حالة انفعالية صادقة لهذا تكون اكثر شاعرية "

الكاتب والشاعر / ممدوح السعيد

لم أجد أبلغ مما قاله لي الأخ ممدوح ليكون مقدمة لرسائلي المتواضعه ..

الرساله الأولى :
السـلام ورحمـة الله لـك تنصـا=من ( فهد عواد ) مضمون الرساله ::
خاطري ضايق .. ومرسالي موصا=لا لفـا جوالكـم .. يرمـي حبالـه
وان لمحت الحرف بالدمعات غصـا=لا تلومـه .. خابـرٍ شـيٍ طرالـه
نتعب الخطوه .. وللطيـب نتقصـا=مير مابالنـاس .. ياخيـك جمالـه
الهموم العوب .. فوق القلب رصـا=ماني بداله ... لواني قلـت .. دالـه
كن دمي من وسـط جوفـي يمصـا=ناحلٍ جسمي .. و حالـي ينرثالـه
قص قلبي هالزمان الشين .. قصـا=مد لي ظلمه .. وأنا أطلبـه العدالـه
هذي ( فياض الحشا ) جردا وحصا=والعنا طايل .. ولأحدٍ قيـل طالـه
والخفوق اللي له أكتبها علـى أصـا=حظه أقشر .. مادرى منهـوا قبالـه
ضيع البنـدق ومـن تالـي تعصـا=نطلب الله ياعسـى تصلـح حوالـه

#
##
####

الرسالة الثانية :

ياقلب .. وش حدك على الولف .. ياقلب=ماتبت ... من كثر الطعون الشنيعه ؟؟!!
وديتني للي سلب مهجتي ... سلب=رجعتني للغرب ... صوب ( البديعه )
ماتدري ان الحب - ياااقلب - ابن كلب!؟=وانك تبي تبطي .. ولا تستطيعه !؟
وانك تبي تخضع ... ولو معدنك صلب !!= وتهيـــم .. في وصف العيون الوسيعه
اللي دموعي لجلها .. تنحلب .. حلب=بايعتها ... من عدة سنين ... بيعه
بيعة غلا .. ماتقبل البيع والجلب=وان كان نفسه سولت بالقطيعه ...
أنخى الجماعه .. وأنتخي بالعجم ( help ) =وأردح على صدري .. تقل ردح ( شيعه)
#
###
######

الرسالة الثالثة :


قال انتظر ... بأرفع يديني .. وأناديك=مرت سنه ... ماشفـت تلويحـة يديـه !!!

#
###
######


الرسالة الرابعة :

عيني تريّـح كـل ماجـت وشافـت=وضح البكار .. اللي عليهـنّ وسمـي
تمشي كبر .. يصعب معـاه اتلافـت=ممشى جنود العرض .. والحفل رسمي
نقوة مغاتيرٍ علـى الـذود .. نافـت=هن قسمي من الله .. ويازين قسمـي

فهد عواد ,,,

[حمد الرحيمي]

فهد عواد ...


أهلاً بك ...


رسائل جميلة / شفافة .... تلامس كل القلوب المتعطشة [ للشعر ] ...




مودتي ...

[خالد صالح الحربي]

:
بعد هذه الرسائل إليك التصريح الآتي :
_ جوّال فهد عوّاد يسوى أكثر من ثَمَنِه بكثير !
_ جوّال فهد عوّاد هو ديوان العرب / الطّرَب .
_ جوال فهد عواد ليسَ مُجَرّد جوّال !
_ جوّال فهد عوّاد ليس للبيع ليس للتقبيل .. أيضاً .
_ جوّال فهد عوّاد .. شكراً .
فهد عوّاد شعراً .

[جُمان]

فهد عواد ..

سليل الشعر أنت ..
باقةُ رسائلك تنضحُ بالصدق / والجمال ..
تماماً كـ حديقةٍ تسدِلُ عناقيدُ الوردِ مِن شُرفاتِها ..



عذبة جداً

.

.

[عائشه المعمري]

فهد عواد

.
.


أجمل ما في تلك الرسائل ..
شفافيتها
.
.
وطهارة الحَرف
.
.

شُكراً لك

[ديم]

فهد عواد




عفويه جميله




سلم هكذا نبض

[بدر الحنيف]

ابو خالد



شاعر يفرض اسمه حرفه الجزل في صفوف الشعر ..


فهد.. راااااائـع بــ حــق ..


لو اني ارى شهادتي فيك مجروحه .. فـ حـرفك غني عن شهادة شاهد ..

صــح كلك مـــدد لا عــدد .. لـ حضورك المشرق



كل التقدير لك .. من اخيك


تحياتي ،،

[اورنس الهذال]

رسائل .. للقلب



فهد ..رااائعه هذه المعزوفات

صح لسانك ولاهنت يالغالي

وبإنتظارك

دم بخير

[فيصل الحلبوص]

فهد عواد


جوالك قد نضح لنا بكل ما هو جميل


صح لسانك ولسان ممدوح


شاعر رائع يا فهد


كل عام وانت بخير


وجوالك يفيض بأجمل الأبيات


اخوك/ فيصل

[صهيب نبهان]

..

رسائل أكثر من رائعة

كل عام وأنتم بخير

..

[فهد عواد]

فهد عواد ...


أهلاً بك ...


رسائل جميلة / شفافة .... تلامس كل القلوب المتعطشة [ للشعر ] ...




مودتي ...

حمد الرحيمي

مرورك زاد المتصفح عطراً

[فهد الغبين]

انت مجرم

مع سبق الاصرار والترصد

يافهد