قصتي

[فهد البيضاني]

السلام عليكم ورحمة الله وبركاته



الى جميع اعضاء ابعاد الادبيه وزوارها



اهديكم هذه المتواضعه وهي من الارشيف


واتمنى ان ترتقي لربع الذائقه



وقلت فيها



قصتي مع حبيبٍ شفت منه العذاب=ايتعمد عذابي لكن يحبني

ذي دروب المحبه كل ابوها صعاب=انثني يالمحبه لي انا انثني

لو تجيب المشاكل لو تزيد الصواب=وحدك بوسط قلبي ساكن ومهتني

شاعرك فالمحبه فارسٍ مايهاب=ليت عنتر بوقتي عايش وشافني

شاعرٍ والمعاني في غلاف الكتاب=والجزاله تشيّد قافي المنبني

مثل ماحبنا واصل حدود السحاب=القوافي تحب الشاعر المغتني

ماتجي بالهزيل وماتجي بالطلاب=القصايد تطيع الشاعر المعتني

وانت ياسيد منّ هنّ يلبسنّ الحجاب=فيك طيب الفقير وفيك عز الغني

ضاميٍ في صحاري عشقنا للشراب=ضاميك واشربك مثل الشراب الهني

هي جنون المحبه سببت لي ذهاب=راضيٍ في جنونك كيف ماحدني

وسلامتكم


لكم ودي اخوكم فهد بن حمود البيضاني

[اورنس الهذال]

طيبه يافهد


وصح الله لسانك ولا هنت عليها يالغالي


كل الرضى لقلبك

وعساك على القوة

[جُمان]

فهد البيضاني ..

ترتقي بنا معارِج الغيم بهذا النّص المُعتّق
عذبٌ وجميل


شُكراً باسِقة

.

.