انا ليا من شفت طـــرّادة الصيد ...

[خالد الوقيت]

.
انا اليا من شفت طرادة الصيد=على الجيوب محمّلين العفوشي

أجرّ من بين الحنايا تناهيد=وأحسّ راسي بالهواجس يدوشي

ودي بخوتهم ولو راحوا ابعيد=انا غرامي في مخاوى الطروشي

لو لامني بعض الرجال المقاريد=أهل النميم مثلّمين العروشي

ناسٍ تبدّي في قفا الناس ... وتعيد=تدور من كثر الهذاريم بوشي

وانا احمد الله ماعليّه مناقيد=الجيب جيبي والدراهم قروشي

ولا عِلْتْ بالدنيا على زيد وعبيد=مغنيني الله عن خطاة الدحوشي

عذروبي اللي اعترف به هوى البيد=هذا الذي لاطراف جاشي ينوشي

لا هام غيري بالبني المناهيد=هيف الخصاير ضافيات الرموشي

فانا هيامي وسط هاك الجراهيد=من حرة عويرض الى ام الحنوشي

مداهلٍ لو هي وعور وتناكيد=ناطى بها سود الحصا والفروشي

إلاّ انْ حبـــّه داخل القلب ويزيد=حيثه مساريح الظبا والوحوشي

اسلى بها لاجيتها باوّل العيد=مع رفقةٍ للصيد مثلي اعطوشي

اهل المودّه ... صادقين المواعيد=ما فيهم اللي لاختلفنا يهوشي

لو جيت أحسّبها سنينٍ سراميد=وانا عليها آسوق غرّ الجيوشي

ناخذ عليها بالخرامس تراديد=ونرمي بها فوق القفوش القفوشي
آثارنا في خدّها والمطاريد=مثل الوشوم الثابته ... والنقوشي

واختامها ياجِعْلها للرواعيد=وعسى عليها ما تكف الرشوشي
.
.

[خالد صالح الحربي]

:
والدَّعوَة عَامّة / لأهْلْ الوَلَع و الصِّيد و النُّوم تَحْت السَّماء .
أمّا أنا فَلَسْتُ مِنْهُم . :)
شُكراً خالد .

[حمد الرحيمي]

آمين ...



و [ صح لسانك ] يا خالد ...