نَتِيجَة : [ الغَيمَة الثالثة ]

[الشعر الشعبي]

http://up.graaam.com/up1/pic1/44081620af.gif (http://www.graaam.com/)


أبعاديّونا الكِرام ..

على ضِفّة غَيمتِنا الثَّالثة
وقفنا مع خمسة عشر شاعراً وشاعرة ../ رتّبُوا لنا حُضور المَطر .. ومنحوُنا سُقيا حُروفِهم طيّبَةً وبارِدٌ شَرابُها
أغرقونا فِي حيرة الاختيار ../ إذ كُل نصٍّ يهمسُ للآخر أنّه الأجمل
أجزِم أننا أورَقنا كـ جنائنَ بِهطولِهم .. حِين وهبونا سِحر الحرف ورفاهِية اللّغة وطلاوة المعنى
قبائِلُ الشّكر تَترى لِقلوبِهِم قلباً قلباً../ وستظلّ نصوصهم ملءُ السّمعِ والبَصر

النّصوص بِـ مجموعها مُدهشة ولكن آلية المُسابقة تُرغِمنا على ترشيح الأكثر تصويتاً


بالنّسبَةِ للفائز بأعلى نِسبةِ تصويت على نصّه الأجمل ../ وللمرّة الثانية هو الشّاعر

خالد صالح الحربي

مُباركٌ لك / وعليك ..
وشُكراً كما ينبَغي ../ لجميل ما قدّمت


الجائزة
بطاقة DSL آفاق
السرعة : 512 كيلو بايت
لـ مدّةِ شَهر


http://up.graaam.com/up1/pic2/61b7466f60.gif (http://www.graaam.com/)



غَيثُ شُعرائِنا

[ 1 ]
الشّاعر : عبد الله العويمر
اسم إنسان ، والظاهر "رفاته"=اشوفه وصف ياأبعاد مني
اباذكر للفرح مره التفاته=تخون الذاكره ،،واذكر تجني!
ولو يسأل زماني ذكرياته=يجاوب باختصار وصدق عني:
بعد ماكبّل الواقع حياته=رماه الليل في حضن التمنّي



[ 2 ]
الشّاعر : عبد المحسن الطّليحي

شف الايام حيلتها طويلة=وانا محسن بنياتي وظنّي
معي حلم التقي بك كل ليله=رماه الليل في حظن التمنّي
ويد الصبح تنبت بك بخيلة=وحظي باللقى خان وطعنّي
انا عنك الوفى اصبحت اشيله=ابيك تشيل باقي الآآه عنّي




[ 3 ]
الشّاعر : خميس الوشَاحي
وجيت ارخي ازارير الاماني=عقب ما ضاقن بصدرٍ حضني
تهجدت وسقى دمعي مكاني=وحيد،، الا من احزاني ومني!!
يحاصرني شعور اني اناني=رماه الليل في حضن التمني
ترك وافي، ودوّر حب ثاني=وطاح_ وراحت ايامه تجَنّي





[ 4 ]
الشّاعر : مرعي ونِيس
على عهدك وميثاقك ووعدك=وغلاك اللي هو أكثر من سكنّي
مزن يمحى الحزن ويفز وردك=وعصافيراًمع.. أشراقك تغنّي
أنا المسجون والقضبان سودك=أصير أنسان مسكون ألف جني
لقيت ان الغلا مع زود بعدك=(رماه الليل في حظن التمني)





[ 5 ]
الشّاعر : خالد صالح الحربي
يقول الشّاعِر اللي نُصف عُمره =يصلّي ، ونصفه الآخر : يغنّي .
يُشوف إنّ الصّلاة آلَذّ خَمرَة=إلى مِنّه ثمِلْهَا .. قال : كِنّي :
وَضَعت بصدري المَخنُوق قَمرَة=تنِير وما تعَزّي ! ، الا تْهَنّي .
و انا الخَطّاء ، قِل : قِطمِير تَمرَة=" رماه الليل في حضن التمنّي "





[ 6 ]
الشّاعر : محمد المغري
أنا لي قلب من همه يوني=رماه الليل في حضن التمني
تمنى ماتمنى في حياته=ولكن الأماني خالفني
رعاك الله ياخلن رماني=بسهم عيونه الخدرات فني
رماني بخرس خدرات غواضي=على درب المحبة صخرني





[ 7 ]
الشّاعرة : الغِيد بنت فواز
انا والحّب ، ما ننزآح .. عنّـا=ولكن زآحه التّجريـح / عنّـي
وقلت اليـوم بـآ أوّدع وطنّـا=وأنت ارتاح .. لو ترتاح منّي !
كذآ والا كذآ حلـم .. آتهّنـى=ألوم شلون بي خذلآن سنّـي !
صبَاح الشوق لو وجهـه تغنّـا=رمآه الليل في حضن التّمنـي !





[ 8 ]
الشّاعرة : ميرال
رماه الليل في حضن التمني=وانا بكرم االسهر ماخاب ضني
تدانت لي طيوفة كل ليلة=فوانيسن على ضحكات سني
تدور من الوله بدروب عيني=مثل دور الفراش المرجهني
واذوب بغفوتي والطيف ذايب=نبتلي غصن جرحة وامتحني






[ 9 ]
الشّاعر : ناجي الطرقي
هنا كانـت تنادينـي وأجيهـا=من السرعة على حد التأنـي
هنا كان المكان يحـس فيهـا=[يغني] كل ما كانت [تغنـي]
وقلبي تحت رحمـة والديهـا=[ رماه الليل في حظن التمني]
عليّ الحلـم والباقـي عليهـا=لأني صدق انا // مليت مني!!





[ 10 ]
الشّاعر : ظافر الهرمسي الهاجري
تعالي ، واحضني رجل ٍ يعاني=رمـاه الليل في حضن التمني
تـمنى وأمتلئ صدره أغاني=ويضحك وأثر بالضحكه يونى
دعاه الشوق في غفلة وجاني=معه ذكرى غلاك يقول : ( كني
صغير ٍ ضاع في ذيك المواني )=بكى / وأبكى خفوقي : واحتضني





[ 11 ]
الشّاعر: أكرم التلاوي
عجوز ٍ ذله الوقت وتعنّـى=رماه الليل في حضن التمني
تِقِل زفراته الحرّى تغنّـى=يموت اللحن لو مات المغني
تركه اللي من أمواله تهنّى=بلا ماوى لجل زوجه يهنّي
يموت المرء فيما قد تمنـى=وتقتله الأماني فـي تأنّـي





[ 12 ]
الشّاعر : نايف الرّحيمي
حسَبت حساب خطوات البداية=تحرّيت الأمل .. واحسَنت ظني
ولكن النهايـة .. جَـت نهايـة=بعَد ما عاند الحظ .. و غبنـي
تعبت اقرا تفاصيـل الحكايـة=ومن بعد الحكاية صرت كنـي
مسافر في بلاد التيـه .. تايـه=رماه الليل في حضن التمنـي





[ 13 ]
الشّاعر : حَمد الرّحيمي
سقاه الويل من مزن الأماني=رماه الليل في حظن التمني
تغنيه الجروح و ما يعاني =تدوزنه الجروح و ما يغني
يحيل ضلوعه أوتار لـ أغاني =و يحيل النبض لايقاع التأني
يهندم صوته لوأد الـ ثواني =قبل ينطق لهذا الكون [ إني ]





[ 14 ]
الشّاعر : فهد الغبين
خوي الهم ..ما والله ..غيره=رماه الليل في حضن التمنـي
تمنى مره يكون ..(المغيـره=إبن عقبة) .. ويرجع ما يمني
ويرجع عز فيه نعيش غيـره=على الاسلام واللي ..يلثمني
فكل كبيـرةٍ كانـت صغيـره=(وما نيل المطالب ِ بالتمنـي)





[ 15 ]
الشّاعر : عسّاف المقبل
ياقلب الحب من زارك خريفـك=وطافت بك .. عصافيرك تغنّي
ورفّ الطير واغصانك رفيفـك=تشوق الريح لـو زاد التثنّـي
وكسى كرسيّك المجفي نزيفـك=من الاوراق واللي طاح .. منّي
دريت ان الهوى كذبه .. وطيفك=رماه الليل في حضـن التمنّـي




لِقاؤنا بِكم يتجدد يوم الثلاثاء الساعة [ التّاسِعة ] مساء
ومع [ الغَيمَة الرابعة ] والأخيرة

كـ الصُّبحِ أنتم ..
كُونوا حيثُ نحن ../ لـ نتنفّس الفرح بِكم

.

.

[عبدالله العويمر]

ألف مبروك لشاعرنا الجميل : خالد


روحه متجليه في النص ، ماشاءالله




















ألف مبروك ياخالد ، وحظ أوفر للبقيه

























أجمل التهاني

[ناجي الطرقي]

مبروك للشاعر / خالد الحربي

فذ ويستحق ذلك
يستاهل كل خير
وكآن الأفضل فعلاً


كُل الشُكر والتوفيق للجميع هُنا

وآفرالتحايا.

[ريم علي]

مبروك ياخالد
تستاهل
وبصراحه الكل فايز بكم وبقصائدكم الجميله

[شــمــ نـجـد ــس]

:

الأبيات الجميلة والمتعة التي رافقتنا بهذه الغيمات فوز آخر ..

و مُبارك فوز الشاعر خالد الحربي للمرة الثانية

[حمد الرحيمي]

ألف ألف مبروك لشاعرنا الجميل الأميز خالد صالح الحربي على هذا الفوز و هو أهلٌ له بلا شك ... وأمنياتنا للجميع بالفوز في مراتٍ قادمة ...

[نبض الحنايا]

مبروك أخي الكريم

وحظ اوفر للبقيه إنشاءالله

فائق تقديري .

[خميس الوشاحي]

م ب ر و ك
يا خالد
كعادتك جميل اينما حللت