"كلمة سر "

[سعود العواجي]

مساءكم ورد ..

قصيده كتبتها على عجااااااااله ...!!

هزني منظر طفل صغير وهو غارق بدمه تحت الركام ..طفل عربي لايعلم ولايدرك ماهو الحرب وماهو القصف ..طفل حرم من الحياه بين اهله والسبب هو سياسة دول لايعلم بأبعادها ولانواياها....

باختصار .
هذا هو النتاج ...،،
،
،
،
،
،
،
،
،
،
،







هذا هـو اللـي صـار يالواقـع المـر=صرنا نتكلـم بـس خلـف الستـاره !
الكل منـا لازعـل قـال: "أنـا حـر "=وشلون "حـر" ولا افتهـم للأشـاره ؟
"الفار" يلعـب والسبـب غيبـة "الهـر"=أصلاً ولابـه "هـر " يصطـاد فـاره !!
كـلام زايـف تقلبـه كبسـة الــزر=صار الهدف منـه مجـرد ...أثـاااااره
قولـة يسـار وخلـف لوماتبـي سـر=واذا تبـي قـدام غيّـر ..مسـاره ؟؟!
يهون عـادي نتـرك القـدس تنضـر=لا واخساااااره آآآآآآآه لا واخسااااااااره
لو هـان أنّـا نتـرك الـدار ..ونفـر=" حتـى جحـا ماهـان يتـرك حمـاره
مايـوم عرقنـا علـى لفحـة الـحـر=ولايرفـع " الامبيـر" زود الـحـراره !
"نعيـش جـو" وغيرنـا عايـش فبـر=ولا لحقنـا نعيـش عصـر الحضـاره
اذا الحبـل يصبـر علـى قـوة الجـر=العظم مايجبـر بطـووول أنكسـاره !!
يثور فينا الغيـض و "يدوسنـا" الشـر=ونشب لحظه مثل جمـر "السيقـاره"!!
تدري من اللي جـاب هالواقـع المـر=أدخل وخذها في صررريـح العبـاره !
أكتب" ثلاث حروف"فـي كلمـة السـر=ويطلع لك المسئول (( برج التجاره ))؟؟





أخوكم / سعود

[حمدان الشمري]

هذا هو اللـي صـار يالواقـع المـر
صرنا نتكلـم بـس خلـف الستـاره !

الكل منـا لازعـل قـال: "أنـا حـر "
وشلون "حـر" ولا افتهـم للأشـاره ؟

الله الله ياسعود


يثور فينا الغيـض و "يدوسنـا" الشـر
ونشب لحظه مثل جمـر "السيقـاره"!!

تدري من اللي جـاب هالواقـع المـر
أدخل وخذها في صررريح العبـاره !

أكتب" ثلاث حروف"فـي كلمـة السـر
ويطلع لك المسئول (( برج التجاره ))؟؟

صدقت والله

سعود ليس غريبا" على الاوفياء واهل الشيم هذه الغيره وانت احدهم ياسعود

كان لي الشرف بأن اكون اول من يصافح هذا الابــــــدع

صـــح كـلـــكــ يالعواجي

ودمت بالف خير

[عمر غربي]

.




المبدع سعود العواجي



عانقتها سابقا


وها انا اعانقها مجددا


وفي كل مرة ارتشفها


لا اروى من رحيقها



صح لسانك وسلم نبضك

[نسرين الأحمد]

تدري من اللي جـاب هالواقـع المـر
أدخل وخذها في صررريح العبـاره !
أكتب" ثلاث حروف"فـي كلمـة السـر
ويطلع لك المسئول (( برج التجاره ))؟؟


صح لسانك


أبدعت في هذه القصيده


ولكن ماباليد حيله

[عبدالله العويمر]

سعود



صباحك ورد



نص/شعور





سلمت











دمت بود

[خالد صالح الحربي]

جميلُ وموجِع ما قرأت ياسعود..
ولكن هذا هو الواقع.. كما.. هوَ واقِع.

[فارس مهدي]

صح الله السانك

[فارس مهدي]

قصيده رائعه من رائع

دائما مايمطرنا بجديده وحظوره الاروع والاجمل



سعود


العواجي

دمت بهذا الجمال