بدر عبدالمحسن

[ميــرال]

بخيوط سهري أخيط قصب الظهيرة في مخمل منتصف الليل .. لذلك يتعرى الزمن

البدر

[ميــرال]

ناي





في الشارع .. عتمه ونور ..
زحمه .. واشارات المرور ..
تاقف على انفاس الطريق ..
مشيت أنا .. وهمي العتيق ..
وقبل التعب .. مايهدني..
سمعت صوتٍ شدني ..
ناي .. في صوتها ناي ..
غني وجرحني الشجن ..
دقات قلبي .. وقفن..
وخطاي
قالت وش الوقت ...
ناظرت ليل اعيونها ...
وصبح الجبين ..
ومرت ثواني صمت ...
وقلت الزمان .. انتى..
وكوني اللي تبين ...
من يومها ماعاد اناظر ساعتي ..
وش حاجتي .. أعد الزمان ..
وهى الزمان الجاي ...

[ميــرال]

شمس الورق



أنابظهر من سكوتي قبل شمس الورق ما تغيب = قبل حبر الليالي يجف .. وانا ماغنت جروحي
قصيده .. خذتها من طفل .. ما اظنه ابد بيشيب = ولكنه نزح عني .. مثل إحساسي بروحي
ابا اكتب للسماء نجمه.. ابا اكتب للخزامى طيب = واباكتب لين احس القلب لا يكتب ولا يوحي
يموت في قلبي الشاعر ويغتال المشاعر ذيب = ولا ادري افزع للضحكي .. او أحمي صرختي ونوحي
حزينه هالقوافي لا .. ولكن من يعرف الغيب = سعيده هالقوافي .. بــ انتظر لين آخرة بوحي
تعالي نتيع الضي البعيد في عتمة التغريب = ولو مليتي من أجمل قصايد غربتي روحي

[ميــرال]

ديمة



قلت المـطر . . قالـت من اليـــوم ديمــــه = ما به رعـد . . لا بـرق . . ما غـير هـتان
عشـقٍ جـمع ما بيـن قاعٍ وغـيمه = فـيض على صدر الثـرى دمع الأمزان
هــمس النديم .. الــلي يعـاتب نـد يــمه = صـوت المطـر .. كـنه تعاتـيـب خلان
وتبــسـمــت لا جل الــلــيالي الـقــد يـمـه = وقالـت تــذ كر قـلـت يابـنت نسيان
نـقـض الجـروح الـلي تـشافـت ظـليمــه = ما عاد به وصـلٍ ولا عاد هـجران
ومـا لـلرجا فـي بعض الأحـوال قــيــمه = ومال العـمى صبـحٍ ولو بات سهـران
لــو لــلزمن .. عن نية الغـد ر شـيـمـه = مـا فـــرق أحـبابٍ ولا بعــد أوطان
كلٍ خـصـيم .. وذاق لـوعـة خــصـيـمـه = والـلي خـصـيم الوقـت يا بنـت خـسران

[ميــرال]

المزهريه

لا إانتي وردة
ولا قلبي مزهرية من خزف
صدفه وحده
جمعتنا شوفي وشلون الصدف
التقينا في مدينه
وفرقتنا الف ميناء
اغفري للريح والموج والسفينة
كانت الرحلة حزينة
للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لاأخاف ولا أضيع ولاأفارق
ويش اقول غير إني آسف ويش اقول
انا خانتني العواصف والفصول
آه ياتعب المسافر
في أراضي الجرح و في بحر المحاجر
مالهذا الحزن آخر او لهذا الجرح آخر
ياشمسي الأخيرة في اللحظة الأخيرة
أنا لي كلمة أخيرة
إغفري لي إبتسامي قبل جرحي
حاولي تنسي كلامي قبل صمتي
ولو زعلتي ياأعز الناس إنتي

[ميــرال]

ابعتذر
ابعتذر عن كل شيء
إلا الهوى ما للهوى عندي عذر
ابعتذر عن أي شي
إلا الجراح ما للجراح إلا الصبر
إن ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم ..

ابعتذر كلي ندم
عن كل شيء إلا الهوى
ما للهوى عندي عذر
ا تصدقي ما اخترت أنا أحبك
ما احدٍ يحب اللي يبي
سكنتي جروحي غصب
ياحبي المرّ العذب
ليت الهوى وانتي كذب
كان اعتذر لك عن هواي
ما أقول أنا كوني معاي
ان ضايقك اني على بابك أمرّ
ليلة ألم
واني على دربك مشيت عمري
وأنا
قلبي القدم
ابعتذركلي ندم
عن كل شيء إلا الهوى
ما للهوى عندي عذر
الله كريم حبك يكون
همي القديم
وجرحي القديم
والله عليم يا أحلى العيون
ان الفراق جزا الفراق
ابوعدك كان الطريق بيبعدك
بامشي الطريق
وكان الجحود بيسعدك
مالي رفيق
ابجمع أوراق السنين
وأودعك
كان الفراق اللي تبين
الله معك

[ميــرال]

بيجيني السفر




مربوط بالضي ..
مقيِّدٍ بالظل .. مسجون في الناس ..
مديون لكلمةٍ حلوه .. مرهون لي أنفاس ..
قولي لي .. وش أسوي ..
ملعون هالإحساس ..
لو هو حلو وافر ..
قاضبني لا اسافر..
بـ الهون ..لا تكسري هالقيد .. كله أصابع ..
خليني أفك أصابع الحاير المسكون .. بالخوف ..
عن زندي الخادر ..
يكفي مواجع ..
أظنني قادر على الوقوف ..
وقادر على الترحال ..
بس اصبري ..
لا تسافري .. الين أقوم ..
بالله لا تستعجلي ..
لا تزعلي مني ..
أوراقي وثيابي .. خذيها معك ..
بس افتحي بابي .. وخليه ..
في يوم بيجيني السفر ..
ويدخل علي .. واهج مثل الناس ..
قول وش أسوي .. ملعون هالإحساس ..
لوهو حلو وافر ..
قاضبني لا اسافر ..


قول وش أسوي .. ملعون هالإحساس ..

[ميــرال]

ردي سلامي




حبيبتي...
ردي سلامي للهوى .. عذب السلام ..
وأغلى الأماني وللأمل .. كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين .. مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني .. وبينك .. وكل الناس ..
أحس فـ نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...