كاسحة ألغام

[مرعي ونيس]

للتواصل لافواصل
.
.



ليّـه مآرب...والشعـر لـه مـآرب=ولاهي..علينـا ياصديقـي غريـبـه
مانـارد...إلا صافيـات المـشـارب=واللي علـى بـال المطنّـخ نجيبـه
مابين بقعا ..والسهـر ..والتجـارب=والليل..والقمرا..ونبـض الحبيـبـه
نبني بيـوت الشعـر لنـا مضـارب=ونغـزّ راياتـه مـعـزّه وهيـبـه
إمـا ندسم...بالقصيـد الـشـوارب=وإلا الهزيل من القنص وش نبي بـه
عاداتنا..قـطـع الديّر..والـغـوارب=ومقلطيّنه..والمـرق مـن حليـبـه
قريّـبـيـن لبعضنا...ونـتـقـارب=وسهيـل قريب...والثريـا قريـبـه
مترافقين..أفكـارنـا مـاتـضـارب=متوافقين..أوكارنا..بقـلـب ذيـبـه
بعين الحسودأشد مـن سـد مـأرب=ولأم العيون السـود ماتحتفـي بـه
أحيان..نقعد نرفـع كفـوف يـارب=وأحيان..نمسك الشيطان نهفـي بـه
ترقى بنا..على السحاب ..القـوارب=وتقرى بنا..عين الشقا ماتهـذي بـه
برقابنـا ديّـن أستراحـة محـارب=وبقربنا..عـذب المناهـل وطيـبـه
يوم أسهم المجني عليهـم تضـارب=حنا..ملينـا للفخـر..ألـف جيـبـه
الفرث ياجا رفث من نقـص شـارب=يطيح مـن عيـن المفاهيـم شيبـه
والمشكله..ماهـي بكثـر التعـارب=المشكله..من صـار قولـه يعيبـه
الخرب خرب ومن هوى الخرب خارب=اللـي ليّاأحتـد الهـدد ينغـدي بـه
والقافله تصلـخ جلـود المسـارب=وكلاب تنبح..بـس توخـذ غصيبـه
والشاعر اللي يحسب أنـه يحـارب=قلّـه يهـدي لايـغـرّ ... بقليـبـه
وراع الهـوى..أذا هوى..مايقـارب=ذا الهوى..صرح..وهوى مادري بـه
غيري..وقلبي..وساعتي..والعقـارب=ولدغات الشوق المدميه والعصيبـه
عيني تدور الضبي..والضبي هـارب=هـذا البلا..وهـذا الجلا..والمصيبـه
مدلعيّنه...موغلـيـن المـضـارب=ومشيّخين..أبـو الشفـاه الرطيـبـه
ليا سقيتـه مـن غمامـي يشـارب=ولياساقاني من غمامـه هنـي بـه
وليّا جنحت لسلـم أجـرم وحـارب=وليّـا جنحـت لحلم..يطـول غيبـه
الليـل جيّـده والصباحـات غـارب=وتقول لي وش لك به إلاألف لي بـه
لي به مآرب...والشعر لـه مـآرب=وأقفـى ولافكّـر بوحشة...حبيـبـه
.

ولكم القلب

[خالد صالح الحربي]

:
[ كَاسِحَة ألْغَام ] / خَطأ مُطْبَعِي !
الصّح على ما أظُنّ وَ رُبّمَا وَ يَقيناً [ سَائِحَة أنْغَام ] وَ أُصَفّق .
هنيئاً لنا بهذه البَعثَرة المُرَتّبَة ،
هَنيئاً لَنَا .

[جُمان]

مرعي ونيس ..

تَضرب بِكفّك أرض الشّعر ../ فتنبَجِسُ مِنها عُيون القَصائد شراباً خالصاً سائغاً للواردين
في كُل مرة تُرغِم الشِّعر الجميل على النّهوض من مرقَدهِ
لِـ ينفضَ السّماء ويُفيضُ علينا بـ نجوم الدهشة



رائع جداً هذا النّص

.

.

[ناديه المطيري]

صح لسانك أيها الشاعر الجزل

تقديري ...

[فيصل الحلبوص]

مرعي ونيس




صباحي شعر


بنصك الرائع



محبتي

[ميــرال]

أنغام أنغام يامرعي

مبدع الى مالا نهاية
مساك ورد

[عون القحطاني]

مرعي ونيس

نجدّف في هذا الفضاء الثائر
دون كلل او ملل
ما دمنا ( ندسم...بالقصيـد الـشـوارب )

وليقيننا .. بأنه سوف
( ترقى بنا..على السحاب .. القـوارب )

لننعم بجمال الشعر .

شكراً يامبدع .

[مرعي ونيس]

:
[ كَاسِحَة ألْغَام ] / خَطأ مُطْبَعِي !
الصّح على ما أظُنّ وَ رُبّمَا وَ يَقيناً [ سَائِحَة أنْغَام ] وَ أُصَفّق .
هنيئاً لنا بهذه البَعثَرة المُرَتّبَة ،
هَنيئاً لَنَا .

.
أستاذي وشاعري/

خالد الحربي الحرّ الأبي

رتبني وبعثرني بكل نص بحضور كهذا النور
أجدتني ألامس السماء بكل مساء أجد به رد/ورد لك
أثريتني بتواجدك فليغبطوني الغابطون


شكرا لاتفي

[حسين الحوّاس الجباري]

انت بالفعل

ماتارد الاّ صافيات المشارب
واللي على بال المطنّخ تجيبة

اللة اللة

بمعنى الكلمة كاسحة الغام

صح لسانك مليووووووووون

،
،
،
،
،
،