N a t s h i a

[جمال الشقصي]

\

ألِكْسَندر لبس ستره=جديده.. ردْنها مثقوب!
بها يفرح/ بها يكره=بها يسجد بليل ذنوب
ألِكسنْدَر كُبَر صغره!=وحيد بضحكته مصلوب!

/

[جمال الشقصي]

\

لو يعيش إبنك مدى عمره (حرامي)=لو نسف عرف التقاليد العقيمه
صدقيني ما أشوف إلا كلامي:=يا كبر شانه.. سرق دار الجريمه!

/

[جمال الشقصي]

\

نامي.. نامي
إبنك بخير وكرامه
نايم بزحمة شوارع
ما تصحيه النشامى..!

/

[جمال الشقصي]

\

والا اقلّك:
إبنك بخير وسلام
ياكل الخبزه من شفاه المزابل
بس ما يطلب مقام
:
ناتاشِيا:
ليش أحس المقبره راية بلد؟!
ليش أحس الأرض كذب الأوفيا؟!
ليش ما خذتي ألكِسندر معاك؟!
أو تعلم منْك ما يكبر أبد
والاّ يكبر في حياد!!!
/

[جمال الشقصي]

\

على قش الحظيره ماتت أم/ ولا حدٍ يعلم=هلا بك يا (ألِكسندر) هنا في موطنك عاري
هلا بك.. لا مكان أأمن من انك فيك تتألم=تعلمْك المزابل كيف تنصب للوطن ساري!!

/

[جمال الشقصي]

\

ولا تنسى تّثاوَب طين
وَلا الحاكم.. ونصرة دين
ولا تنسى تزور الأهل والأقراب
ولو هُم مِن نسوك العمر في سكه
بلا عيديه.. وفكّه
ولو ما احدٍ شرى لك لعبةٍ وثياب!
:
ألِكسندر:
كبرت كثير..
علامك كثر ما تطوَل.. طولت صغير؟!
/

[جمال الشقصي]

\

جيت أكش الأرض تحتك يا (ولدْها)=عن ذباب الناس لا حام بطعونك
عن ذبول البرّ/ عن خيمه وتدها..=لا يقوم فـ لحظه أو لحظه يصونك
جيتك بقبله ولا واحد سجدها=أبذر بسجادة الرحمه سجونك!

/

[جمال الشقصي]

\
ناتاشِيا اللي صوتها وردٍ وتوت=شفها تموت بْلا دموع مْزارعين!
الكل يدري إنها بكره بتموت=والكل قبل أمْس يْتحاشاها بِعين!!!
/