غــر /غـــرهـ ...(بدون شعور)..تحاول المرور

[فهد الغبين]

اليها فقط

(زهرة)

يا أنساتي ..سيداتي ...سداتي=من وين أببدا ..والبدا ..في مدا ..وين
وانا ..حياتي ..مادرت عن مماتي=وشعاد ..دامي حي مابين نارين
تدرين ..وش اصعب مامر..بحياتي=إنك ..تشوفيني ..وكن ما تشوفين
وتقرين ..دمع الحرف ..داخل ابياتي=ولا طرفت لك يابعد عيني ..العين
وتدرين ..وش العن ..شعور ..بداتي=يوم إني حر ٍ ماحمل بحر ..قلبين
ويوم ٍ ..كان ..الحلم ..طفل ..يتاتي=الين كبر الحلم ..ثم ..مات ..تدرين
كان أوله ربيع ..ممطر ..نباتي=وكن المساء به ..غير ..وانتي تعرفين
وكنتي به الاجمل ..مابين البناتي=وش ريم ..وش حصه ..وش بعد ..دارين
ياحلمي ..اللي راح ..عفشه ..رفاتي=ماتلحق المعروف ..تذبحني هالحين
لجل بيوم البعث ..تصبح ..لقاتي=تدرين ..مسموحه ..ولو ما / تردين
يابنت ..واللي ..رافع السمواتي=إني بحبك ..طول عمري لك مدين

[فهد الغبين]

لو إن خدي أرض ..تنبت ..من الدمع=لكن حرام إن قلت لك ..إرجعي لي
لا عاد به طاعه ..ولا عاد به سمع=وش لون ابسمع ..وانتي ماتسمعي لي
ماحن قلبك ..يوم طالعتي ..الشمع=كتل كتل .ماكنك ..إتطالعي ..لي
اما مابدينا الجمع ..او يفرق الجمع=واليا فرقتي الجمع ..لاتجمعي لي
الا بيوت ٍ كانت ..تقول لك سمع=وامرك ..منفذ ..يومك ِ ..تسمعي لي

[فهد الغبين]

الاهداء

الى وطني في داخل المنفى

لها
(زهرة)

ياشينها ..لابيح الموت ..خافيك=ومافيك ..موت ٍ ..وموت ما/فيك أخفى
على وليف ٍ ..كفنك ..في كفى فيك=وانت الكفيف اللي تكافيه ..تكفى
تكفي دخليلك ..خلني ..بالهوى فيك=ما للهوى الا فيك ..وبفيك ..يسفى
لاتتركين اللي قضى ..العمر ..كافيك=وعن فيك ..لم بفيه ..مافيه ..واقفى
قضى زمانه فيك ..وهو يضافيك=والبرد ..قطع بضهره ..دون يضفى
والموت ..ماهو ..موت ..عادي ..بدا فيك=وانا بموتي فيك ..مع موتي ادفى
شوفي ..وش اللي صاربي ..من تلافيك=وانا شنفني لف تلٍ تلى فيك ولفى
تدرين ..ويش الموت ..؟ موتي منا/فيك=ياموطن الاحساس ..بحساس منفى
ياللى أموت ..ولاااا.. بلحظه ..أكافيك=ماكفاك فيني الموت ..كفى ..ووفى
حاولت اشفى منك ..واثر الشفى فيك=ياشفى من أشفى شهد في شهد الاشفى
عطنى ..باقي السم ..ربي ..يعافيك=لعلني بالسم ..أنسم ..واعفى
وردتني بالموت ..موتي ..تجافيك=والجاء جمرة فيك ..في فيك ..تجفى
يامتعب حروف الهجاء في حلا ..فيك=في فيك يغفى الثلج والجمر يغفى
مايهمني ..لو ما أنا ..يانا ..فيك=وفي فيك ..لو انفى ..محال انت تنفى
جيتك ..وانا ميت ..ياروحي اصافيك=وفي فيك شفت الشهد في فيك اصفى
عذبتني ..يامعذب الروح ..مافيك=رحمة على قلب قلب ..لجل ..يهفى
ابيك ..واللي صورك ..والسنا/ فيك=وابي السناء من فيك في فيك يلفى
كافيك ..ماهو فيك ..في فيك كافيك=لو فيك ..ماهما فيه ..عن فيك ..ما اكفى
وين انت ..شفني طحت ..رافض منافيك=ياموطن الاحساس ..ما ابيك ..منفى

[فهد الغبين]

تشتاق لي ..واشتاق لك ..بس هيهات=إنا نتلاقى ..في زمن ..لا تلاقي
يا أحلى فصل ..مر بجميع الروايات=مال أعتناقي ..مال ..قبل أنعتاقي
تم تم تلك ..في تم ..تمتمتها ..اهات=ورحتي وانا لازلت ..بالاه باقي
يا أروع شعور ٍ مر ..مر ..بسكات=ونال أنعتاقي قبل ..نول ..إعتناقي

[فهد الغبين]

[

في مهل دارت عيوني ..بالمطر ..وقت إنسكابه=في مهل طافت معاني غربتي ..في وسط عينه
في مهل ..مر الكلام ..ومر ..من مامر ..مابه=واستحل الياسمينه ..وصاحب ٍ..للياسـ/مينه
يوم غادرت المكان ..وهـ/ الزمان ..بكل مابه=وابتديت أهيم غايب ..في مساء نسي السكينه
في مساء ٍ كان غير ..وكان منفي من الرتابه=ضاقت صدور المدينه ..باللي ضايق بالمدينه
كانت الشعر ..وعيونه ..والمساء ..بدره ضبابه=ضيقت صدر المكان ..وسافر ب من فيه ..وينه ..؟
كانت ..الليل وشموعه ..واللي حاضر في غيابه=كانت الإحساس فيني ..كل ماتعب سامعينه
كانت الماء في ضمايه ..والضمى ..اللي ماء مابه=كانت الجوع لمشاعر ..شاعر ..فاقد حنينه
طفل ..ماشاف بعيونه ..الا ..دم ٍ من صوابه=أغرق احساس الاراضي ..وابحر ..بليا ..سفينه
ساهر ..اسراب النوارس ..لين يسري للسحابه=ساهر ..اسراب النوارس ..يعزف الحزن لحزينه
للمكان ..يقول أسف ..لاظلم الصبح ..بغرابه=وللزمان يقول أسف ..لاقتل باقي سنيه
ولا السوال ..المر ..مر ..ولا تلقته الإجابه=ولا الحنين ..اللي من أول ..حن ل أول من حنينه
البدر ..من غيب طيفه ..طاف بي غايب ..عتابه=ولا عتابه ..غاب عني ..في مساء غياب الخدينه
طفلة ٍ لاجت تمشى ..توقف الخلق ..بمهابه=طفلة ..لوهي توقف ..ياقف الوقت ..وفي حينه
يثمل الاحساس فينا ..لا ابتدا فينا ..الإذابه=ويتمايل ..كل ..ثقل ٍمال ..ميله ناسيينه
علمتني ..كيف احب ..وكيف اموت وكيف ..أجابه=وعلمتني ..قبل هذا ..كيف أصير إلها ..رهينه
وعلمتني ..كل معنى ..كان يعني ..للغلابه=لين خلتني ..مدين ٍ مات لجل يسد دينه
ااه ياماجد من اللي ..حولت عمري ..كأبه=واااه ياماجد من اللي ..غايبه من دون بينه
اااه يامجد تعبت ..من الوقوف ..اللي ب بابه=وااه يا ماجد ..تعبت ..من الغياب ..وماشيينه
البحر ..في وسط ..صدري ..مل من سفنه ..وصابه=مايصيب البحر الاحمر ..لازمى الموج ..بحنينه
اااه ياماجد ..من لي ..ما اعرفه منهو ..ولا /به=من يحالي زوله اللي ..ماحد يشيل زينه
ااه يا ماجد ..من اللي روحتي بي بكل..ذرابه=واتركتني ..وسط غربه ..مابه اللي ..عارفينه
سامح الله ..كل جرح ..من يديها ..جاء مصابه=وسامح الله ..كل حزن ..ترسمه فيني ..مدينه

وانتهي الوقت ..ولقيته حلم ..يالذة عذابه=وانتهى حتى المكان ..من إغتراب ..مها/جرينه
وانتهى صدر الحزين ..يعيش لحظات الراحابه=وانتهى ..حتى الكلام ..المنتهي ..في ( س ) وينه
وينه اللي ..كل ما اقفى ..ابتدي نزف الكتابه=وينه اللي ..كل منفى ..ضاق نفي بساكنينه

[فهد الغبين]

لاتسألوني من أنا .. ماعرفني=من ماعرفت اللي بقلبي عرفته
الصاحب اللي ..صبني ولاغرفني=وهو جفاف وجيت ..كلي غرفته
من وين ماهب الهوى قلت رفني=وانا عن الهبات ..لامر ..رفته
العادل ..اللي دون ما اشعر حرفني=وانا أموت ..وشوفني ماحرفته
كم لي ..وانا له شيك ..ولا صرفني=اللي ولو يبغى العمر ..ماصرفته
روح وخلاني ..وهو ما ذرفني=وانا من الحرمان ..روحي ذرفته
قولوا له ..اليا جيت له ..لايعرفني=كافي علي الموت بي من عرفته

[فهد الغبين]

تعالوا نعود

شبعنا ..وعود

تعالوا ..نرسي أمانينا

على واقع

موا /نينا

ونصرخ



يكفي



ما

فينا



تعالوا

نعووود













كفانا

وعـ ود





نعود لـ / عالم ..غياب الشعور ..وغيبة الحضار=ونحضر ..غيبة حضور الحضور ..ونبدا بالغيبه

وجع هذا المساء ..طفل ٍ ..عزف لحنه على المزمار=وغنى الليل ..تشريقه ..ماهو مثله ..بتغريبه

رماه الوقت ..ضن إنه ..سهل بيطيح ..أو ينهار=ولكن ماقوى وقته ..يزعزع مبادي صدق تكذيبه

صدح صوته ..وغنى لك ..أحبك ..واخذي التذكار=حديقة ..شاعر أسقى ..جميع أغ /ـصانها ..قليبه

على ذكرىالهوى الهادي ..على الوادي أهوىومطار=روت منها الصحاري اللي لها أعوام ..تجديبه

على فلوة هل العارض ..أهم الناس ..دق الزار=بعد ماصاح مزمار الغياب ..ويلعن الغي ..به

جنون أحساس ياخذكم الى صدر السماء ..والنار=تدفي كل بردان ..برد..والموت يحريبه

تعالوا ..ياثلاثتنا ..نغيب ..ونبحر ..ونندار=الى ذاك الخيال ..اللي ..بدت بغيابه الغيبه

حبيب ٍ راح ..لكنه ..معي دايم ..يمين يسار=قريب ٍ صعب تبعيده ..بعيد صعب تقريبه

عليه أنوح ..نوح اللي ..ينوح ..من ينوح ايثار=وهو يقول ..تعذيبه ..ولاهي اي تعذيبه

فقدت الروح ياروحي ..وروحك راح ..ياصبار=وهل به صبر بعد الموت ..!شف لك شي تحكيبه

[فهد الغبين]

قولوا / لها ..مات الفهد ..مايكفيـك
يامن طعنتيني ..بلا رمح ..أو سيف


الله يحلل ..كل طعنة ..من إيـديـك
ولاني ب قايل يامها لطعنتك حيف