{ كرنكعوه }

[حنان محمد]

كرنكعوه كركاعوه.. عطونا الله يعطيكم.. بيت مكة يوديكم.. يا مكة يا المعمورة.. ياأمّ السلاسل والذهب يا نورة".. كلمات يغنى بها الأطفال في قطر في ليلة "الكرنكعوه" التي توافق ليلة منتصف شهر رمضان من كل عام.

http://www.islamonline.net/Arabic/News/2000-12/14/images/pic3.jpg
وليلة الكرنكعوه عادة شعبية من التراث القديم يحتفل بها جميع اهالي الخليج حيث يخرج الاطفال في مجموعات من بعد غروب الشمس الي الفرجان الاحياء حاملين معهم اكياسا من القماش ويطوفون علي المنازل القريبة منشدين بتلك الكلمات ويقومون بالطرق علي الابواب بغية ملء الاكياس التي معهم بشتي انواع الحلوي والمكسرات التي يعدها الاهالي خصيصا قبل ايام من هذه المناسبة. وليلة "الكرنكعوه" عادة متعارف عليها في أغلب الدول الخليجية وإن اختلفت التسمية من منطقة إلى أخرى؛ ففي الإمارات يطلق عليها "حق الليلة" أو "حق الله"، وفي عمان يطلق عليها "الطَلْبة"، وهي ليلة "القرقيعان" في السعودية والكويت، أما في البحرين وقطر فتُعرفبليلة "الكرنكعوه". وتستعد المحلات في الوقت الحاضر لهذه الليلة بتجهيز الاكياس التي تقدم اليالاطفال.. الي جانب ذلك تجد كثيرا من متاجر الملابس قد عرضت خصيصا بعض انواع الثيابالتي يرتديها الاطفال في هذه المناسبة التي تتكرر مرة واحدة في السنة0

http://www.qatargallery.com/arabic/data/media/169/10050.jpg
ويخرج الأطفال في هذه الليلة في أبهى حللهم، يرتدون الملابس التقليدية الزاهية؛ فالفتيات يرتدين "الثوب الزري"، وهو عبارة عن ثوب زاهي اللون مطرز بخيوط ذهبية، يرتدينه فوق الملابس، ويضعن "البخنق"، وهو أيضا قطعة من القماش تغطي رؤوسهن، وتزينها خيوط ذهبية على الأطراف، وعادة يكون لونه أسود، بالإضافة إلى التقلد بالحلي التقليدية.

أما الأولاد فيرتدون عادة الأثواب الجديدة، ويضعون على رؤوسهم "القحفية"، وهي عبارة عن طاقية مطرزة يرتديها الأولاد في الخليج، وقد يرتدون كذلك "السديري" المطرز.

والمعنى اللغوي الصحيح لـ"الكرنكعوه" أو القرقيعان هو "قرة العين في هذا الشهر". فالقرة هي ‏ابتداء الشيء، وبمرور الزمان تحورت الكلمة، وصارت تُنطق "قرقيعان".


ولهذه الليلة نشيد مميز يردده الأطفال، يحمل الكثير من المعاني؛ حيث يدعو الأطفال فيه لأهل البيت بأن يزيدهم الله في هذا الشهر المبارك منرزقه ويطيل عمر أبنائه، فيقولون:

كرنكعوه.. كركاعوه

عطونا الله يعطيكم.. بيت مكة يوديكم

يا مكة يا المعمورة.. ياأم السلاسل والذهب يا نورة

عطونا من مال الله.. يسلم لكم عبدالله

عطونا دحبة ميزان.. يسلم لكم عزيزان

يا بنية يا الحبابة.. أبوجمشرع بابه

باب الكرم ما صكه.. ولا حط له بوابة.

ولا يقتصر دورالأطفال على الطواف في الشوارع والغناء؛ بل إنهم يشاركون آباءهم في إعداد سلات وأكياس للكرنكعوه من الخامات المتوفرة لديهم في المنزل؛ وهو ما ينمي مواهبهم، ويدخل على قلوبهم البهجة، كما يعرفهم بمعنى العطاء. والاكياس التي يحملها الاطفال في هذه الليلة تسمي في قطر الخريطة وهي تشبه المخلاة أو الخرج وهو الكيس الذي يعلق في العنق ويتدلي منه وهو يصنع عادة من القماش وفي بعض المناطق من الجلد0 وكان الاطفال في ليلة الكرنكعوه في بعض المناطق يحملون معهم حصي املس علي شكل دائري او بيضاوي يسمي في قطر الصمية وهو حجر الصوان الاملس الصلب حيث يأخذ كل طفل حصاتين يقرعهما في بعضهما لتحدث صوتا يشبه القرقعة ويستخدمونه كنوع من الايقاع لاغنية الكرنكعوه.. بينما في مناطق اخري يكتفي الاطفال بترديد اغنية الكرنكعوه مع التصفيق ويستمر الاحتفال بليلة الكرنكعوه عادة من الافطار الي ما بعد صلاة التراويح او اليمنتصف الليل احيانا وذلك حسب عدد المنازل والمنطقة التي يجوبها الاطفال.

وكان الاطفال قديما يكتفون بالتجول علي المنازل التي في الفريج الحي او بعض الاحياء المجاورة ولكن حاليا ومع اتساع رقعة المدن والاعتماد علي السيارات في التنقل اصبح الكثير من الاباء يصطحبون اطفالهم الي الفرجان الاخري خاصة الي منازل الاقارب التي ربما تكون في مناطق بعيدة.

وليلة الكرنكعوه كما هي فرحة للصغار فهي مسرة للكبار وخاصة اجدادنا الذين يجدون فيها فرصة لاستحضار الماضي واحياء الموروثات الشعبية والعادات القديمة من خلال تجهيز اكياس الكرنكعوه وملئها بشتي انواع الحلوي والمكسرات..

ولهذه الليلة بهجتها عندالكبار أيضا؛ حيث تتزاور الأسر والجيران ويتبادلون التهاني والأكلات الشعبية، ويظل كل بيت في ترقب لحين وصول الأطفال.

ومنذ أكثر من 15 سنة كان الاحتفال بهذه الليلة يتسم بالبساطة والنفقات المحدودة؛ حيث كانت الأسر تكتفي بشراء المكسرات والحلويات اللازمة لتوزيعها على الأطفال، أما الآن فقد صاحبت هذه الاحتفالية بعض المظاهرالسلبية؛ حيث أصبحت بعض الأسر تتنافس في كيفية عرض وتغليف الأكياس التي يحملها الأطفال، وقد يكلفهم ذلك مبلغا كثيرا من المال، كما أن بعض المتاجر التي تستعد بفترة قبل ليلة النصف من رمضان، أصبحت تعرض علبا فاخرة بمناسبة الكرنكعوه تصل سعرالواحدة منها إلى "60 ريالا "

شاركونا ذكرياتكم في هذه الليلة ..

[علي المحمد]

كرنكعوه / طقوس جميله لايزال بعض اهالي الخليج يحيونها في منتصف شهر رمضان

منظر الأطفال في هذه الليله يسلب الألباب

شكراً حنان

:)

[أمجاد محمد]

عاداتكم روٍعة
احنا ما عندنا مثل
هذه الطقوٍس
شكراً حنـان

[حنان محمد]

كرنكعوه / طقوس جميله لايزال بعض اهالي الخليج يحيونها في منتصف شهر رمضان

منظر الأطفال في هذه الليله يسلب الألباب

شكراً حنان

:)



هي فرحة للصغير والكبير
يعني انا اليوم طنشت للدوام عشان البس عيالي واتفرج على عيال خواتي واشوف شنو لابسين

خبرك مانعلم بعض عشان نفاجيء بعض بزينا
اليوم انا وفطومة لابسين نفس الجلابية مطقمين :)

[حنان محمد]

عاداتكم روٍعة
احنا ما عندنا مثل
هذه الطقوٍس
شكراً حنـان

ايش رايك نتبادل انتي تجين مكاني يوم وانا اروح مكانج يوم ؟

[موزه عوض]

تسلمين غاليتي حنان

قرنقعوه أو ما نسميه نحن بالإمارات حق الليلة


طقوس تراثية وجميلة بين الأولاد والبنات
بالفرجان ..

عندكم بالكويت ليلة النصف من رمضان
ولكن بالنسبة عندنا ففي ليلة النصف من شعبان

اتذكر بشعبان كان الفريج مليان بالأطفال ومعهم تلك الأكياس الملونة المملوءه بالحلويات والمكسرات كما كانت اثوابهم رائعة تتسم بالجمال والعفوية والتراث الأماراتي .


رائعة قلبي
ويبقى لطقوس القرنقعوه اجمل الطقوس الخليجية
وخليجنا واحد ..



لا هنتِِ يا الغلا

وشكرا على الطرح الجميل هذا ..


ذكرتيني لما كنت صغيرة :)





http://www.7c7.com/vb/uploaded/33516_01211306941.gif

[حنان محمد]

<b>




تسلمين غاليتي حنان

قرنقعوه أو ما نسميه نحن بالإمارات حق الليلة


طقوس تراثية وجميلة بين الأولاد والبنات
بالفرجان ..

عندكم بالكويت ليلة النصف من رمضان
ولكن بالنسبة عندنا ففي ليلة النصف من شعبان

اتذكر بشعبان كان الفريج مليان بالأطفال ومعهم تلك الأكياس الملونة المملوءه بالحلويات والمكسرات كما كانت اثوابهم رائعة تتسم بالجمال والعفوية والتراث الأماراتي .


رائعة قلبي
ويبقى لطقوس القرنقعوه اجمل الطقوس الخليجية
وخليجنا واحد ..



لا هنتِِ يا الغلا

وشكرا على الطرح الجميل هذا ..


ذكرتيني لما كنت صغيرة :)





http://www.7c7.com/vb/uploaded/33516_01211306941.gif

</b>


حبيبتي ونة ألم

اول شي قصدج عندنا بقطر

وثاني شي هي فعلا طقوس تجنن

ونة الم قولي لي عن ذكرياتج في هاليوم

بس تكفين لا تسأليني عن ذكرياتي لانها تفشل

[موزه عوض]

هلا قبي

قطر ولا الكويت ولا الإمارات

كلنا واحد

:


تعرفين
اتذكر لما كنت صغيرة مع اقراني وبنات الجيران
نروح ندور على البيوت والفرحه ماليه عيونا

ياااه حنان ..ذكرتيني :)

ندق على الأبواب ونغني
عطونا الله يعطيكم بيت مكه يوديكم


اتذكر مره بيت من البيوت ما رضوا يعطونا ولو مكسرات قمنا وجبنا ( حجر ) وقعدنا نفر علي الباب :)

شوفي خبالنا قبل بس شقاوة طاهرة


فديتج ..خلينا اذكر وارجع بس








http://www.7c7.com/vb/uploaded/33516_01211306941.gif

[شــمــ نـجـد ــس]

:

أنتم محظوظين حنان

يجوز أهل المنطقة الشرقية وأهل الحجاز " عندهم قرنقعوه "

لكن أهل الوسطى مستحيل :( ماادري كيف عايشين لكن ماعلينا

يمكن مع الوقت نبتكرها بدون ذكريات سابقة :)

[ريم علي]

كان يوم جميل يا حنان
بس هي صارت فرحة الصغار اكثر
كاشخين ويجننون
كل شي تراث في تراث مافي ستايل كثير ههههههههههههههههه

[نوف عبدالعزيز]

حنان أبي كرنكعوه حنا بالرياض ما عندنا :(

بس أهل الشرقيه عندهم يا أنه قلبي يفز لا شفت الحلاو

فيني طفولة أبي أسوي مثل هالبزران و أدوج

معهم على البيوت يومني صغيرة حياوية مانيب أدوج

ويوم كبرت صار عندي فقر دوجه :d

مشكوره غاليتي على الموضوع ممتع جداً

[ريم علي]

ههههههههههههههههههههه

[فيصل الحلبوص]

القرقيعان

تأتي فيه أفواج من الأطفال ويغنون



أمس جوني أطفال



قرقيعان وقرقيعان ويغنون أغاني جديدة


وأعطيتهم قرقيعان



أحلى ما فيهم البراءة :)



صباحك قرقيعان يا أخت حنان

[ريم علي]

نوف
لك مني اذا الله عطاناواياك عمر رمضان الجاي
نحتفل بالقرقيعان في ابعاد احتقال مختلف

[عبدالله العويمر]

طقوس جميله




حنان

















الله يديم احتفالاتـكــ/م

[حنان محمد]

<b>

هلا قبي

قطر ولا الكويت ولا الإمارات

كلنا واحد

:


تعرفين
اتذكر لما كنت صغيرة مع اقراني وبنات الجيران
نروح ندور على البيوت والفرحه ماليه عيونا

ياااه حنان ..ذكرتيني :)

ندق على الأبواب ونغني
عطونا الله يعطيكم بيت مكه يوديكم


اتذكر مره بيت من البيوت ما رضوا يعطونا ولو مكسرات قمنا وجبنا ( حجر ) وقعدنا نفر علي الباب :)

شوفي خبالنا قبل بس شقاوة طاهرة


فديتج ..خلينا اذكر وارجع بس








http://www.7c7.com/vb/uploaded/33516_01211306941.gif

</b>



تدرين أذكر مرة كنا رايحين نقرقع وصلنا اخوي البيت وهو راح يكمل
تأخر وايد وقعدت امي تحاتيه وايد وتصيح ع بالها صار فيه شي لانه تأخر وايد المهم جا وجايب الغنايم معاه وأبوي أضربه
طبعا في وحده ملقوفه وايد كانت تاكل من الحلويات اللي جايبهم وتضحك عليه لانه انضرب وتعطيه نصايح انه مايتأخر وحلجها مليان مكسرات ياهي نضربت ضرب يومها ع لقافتها ماتهنت في المكسرات<<< كلش مب أنا :)

ياحلو ها من أيام

عسى ايامج كلها وفرح وسرور حبيبتي

[حنان محمد]

:


أنتم محظوظين حنان

يجوز أهل المنطقة الشرقية وأهل الحجاز " عندهم قرنقعوه "

لكن أهل الوسطى مستحيل :( ماادري كيف عايشين لكن ماعلينا


يمكن مع الوقت نبتكرها بدون ذكريات سابقة :)


شموستي
ولا تزعلين
الله يكتب لنا عمر ان شاء الله ورمضان الجاي انا وفطومة بنتي بنيي الرياض وبنحتفل معاج
ونلبسج جلابية مثلنا بعد ايش تبين ؟؟

وبتكون أحلى ذكرى

الله لا يحرمني شمسج

[حنان محمد]

كان يوم جميل يا حنان
بس هي صارت فرحة الصغار اكثر
كاشخين ويجننون
كل شي تراث في تراث مافي ستايل كثير ههههههههههههههههه

ريم
هالايام ندور الوناسة بأي طريقة
يعني انا وعيالي امس مطقمين تقولين طقم قلاصات وجيك

بعدين وين اللي بتينا ولا يات ؟( وجه معصب )

[حنان محمد]

حنان أبي كرنكعوه حنا بالرياض ما عندنا :(

بس أهل الشرقيه عندهم يا أنه قلبي يفز لا شفت الحلاو

فيني طفولة أبي أسوي مثل هالبزران و أدوج

معهم على البيوت يومني صغيرة حياوية مانيب أدوج

ويوم كبرت صار عندي فقر دوجه :d

مشكوره غاليتي على الموضوع ممتع جداً

نوف أيش رايج نروح نقرقع انا وانتي وريم
ونسميه قرنكعوه الإعلاميات ؟

[حنان محمد]

ههههههههههههههههههههه


دوم يارب
ولا يحرمنا منها

[حنان محمد]

القرقيعان

تأتي فيه أفواج من الأطفال ويغنون



أمس جوني أطفال



قرقيعان وقرقيعان ويغنون أغاني جديدة


وأعطيتهم قرقيعان



أحلى ما فيهم البراءة :)



صباحك قرقيعان يا أخت حنان




وصباحك رضا وطاعة وغفران يارب

الأطفال مافي أحلى منهم

شنهي ذكريات فيصل
ولا ماكنت تقرقع ؟

[بدرالموسى]

امس بالذات كنت في حاله مو طبيعيه من الحنين
حنين لكل شي قديم لاني مليت الحاضر بكل غصاته
احتجت ان ارجع كم سنة ورا
والصدفه ان هالمناسبة كانت حاضره
العودة الى الذكريات كان جميل جدا

ما لقيت نفسي الا افتر في الفجران اشوف الجهال وهو يقرعقعون
كانوا مستانسين بس مو مثلنا
الحين كل ثلاث بنات او اربعه معاهم خدامتين
والحلاو مغلف احسن تغليف
والبرمودا ماخذه مدها في لبسهم
والخدم المساكين بس يركضون وما يدرون شسالفه
بجد منظر يضحك ويحزن بنفس الوقت
تصدقون ما سمعتهم يغنون مثلنا قبل
انا متاكد لو اني مدقق في اغانيهم امس كنت راح اسمع ( امبيه ابي امي ابي ابوي )

اتذكر ايام علبة النيدو اللي ما نرجع لبيوتنا الا وهي مطبقه من الضرب
اتذكر اكياس الجمعيه اللي ترجع متروسه من ما لذ وطاب من الحلاو وعلج ابو رجل وعلج ابو قصدير
كنا نستانس على اللي يعطونا ماكنتوش
نحس انهم مريشين وحنا عيال فقر نروح لهم اكثر من مره

الحلو صج لا طلعت لنا هذيج العجيز اللي وجها نورها وكلها بركه
والحنان يدبي يدبي
تجي وتعطينا فلوس
يا بووووووووووووووووي
ال 100 فلس ايامها كانت ثروه بالنسبه لنا
نقعد نغني عندهم وندعي لهم لين يقلون لنا بس خلاص
وكله عشان ال 100 فلس


يا حلوها من ايام ايه والله

[حنان محمد]

نوف
لك مني اذا الله عطاناواياك عمر رمضان الجاي
نحتفل بالقرقيعان في ابعاد احتقال مختلف


بجي معاج
مب تروحين عني ياويلج ؟

[حنان محمد]

طقوس جميله




حنان

















الله يديم احتفالاتـكــ/م

بوعبدالعزيز
أن شاء الله السنة الجاية

اجيكم واجيب حلويا وجلابيه حق ريماس مثل جلابية فطومه بنتي

والله يديم الفرح ولا يحرمنا طيبك ياطيب

[حنان محمد]

امس بالذات كنت في حاله مو طبيعيه من الحنين
حنين لكل شي قديم لاني مليت الحاضر بكل غصاته
احتجت ان ارجع كم سنة ورا
والصدفه ان هالمناسبة كانت حاضره
العودة الى الذكريات كان جميل جدا

ما لقيت نفسي الا افتر في الفجران اشوف الجهال وهو يقرعقعون
كانوا مستانسين بس مو مثلنا
الحين كل ثلاث بنات او اربعه معاهم خدامتين
والحلاو مغلف احسن تغليف
والبرمودا ماخذه مدها في لبسهم
والخدم المساكين بس يركضون وما يدرون شسالفه
بجد منظر يضحك ويحزن بنفس الوقت
تصدقون ما سمعتهم يغنون مثلنا قبل
انا متاكد لو اني مدقق في اغانيهم امس كنت راح اسمع ( امبيه ابي امي ابي ابوي )

اتذكر ايام علبة النيدو اللي ما نرجع لبيوتنا الا وهي مطبقه من الضرب
اتذكر اكياس الجمعيه اللي ترجع متروسه من ما لذ وطاب من الحلاو وعلج ابو رجل وعلج ابو قصدير
كنا نستانس على اللي يعطونا ماكنتوش
نحس انهم مريشين وحنا عيال فقر نروح لهم اكثر من مره

الحلو صج لا طلعت لنا هذيج العجيز اللي وجها نورها وكلها بركه
والحنان يدبي يدبي
تجي وتعطينا فلوس
يا بووووووووووووووووي
ال 100 فلس ايامها كانت ثروه بالنسبه لنا
نقعد نغني عندهم وندعي لهم لين يقلون لنا بس خلاص
وكله عشان ال 100 فلس


يا حلوها من ايام ايه والله


بدر

الزمن تغير وايد
تدري امس عيالي مقرقعين بسيارة
لهم كم سنه على هالحال ومايغنون الا اذا انا غنيت معاهم
ومسويه زحمة وازعاج في الفريج

وغير جذي صارت العملية مكلفة عندنا لانها كلها مظاهر وبس

الحين الحلويات مغلفة والعلبة الوحده توصل عندنا 80 ريال وارخص شي اللي يلوع الجبد 20 ريال .. فصارت العملية كلها بذخ ومفوشر وبس ..

بدر

هات من ذكريات كشلها شي عجيب ماينقال

[بدرالموسى]

صدقتي
الزمن تغير القرقعيان بالسياره
والحلاو مغلف ومطبوع عليه اسم الجاهل اللي مسوين له القرقعيان
واللي يحطون صورته
والتكلفه مدري جم والتراث نايم ولا يدري عن هالسوالف

رجعتينا لايام حلوه يا حنان

[عائشه المعمري]

مرحبا حنان

كل عام وإنتي بخير ..

بالرغم من إنه لم تَكن لي طقوس كثيرة في هـ الإحتفالية

إلا انها مشهورة كثير ف عمان باسم الـ ( ـقرنقشوه )
وبعض المناطق عندنا يسمونها الطوق طوق .. أو التلميس أو النصيفه ..

ويقولون اليهال : أثناء مرورهم بين البيوت:
((قرنقشوه يوناس أعطونا شوية حلوى ،
دوس دوس في المندوس ،
حارة حارة في السحارة ،
.
عطونا شويه من مالكم ،
الله يخلي لكم عيالكم))

فإذا حصلوا الحلاوة قالوا لأهل البيت : (قدام بيتك وادي والخير كله ينادي)، و
إذا ما حصلوا شي يقولون : ( وراء بيتكم صينية ، وراعية البيت جنية).



موقف اليوم صار لي ف الجامعه :

وانا ف اللفت دخلت معي مس أجنبية ..
وشفتها شايله مع أغراضها سله صغيرة شكلها حلو وفيها حلويات .. ومكسرات ..
وهي مستانسه .. وإحنا صيام
عاد انا ملقوفه .. سألتها عن السله ..
قال لي إنه فيه طلاب عاطينها إياها .. وإن هذي عادة عنكم تتكرر كل سنه ف رمضان ..
وإنها هي وايد فرحانة واليوم راح تنتظر اليهال ف شقتها وبتجهز الحلاوة والمكسرات ..
لما قالت لي : استحيت لأني أنا بروحي ما تذكرت أصلا إن اليوم / ( قرنقشوه ) ..



:)

[عبدالله العويمر]

بوعبدالعزيز
أن شاء الله السنة الجاية

اجيكم واجيب حلويا وجلابيه حق ريماس مثل جلابية فطومه بنتي

والله يديم الفرح ولا يحرمنا طيبك ياطيب

:)


ماتقصرين ياطيبه

[نوف عبدالعزيز]

ريم

بعد ايش ههههههه نفسي في الحلاو الحين

بس ما يمنع نسوي الإحتفال السنة الجاية بأنتظره

حنان

ماعندي مانع يالله على يدك بس اهم شي يكون فيه

حلاو من جد ابي حلاو :(

[ريم علي]

يعني حلاو بقر والا اي حلاو هههههههههههههههه
عشان اعرف يعني ههههه

[فيصل الحلبوص]

وصباحك رضا وطاعة وغفران يارب

الأطفال مافي أحلى منهم

شنهي ذكريات فيصل
ولا ماكنت تقرقع ؟






ما كنت أقرقع





أنا بس أعطي اللي يقرقعون :)



الأطفال هم جمال الدنيا بكل شي يسوونة يعطون للحياة طعم




مساءك نور في قطر

[فاتن حسين]

حنان محمد

من اجمل الطقوس والذكريات التي لازالت تعيش في الذاكرة رغم اننا لا نعيشها في فلسطين
الا انني نعمت بها خلال تواجدي في قطر

شكرا وتحية لقطر الحبيبة


ولكِ مثلها حنان

[زين]

حنان محمد
يااااااااااه على القرقاعون
كنت أقرقع وأنا صغيرة
والحين هم أقرقع مع عيالي>>> يعني ما فرقت كثير
ويا حلاة اليهال بالجلابيات والثوب وهم يقرقعون
قرقاعون عادت عليكم
ويالصيام
الله يخلي ولدكم
ولدكم يالحباب
وسيفه يرقع الباب
قرقاعون

[حنان محمد]

صدقتي
الزمن تغير القرقعيان بالسياره
والحلاو مغلف ومطبوع عليه اسم الجاهل اللي مسوين له القرقعيان
واللي يحطون صورته
والتكلفه مدري جم والتراث نايم ولا يدري عن هالسوالف

رجعتينا لايام حلوه يا حنان


عسى أيامك كلها حلوة يارب

[حنان محمد]

مرحبا حنان

كل عام وإنتي بخير ..

بالرغم من إنه لم تَكن لي طقوس كثيرة في هـ الإحتفالية

إلا انها مشهورة كثير ف عمان باسم الـ ( ـقرنقشوه )
وبعض المناطق عندنا يسمونها الطوق طوق .. أو التلميس أو النصيفه ..

ويقولون اليهال : أثناء مرورهم بين البيوت:
((قرنقشوه يوناس أعطونا شوية حلوى ،
دوس دوس في المندوس ،
حارة حارة في السحارة ،
.
عطونا شويه من مالكم ،
الله يخلي لكم عيالكم))

فإذا حصلوا الحلاوة قالوا لأهل البيت : (قدام بيتك وادي والخير كله ينادي)، و
إذا ما حصلوا شي يقولون : ( وراء بيتكم صينية ، وراعية البيت جنية).



موقف اليوم صار لي ف الجامعه :

وانا ف اللفت دخلت معي مس أجنبية ..
وشفتها شايله مع أغراضها سله صغيرة شكلها حلو وفيها حلويات .. ومكسرات ..
وهي مستانسه .. وإحنا صيام
عاد انا ملقوفه .. سألتها عن السله ..
قال لي إنه فيه طلاب عاطينها إياها .. وإن هذي عادة عنكم تتكرر كل سنه ف رمضان ..
وإنها هي وايد فرحانة واليوم راح تنتظر اليهال ف شقتها وبتجهز الحلاوة والمكسرات ..
لما قالت لي : استحيت لأني أنا بروحي ما تذكرت أصلا إن اليوم / ( قرنقشوه ) ..



:)



عائشة

هههههههههههههههههههههههههههه

موقف وايد حلو

الف شكر لج على المعلومة الحلوة

عسى ايامك سعادة يارب

[حنان محمد]

ريم

بعد ايش ههههههه نفسي في الحلاو الحين

بس ما يمنع نسوي الإحتفال السنة الجاية بأنتظره

حنان

ماعندي مانع يالله على يدك بس اهم شي يكون فيه

حلاو من جد ابي حلاو :(


بجيب لج معاي ماكنتوش :)

[حنان محمد]

ما كنت أقرقع





أنا بس أعطي اللي يقرقعون :)



الأطفال هم جمال الدنيا بكل شي يسوونة يعطون للحياة طعم




مساءك نور في قطر







مساك ورد

والأطفال هم سر الحياة

[حنان محمد]

حنان محمد

من اجمل الطقوس والذكريات التي لازالت تعيش في الذاكرة رغم اننا لا نعيشها في فلسطين
الا انني نعمت بها خلال تواجدي في قطر

شكرا وتحية لقطر الحبيبة


ولكِ مثلها حنان

أميرة السراب

الشكر لمثلك واجب

وقطر مشتاقة لربيع أنفاسك ..

تحياتي ..

[حنان محمد]

حنان محمد

يااااااااااه على القرقاعون
كنت أقرقع وأنا صغيرة
والحين هم أقرقع مع عيالي>>> يعني ما فرقت كثير
ويا حلاة اليهال بالجلابيات والثوب وهم يقرقعون
قرقاعون عادت عليكم
ويالصيام
الله يخلي ولدكم
ولدكم يالحباب
وسيفه يرقع الباب

قرقاعون



يازينة الدنيا يازين

أخبار طلابج مع القرقيعان ؟

قلبي معاج ياحبي

[زين]

يازينة الدنيا يازين

أخبار طلابج مع القرقيعان ؟

قلبي معاج ياحبي

هلا بالحنان كل أبوووووووووه
قرقعت مع طلابي بالمدرسة ووزعت قرقاعوني عليهم استانسوا حيل
بس مو قرقعت بالمدرسة وبس سكت
هأأ قرقعت مع أولادي في الفريج
صج صج استانسنا >>>> وأنا وياهم
ربي يعودنا داير ونقرقع

[حنان محمد]

هلا بالحنان كل أبوووووووووه

قرقعت مع طلابي بالمدرسة ووزعت قرقاعوني عليهم استانسوا حيل
بس مو قرقعت بالمدرسة وبس سكت
هأأ قرقعت مع أولادي في الفريج
صج صج استانسنا >>>> وأنا وياهم

ربي يعودنا داير ونقرقع



الله يديم عليج الفرح
ويخليج لعيالج يارب

[إغفاءة حلم]

:) سقى الله .. ذيك الأيام
كانت طقوس القرقيعان بسيطة ..جداً
أما الحين مثل ماقلتي ياخية متكلفة وغير موضة التصوير بالأستديوهات اللي طالعين فيها الحين ...
وعلى كل علبة قرقيعان صورة الولد أو البنت اللي يكون القرقيعان مسوّا لهم ...

متكلف جداً مافيه فرحة الـ أول ..
في يوم القرقيعان .. كان أخوي مصرّ على أمي
ترجع تقرقع علينا كلنا من جديد.. عاد عواشة أكثر وحدة شبعت قرقيعان وأخوي يشوف هذا ظلم واجحاف بحقنا ...
الحين حنا بس على سنة او سنتين .. وعواشة أكثر من 8 سنين...
http://www10.0zz0.com/2008/09/18/17/480960229.gif

مساكين بنات الرياض
ماأتخيل يمر رمضان من غير قرقيعان:(

تسلمي حنونة ..
جد رجعتينا لـ أيام أول وبساطتها