نـوّاف التـركي ...

[ناصر حطاب الدهمشي]

السلام عليكم ورحمة الله و بركاته ..

هـُـنا نبض .. لم يـُـسمع من قبل ..
هـُـنا كل ما يحكينا ويبكينا ...
هـُـنا أرواق نقيّة لنورس الشعر : نواف التركي

اليوم ماهو بجوّ الحب يا غادة = أحس جوّي حزين وضايقة فيني
محتاج للصبح ماني ناقص زيادة = أتعبني الليل يهدم بي ويبنيني
محتاج لي أي حاجة ماهي بسادة = محتاج لي أي لون يمر في عيني
محتاج لي عيد غير اللي على العادة = محتاج لي قلب ما يقدر يخليني
محتاج لي طفل يركض شايل قلادة = ومحتاج طفلة تحرَّى تلبس يديني
محتاج..! محتاج.. شيٍ يصعب إيجاده = محتاج أكوِّن كياني قبل تكويني
محتاج أرجع لعمري يوم ميلاده = وأقتلني هناك في مهدي وأبـْـكِيني

لـــ نورس الشعر : نوّاف التركي

[ناصر حطاب الدهمشي]

ما وسّع الضيق يا مهلّي ولا عنّه = صدّه .. وجرّتك يمّ الهم تحداني

كانك تقهويت من هيله ومن بنّه = فأنا قبل تشربه بهّرته أحزاني

يجيرك الله لا جيت أوصفه كنّه = الشرهه اللي تمر بنظرة إخواني

لا جات بقعا علّي برمح مستنّه = وقصّرت فيهم ولا قدمت بلساني

عذرٍ يبرّي من الشكّات والظنّه = ولا ظل طيّب عشان أروح له عاني

ولا باقي إلا العفون وراعي المنّه = وأنا متشيّم عن السقّيط وإيماني

بالله ما هو قليل ولا غنى عنّه = وإن الفرج لو تباطيت العسر داني

ويقال لا أستفردت بك ضيقتك غنّه = وأنا أكثر اللي يغنّونه من ألحاني

لــ نورس الشعر : نواف التركي

[ناصر حطاب الدهمشي]

هي بسمة الغبن يا نصّار محتاجة = أوضح من الصدّة اللي عقبها كانت

والهقوة اللي بعدها مامن مواجه = دمعة ربت بالعيون وكبرت وخانت

عينك سماء والدموع نجوم وهاّجة = والنجمة اللي تطيح تخفف .. وهانت

تدري وأنا أخوك لولا الضيق والحاجة = ماكان الأنذال في منقوصها بانت

من دون سلّة سلاحك ميّة إفراجه = ولا دون ساعتك فرجه كانها حانت

قم غن لأبو العفون ولأبو الحاجة = تزين الأيام ولاّ عمر ما زانت

لــ نورس الشعر : نوّاف التركي

[ناصر حطاب الدهمشي]

يا صاحبي والحب حظ وتوافيق = مرّات يا زينه ومرّات فرقاه

وأنا الله يخليك مو ناقص الضيق = بالله شف غيري تحبّه وتهواه

لا يجذبك يمّي حنين الطواريق = الشاعر إقره بس لا تاصل أقصاه

صدقني أسرع من يخون المواثيق = وإن أطربك مرّه بيزرع بك الآه

ممكن تغيب بطيب خاطرك وتفيق = عن حلمك الكاذب وتمشي وتنساه

مستخسرك فيني ولا قادر أطيق = أصد عنّك وأنت بلوى من الله

تكفى ماهو لازم على قلبي تويق = خايف لا أسلّم لحيته وإتولاّه

رح لا تفتّح لك أمورٍ مغاليق = وحب القصيد وخل شاعره وأقراه

نورس الشعر : نوّاف التركي

[ناصر حطاب الدهمشي]

أقرد من محاكيك ماني بخابر = عشان تفهم بس قبل إتوّهق

ترا الحظوظ مدسسه بالمخابر = وحظي إليا شاف السمينه تفهّق

أبعد وتقطع للنحس منك دابر = مو بكره بقردي تضيق وتزهّق

نورس الشعر : نوّاف التركي

[ناصر حطاب الدهمشي]

أبيات تحتاجونها بالحياة .. أجزم بذلك ..
7
7إن طحت من عين مثلك هذي بشاره = أبك أنت مايستقر في عينك الصالح
رح قل لغيري ترا دنياك دوّاره = تبيني أجيك ما حزّرت يا فالح
اللي مخبيه عنه إنزالت ستاره = طاحت وبانت حقيقة وجهك الكالح


نورس الشعر : نوّاف التركي

[ناصر حطاب الدهمشي]

بتعيش تاكل غير هذي وبتعيش = من قال لك يعني تسوي هواوي

يا لله ياعمي جت بسيطه وبالريش = بكره تحلّق فالسماء يا النداوي

عادي تعوّد تعطي الوضع تطنيش = وغب كثر ما تقدر وخلّك خلاوي

وأنزح عن التخمين والشك والـ / ليش = وصمّ عن كلام / العاشقين الحكاوي

تراك في وقتٍ يعزّ الدراويش = ويرخص مقام أهل الشيم والنخاوي

عدّى زمان الطيش يا راعي الطيش = وبعيوننا صار الزمان إمتساوي

ما عادنا بعيون خلق الله [إغويش] = كبرت مشاريه العرب والهقاوي

إغويش : الأطفال الصِّغار

لــ نورس الشعر : نوّاف التركي

[ناصر حطاب الدهمشي]

أبطن لك الله ما طرقني هواهـن=ولا لاج في صدري عواهن وغنن
وأنا أتحرّى وصلهن من غلاهـن=وعرفن غلاهن وأبعدن وإستمنن
قلت أتمنّع لين أوصّـل مداهـن=وما أمداني إلا بالفـراق يتحنـن
يا علّ طاري فقدهن من فداهـن=من هو بعدهن بـ/ الجروح يتفنن
ومن غيرهن يقدر يشابه إحداهن=لا ضاقت فجوج الوسيعه وحنـن
وأقفيت أمسح دمعتينـي وراهـن=وصلّى لهن وجه الكلام وتسنـن
وأطلقت جنحان السهر في سماهن=وأستدركنّي قبل أحوف المجنـن
هن مالهن غيري ولا لي سواهن=لا قربن نجـر إغترابـي ودنـن
وهيّلت طبختهن وقللـت ماهـن=وصبيتهن لأوراق شعري وعنـن
لكل عابر شوق يبحـث خفاهـن=يهنى بهن لو كانهن مـا تهنـن
مبطي مرتّع ذود قلبـي حماهـن=ولا يوم عن نطح المقابيل كنـن
والخوف كان أقفن وقفّى هواهـن=ولا عاد لاجن في ضلوعي وغنن