اثنين في عشره

[ناصر الشعلان]

(1)
المليك يدور لحاله وصيف
.........والوصيف يدور لنفسه وصي
والشوارع ناس والشاعر رصيف
.........والذنوب اطفال من شاعر خصي

......................
(2)
تضطرب فينا مشاعر من جحود
..........ونتلذذ من عطشنا بالسراب
والغني فينا سرق مال الحسود
........والردي فينا ردي ولاطاب طاب
......................
(3)
ياطريق امشيه والخفاق ساقي
......وماسقاني غير حسرة بالخفوق
كل ماشوف النهاية شفت باقي
.......لارتباك الدم فرصة بالعروق
...............
(4)
وماسقاني غير حسرة بالخفوق
........ياطريق امشيه والخفاق ساقي
كيف يتكون من الكذبة صدوق
......... وكيف ابتماشى انا في انسياقي
..............
(5)
وين ابي القى ياهروبي لك مسافة
..........كيف ابي اركض في زمان الهاربين
وكيف تروى ياظما من ارتشافة
.....ماتبل عروق ولاتسقي حنين
..................
(6)
ابشر سكنت بربيع جروحي لحالك
......مالك خشير برحيق اوجاعي وتدري:
لو ماتشيلك عيوني خافقي شالك
.......مادام عرشك ضلوع ن في وسط صدري
..................
(7)
لو زرعت الريح لاغصان الركود
........مالقا هالنور له ظلما تعكسه
ولو نزعت الغاب من ملك الاسود
.......الحصاني تنتصر وتصير نكسه
................
(8)
كانت اقدامي تضايق من زمان امشيه حافي
....لين ادمى شوكها كل الدروب المخملية
حتى شفت الي على العكاز يمشي ومتعافي
....قلت ياربي صدقت نفوسنا ماهي خليه
.........
(9)
من يقول ان الغلط ماهو صحيح اكبر غلط
....والدليل اكبر غلط بالضبط هو اصغر صحيح
والبياض اصله مزيج الوان لازم تختلط
....مع بعضها...والكرم يلغيه موت اخر شحيح
................
(10)
كانت شفايفها تسولف مع الكاس
....يذوقها كاس النبيذ وتذوقه
احساس ماكنه ابد مثل الاحساس
..... شي ن تعلى احساسي وصار فوقه

[جُمان]

ناصر الشّعلان ..

بِـ عشْرَةِ أصابِع اعتَصَرتَ الغَيْم ../ وأثْبَتَّ لنا أن المَطر رِيٌّ للخَرِيف
هذه المَسَاحَة خَضراءَ حدَّ العُشب ../ وحَرفُها أبيَضٌ كـ سماء

شُكراً للنّورِ الفائضِ هُنا

.

.

[بدر العازمي]

جميلةُ تلك الورود ..

شكراً لتلك الباقه

[عبدالله الدخين]

ابيات تعادل القصائد


صح لسانك حتى ترضى

[ناصر الشعلان]

ناصر الشّعلان ..

بِـ عشْرَةِ أصابِع اعتَصَرتَ الغَيْم ../ وأثْبَتَّ لنا أن المَطر رِيٌّ للخَرِيف
هذه المَسَاحَة خَضراءَ حدَّ العُشب ../ وحَرفُها أبيَضٌ كـ سماء

شُكراً للنّورِ الفائضِ هُنا

.


.

جمان
تحياتي لك ايها الكريمة

[فيصل الباهلي]

مقتطفات ذهبية







مفكر








شاعر بكل ماتعنيه الكلمة




دام قلمك